››› මුල් පිටුව    

යාවත්කාලීන වේලාව: 7/28/2010 9:46:29 AM <% on Error Resume Next Response.Expires = 0 %>

ඉන්දීය අත්අඩංගුවේ සිටි ශ්‍රී ලාංකික ධීවරයන් නිදහස්‌ කෙරේ ඉන්දීය වෙරළාරක්‍ෂක බලකාය මගින් අත්අඩංගුවට ගනු ලැබ සිටි ශ්‍රී ලාංකික ධීවරයන් පනස්‌ දෙදෙනකු සහ ධීවර යාත්‍රා දහඅටක්‌ එරට රජය නිදහස්‌ කර ඇත. මොවුන් ඉන්දීය මුහුදු සීමාවේදී ඉන්දීය වෙරළාරක්‍ෂක බලකාය මගින් අත්අඩංගුවට ගෙන තිබෙන අතර, තංගල්ල, ත්‍රිකුණාමලය, දෙවිනුවර සහ මීගමුව යන ධීවර වරායවලින් මෙම පිරිස මසුන් මැරීමට දියඹට ගොස්‌ තිබේ. නවදිල්ලි නුවර පිහිටි විදේශ කටයුතු අමාත්‍යංශය විසින් මෙම පිරිසට පිටත් කර හැරීමේ නියෝග ලබාදුන් පසු එම ධීවර යාත්‍රා සහ ධීවරයන් ශ්‍රී ලංකාවට රැගෙන ඒමට කටයුතු කරන බව ධීවර හා ජලජ සම්පත් අමාත්‍යාංශය සඳහන් කරයි. මේ වන විට තවත් ධීවරයන් 113 ක්‌ සහ ධීවර යාත්‍රා 32 ක්‌ ඉන්දීය ආරක්‍ෂක අංශ අත්අඩංගුවේ පසුවන බව අමාත්‍යංශය වැඩිදුරටත් පවසයි. දිවයින ඇසු‍රෙනි