මේජර් ජෙනරාල් සත්‍යප්‍රිය ලියනගේ යුද්ධ හමුදා නව මාණ්ඩලික ප්‍රධානී ලෙස පත්වෙයි
අගෝස්තු 24, 2019ශ්‍රී ලංකා යුද්ධ හමුදාවේ නව මාණ්ඩලික ප්‍රධානී ලෙස මේජර් ජෙනරාල් සත්‍යප්‍රිය ලියනගේ ඩබ්ලිව්ඩබ්ලිව්වී ආර්ඩබ්ලිව්පී වීඑස්වී යූඑස්වී එන්ඩියූ පීඑස්සී පත් කර ඇත. යුද හමුදා මාධ්‍යයට අනුව ඔහු යුද හමුදාවේ 54 වන මාණ්ඩලික ප්‍රධානී වේ.
ශ්‍රී ලංකා සන්නාහ සන්නද්ධ බලකායට අයත් නිලධාරියකු වන මේජර් ජෙනරාල් ලියනගේ ශ්‍රී ලංකා යුද්ධ හමුදාවේ දෙවනියා ලෙස පත්වීමට පෙර ශ්‍රී ලංකා යුද්ධ හමුදා ස්වෙච්ඡා බලසේනාවේ සේනාවිධායක සහ ඒකාබද්ධ මෙහෙයුම් මූලස්ථානයේ ආඥාපති ලෙසද සේවය කරන ලදී. ඔහු ශ්‍රී ලංකා සන්නාහ සන්නද්ධ බලකායේ කර්නල් සේනාවිධායක ධූරයද හොබවයි.