අල්ලස් හා දූෂණ විරෝධී පනත පිළිබඳ දැනුවත් කිරීමේ වැඩසටහනක් ආරක්‍ෂක අමාත්‍යාංශය විසින් පවත්වයි
ජුලි 30, 2025ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ගේ මඟපෙන්වීම යටතේ අභ්‍යන්තර කටයුතු ඒකකය විසින් සංවිධානය කරන ලද ශ්‍රී ලංකාවේ බලාත්මක කරන ලද අල්ලස් හා දූෂණ විරෝධී පනත පිළිබඳ විශේෂ දැනුවත් කිරීමේ වැඩසටහනක් අද (ජූලි 30) ආරක්‍ෂක අමාත්‍යාංශයේදී පැවැත්විණි.
අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්‍ෂ ජනරාල් සහ සේවයේ නියුතු මහාධිකරණ විනිසුරු රංග දිසානායක මහතා විසින් ප්‍රධාන දේශකයා ලෙස වැඩමුළුව මෙහයවන ලදි. දිසානායක මහතා සිය දේශනය අතරතුර, නවතමයෙන් හඳුන්වා දුන් දූෂණ විරෝධී පනත පිළිබඳ සංක්‍ෂිප්ත දළ විශ්ලේෂණයක් ඉදිරිපත් කළ අතර, එහි ප්‍රධාන විධිවිධාන සහ රාජ්‍ය සේවයට ඇති ඇඟවුම් අවධාරණය කළේය.
නිල රාජකාරි ඉටු කිරීමේදී සද්භාවයෙන් හා යහපත් විශ්වාසයකින් අවංකව කටයුතු කිරීමේ වැදගත්කම ඔහු අවධාරණය කළ අතර, රාජ්‍ය සේවකයින් සහ නිලධාරීන් තම කාර්යයේ සුපරික්‍ෂාකාරි බව සහ වගවීම ආරක්‍ෂා කිරීමට බිය නොවන ලෙසද දිරිමත් කළේය.
මෙම අවස්ථාවට ආරක්‍ෂක නියෝජ්‍ය අමාත්‍ය මේජර් ජෙනරල් අරුණ ජයසේකර (විශ්‍රාමික) සහභාගී වූ අතර, ත්‍රිවිධ හමුදාපතිවරුන්, ආරක්‍ෂක අමාත්‍යාංශයේ අතිරේක ලේකම්වරුන්, ජ්‍යෙෂ්ඨ රාජ්‍යය නිලධාරීන් සහ ජ්‍යෙෂ්ඨ හමුදා නිලධාරීන් පිරිසක්ද සහභාගී විය.
මෙම මුලපිරීම, ආරක්‍ෂක අංශ තුළ මෙන්ම පුළුල් රාජ්‍ය පරිපාලනය තුළ දූෂණයට එරෙහිවීමේ හා දුෂණයෙන් තොර සංස්කෘතියක් පෝෂණය කිරීමට අමාත්‍යාංශයේ ඇති කැපවීම පිළිබිඹු කරන ලදි.
