சீன தேசிய பாதுகாப்பு பல்கலைக்கழக முன்னாள் மாணவர் சங்கத்தின் 05வது ஆண்டு விழாவில் பாதுகாப்பு செயலாளர் கலந்து கொண்டார்

சீன தேசிய பாதுகாப்பு பல்கலைக்கழக முன்னாள் மாணவர் சங்கத்தின் (CNDUAASL) 5வது ஆண்டு விழா செப்டம்பர் 14 பத்தரமுல்லையில் உள்ள Waters Edge ல் இலங்கைக்கான சீன மக்கள் குடியரசின் தூதுவர் அதிமேதகு Qi Zhenhong தலைமையில் நடைபெற்றது.

பாதுகாப்பு செயலாளர் எயார் வைஸ் மார்ஷல் சம்பத் தூயகொந்தா (ஓய்வு) இவ் விழாவில் கௌரவ விருந்தினராக கலந்து சிறப்பித்தார். இதன் போது சிறப்புரையாற்றிய பாதுகாப்பு செயலாளர், இலங்கைக்கும் சீனாவிற்கும் இடையிலான நீடித்த மூலோபாய கூட்டாண்மை மற்றும் பகிரப்பட்ட மதிப்புகளை எடுத்துரைத்தார்.

"காலனித்துவ எதிர்ப்பு போராட்டத்தின் எங்கள் பகிரப்பட்ட வரலாறு, இறையாண்மைக்கான எங்கள் பரஸ்பர மரியாதை மற்றும் அமைதியான வளர்ச்சிக்கான எங்கள் கூட்டு அர்ப்பணிப்பு ஆகியவை எங்கள் நாடுகளுக்கு இடையிலான நீடித்த நட்பை ஆதரிக்கின்றன," என்று தெரிவித்தார். வரலாற்றை பாதுகாப்பதிலும், ஒரு நியாயமான உலக ஒழுங்கை ஊக்குவிப்பதிலும், சர்வதேச ஒத்துழைப்பை வளர்ப்பதிலும் இலங்கையும் சீனாவும் தொடர்ந்து ஒன்றுக்கொன்று ஆதரவளிக்கும் என்று அவர் மேலும் வலியுறுத்தினார்.

இலங்கையின் சீன NDU முன்னாள் மாணவர் சங்கத்தை நிறுவுவது, அதன் பட்டதாரிகளிடையே பரஸ்பர நன்மை பயக்கும் உறவுகளை மேலும் வளர்ப்பதை நோக்கமாகக் கொண்டுள்ளது, அவர்களில் பெரும்பாலோர் இலங்கையின் இராணுவம், கடற்படை மற்றும் விமானப்படையைச் சேர்ந்தவர்கள். மேலும், இது தேசிய மற்றும் சர்வதேச தொடர்புகளை மேம்படுத்துவதற்கான தொழில்முறை தொடர்புகளின் வலையமைப்பையும் வளங்களின் தொகுப்பையும் ஊக்குவிக்கும் என்று எதிர்பார்க்கப்படுகிறது.

இவ்விழாவிற்கு இராணுவ மற்றும் விமானப்படை தளபதிகள், முன்னாள் முப்படை தளபதிகள், சிரேஷ்ட இராணுவ அதிகாரிகள், தூதரகங்க அதிகாரிங்கள் உட்பட இராஜதந்திரிகள் மற்றும் சீன தேசிய பாதுகாப்பு பல்கலைக்கழகத்தின் இலங்கை மாணவர் சங்க உறுப்பினர்கள் உட்பட ஏராளமானோர் கலந்துக் கொண்டனர். இரு நாடுகளுக்கும் இடையே தற்போதுள்ள பாதுகாப்பு மற்றும் இராஜதந்திர உறவுகளின் முக்கியத்துவத்தை இந்நிகழ்வு எடுத்துக்காட்டுவதாக அமைந்தது என்பது குறிப்பிடத்தக்கது. 

சீன தேசிய பாதுகாப்பு பல்கலைக்கழக முன்னாள் மாணவர் வலையமைப்பின் மூலம் வளர்க்கப்படும் இராணுவக் கல்வி, மூலோபாய உரையாடல் மற்றும் பரஸ்பர மரியாதை ஆகியவற்றின் வலுவான பிணைப்புகளை மீண்டும் உறுதிப்படுத்தும் ஒரு தளமாக இந்த விழா செயல்பட்டது என்பது குறிப்பிடத்தக்கது.