இலங்கை கடற்படை அனர்த்த நிவாரணக் குழுக்கள் மீட்பு நடவடிக்கைகளில் மும்முரம்

மிக மோசமான காலநிலையால் பாதிக்கப்பட்ட மக்களுக்கு நிவாரணம் வழங்கும் நோக்கில், இலங்கை கடற்படை மொத்தமாக 141 அனர்த்த நிவாரணக் குழுக்களை தயார் நிலையில் வைத்துள்ளது. 2025 நவம்பர் 29 ஆம் திகதி காலை 0730 மணி நிலவரப்படி, அந்தக் குழுக்களில் 79 குழுக்கள் அனைத்து மாகாணங்களையும் உள்ளடக்கும் வகையில் சேவையில் ஈடுபடுத்தப்பட்டுள்ளன . நவம்பர் 22 ஆம் திகதி நிவாரண பணிகள் ஆரம்பிக்கப்பட்டதில் இருந்து இதுவரை, பாதிப்புக்குள்ளான 900 க்கும் மேற்பட்ட நபர்களை பாதுகாப்பாக மீட்கவும், சுமார் 2000 பேரை கடற்படை படகுகள் மூலம் பாதுகாப்பான இடங்களுக்கு மாற்றவும் கடற்படை நடவடிக்கை எடுத்துள்ளது.

நேற்று (நவம்பர் 28) கலாஓயா பகுதியில் வெள்ளத்தில் சிக்கியிருந்த பஸ் ஒன்றிலிருந்த பயணிகளை மீட்கும் நடவடிக்கை தொடங்கப்பட்டது. இதற்கு இரண்டு கடற்படை (02) குழுக்கள் அனுப்பப்பட்டதுடன் கனமழை மற்றும் வேகமாக அதிகரித்த வெள்ளநீர் காரணமாக மீட்பு நடவடிக்கை கடினமானது. பின்னர் இலங்கை விமானப் படையின் Bell 212 ஹெலிகொப்டர் மூலம் வான்வழி மீட்பு முயற்சியும் மேற்கொள்ளப்பட்டது. எனினும் அதுவும் வெற்றியடையவில்லை. இதற்கு மத்தியிலும், நேற்றிரவில் கடற்படை விசேஷ மீட்பு நடவடிக்கையை மீண்டும் மேட்கொண்டது.

இன்று காலை 0800 மணியளவில், இந்த விசேஷ மீட்பு நடவடிக்கை வெற்றிகரமாக முடிவடைந்தது. சிறிய படகுகள் பயன்படுத்தி, ஒரு வெளிநாட்டு பெண் உட்பட 25 பேரை கடற்படையினர் பாதுகாப்பாக மீட்டனர். பாதிக்கப்பட்ட மக்களுக்கு நிவாரணம் வழங்கும் பணியில் கடற்படை அனைத்து வளங்களையும் பயன்படுத்தி அர்ப்பணிப்புடன் செயல்பட்டு வருகின்றது. மீட்பு நடவடிக்கைகள் தற்போது தொடர்ச்சியாக நடைபெற்று வருகின்றது.