அனர்த்த முகாமைத்துவ நிலையத்தின் காலாண்டு அடிப்படையிலான ஒருங்கிணைந்த முன்னேற்ற மதிப்பாய்வுக் கூட்டம் பாதுகாப்பு அமைச்சில் நடைபெற்றது

2025 ஆம் ஆண்டின் இரண்டாம் காலாண்டுடன் தொடர்புடைய அனர்த்த முகாமைத்துவ நிலையத்திற்கான காலாண்டு அடிப்படையிலான ஒருங்கிணைந்த முன்னேற்ற மதிப்பாய்வுக் கூட்டம் இன்று (செப்டம்பர் 30) ​​பாதுகாப்பு அமைச்சில் நடைபெற்றது. இந்தக் கூட்டத்திற்கு பாதுகாப்புச் செயலாளர் எயார்  வைஸ் மார்ஷல் சம்பத் தூயகொந்தா (ஓய்வு) மற்றும் நிதி அமைச்சின் திட்ட முகாமைத்துவ மற்றும் கண்காணிப்புத் திணைக்களத்தின்  பணிப்பாளர் நாயகம்  திரு. எஸ்.எஸ். முதலிகே ஆகியோர் தலைமை தாங்கினர்.

2025 ஆகஸ்ட் 31 வரை அனர்த்த முகாமைத்துவம்  தொடர்பாக செயல்படுத்தப்பட்ட அரசு திட்டங்கள் மற்றும் அவற்றின்  முன்னேற்றத்தை மதிப்பாய்வு செய்வது, சவால்களை மதிப்பிடுவது மற்றும் அந்த சவால்களை வெற்றிகரமாக முகம்கொடுக்க  தேவையான உத்திகளை வகுப்பது இந்த கூட்டத்தின் நோக்கமாகும்.

இந்த நிகழ்வில் ஜனாதிபதியின்  மேலதிக  செயலாளர் (வளர்ச்சி) திரு. என்.எஸ். வனசிங்கவும் கலந்து கொண்டார். வானிலை ஆராய்ச்சி நிலையம், அனர்த்த முகாமைத்துவ  நிலையம், தேசிய கட்டிட ஆராய்ச்சி அமைப்பு, தேசிய அனர்த்த  நிவாரண சேவைகள் மையம், திறைசேரி  செயல்பாட்டுத் துறை,  திட்டமிடல் துறை, முகாமைத்துவ சேவைகள் துறை மற்றும் திட்ட முகாமைத்துவ மற்றும் கண்காணிப்புத் துறை பிரதிநிதிகளும் இதில் பங்கேற்றனர். மேலும், நிலைப்படுத்தல் முறைகள் மூலம் நிலச்சரிவு பாதிப்புகளைக் குறைத்தல் (RLVMMP) திட்டத்தின் பல சிரேஷ்ட அதிகாரிகள் மற்றும் அனர்த்த முகாமைத்துவ  நிலையத்தின் அதிகாரிகளும் இதில்  பங்கேற்றனர்.

அரசாங்கத்தின் இலக்குகளை அடைவதற்கும், அமைச்சுகளுக்கிடையில் ஒருங்கிணைப்பை மேம்படுத்துவதற்கும், பயனுள்ள திட்ட மதிப்பாய்வு மற்றும் செயல்படுத்தலுக்காக மாகாண   மட்டங்களிலிருந்து உள்ளீடுகளைப் பெறுவதற்கும் அனர்த்த முகாமைத்துவ  செயல்பாட்டுப் பணிகளைப் பரவலாக்குவதற்குத் தேவையான நடவடிக்கைகளை உருவாக்குவதற்கும் பாதுகாப்பு அமைச்சு  உறுதி பூண்டுள்ளது ஏன்பது குறிப்பிடத்தக்கது.