பாதுகாப்பு பிரதி அமைச்சர் மேஜர் ஜெனரல் அருண ஜயசேகர (ஓய்வு) தலைமையில் பதுளை மாவட்ட அனர்த்த முகாமைத்துவக் குழு கூட்டம் நடைபெற்றது

சீரற்ற வானிலை காரணமாக நாடு கடுமையான அனர்த்த நிலைமையை எதிர்நோக்கியுள்ளது. இந்நிலையில் பதுளை மாவட்டம் அதிகம் பதிப்பிக்கு உற்பட்டுள்ளது. நிலவும் சூழ்நிலைக்கு முகம் கொடுக்க, உடனடி மற்றும் உயர் மட்ட அரசியல் மற்றும் நிர்வாக அதிகாரிகளை உள்ளடக்கிய பதுளை மாவட்ட அனர்த்த முகாமைத்துவ குழு, நேற்று (நவம்பர் 27) இரவு 0730 மணிக்கு பதுளை மாவட்ட செயலகத்தில் கூடியது. இதன் போது அனர்த்த தணிப்பு, நிவாரண ஏற்பாடுகள் மற்றும் பாதிக்கப்பட்டவர்களை உடனடியாக வெளியேற்றுவது குறித்து விரிவான கலந்துரையாடல்கள் நடைபெற்றன.

இந்தக் கூட்டத்திற்கு பாதுகாப்பு பிரதி அமைச்சர் மேஜர் ஜெனரல் அருண ஜயசேகர (ஓய்வு) பெருந்தோட்ட மற்றும் சமூக உள்கட்டமைப்பு அமைச்சர் கௌரவ சமந்த வித்யாரத்ன மற்றும் இளைஞர் விவகார பிரதி அமைச்சர் கௌரவ தினது சமன் குமார ஆகியோர் தலைமை தாங்கினர்.

இந்த முக்கியமான கூட்டம் மாவட்டத்தில் உள்ள அனைத்து அரசியல் மற்றும் நிர்வாக பங்குதாரர்களின் ஒருமித்த அணுகுமுறைக்கு முன்னுதாரணமாக அமைந்தது. கௌரவ ஊவா மாகாண ஆளுநர், பதுளை மாவட்ட கௌரவ நாடாளுமன்ற உறுப்பினர்களான அம்பிகா சாமிவேல், ரவீந்திர பண்டார சுதத் பலகல்ல, மாவட்ட செயலாளர் மற்றும் பதுளை அனர்த்த முகாமைத்துவ மையத்தின் சிரேஷ்ட அதிகாரிகள், சிரேஷ்ட முப்படை அதிகாரிகள், பிரதேச செயலாளர்கள், சிரேஷ்ட பொலிஸ் அதிகாரிகள் மற்றும் தொடர்புடைய செயல்பாட்டு அலுவலகங்களை பிரதிநிதித்துவப்படுத்தும் பல அரச அதிகாரிகளும் கூட்டத்தில் கலந்து கொண்டனர்.

இந்த அவசர கூட்டத்தின் போது, பதுளை மாவட்டத்தில் தற்போதைய அனைத்து முகாமைத்துவ நிலைமை குறித்து அதிகாரிகள் விரிவாக கலந்துரையாடினர். உடனடி நெருக்கடியைச் சமாளிப்பதற்கும், வெள்ளம் மற்றும் மண்சரிவு அச்சுறுத்தலைக் கட்டுப்படுத்துவதற்கும் தேவையான முன்னெச்சரிக்கைகள் குறித்தும் கவனம் செலுத்தினர். ஆபத்து அதிகமுள்ள பகுதிகளில் இருந்து பாதிக்கப்பட்ட மக்களை வெளியேற்றுவது குறித்து சிறப்பு கவனம் செலுத்தப்பட்டதுடன் இது தொடர்பாக பாதுகாப்புப் படையினருக்கு அறிவுறுத்தல்கள் வழங்கப்பட்டன.