அனர்த்த நிவாரணத்திற்காக இந்திய விமானப்படை BHISHM க்யூப்களை
இலங்கைக்கு அனுப்பியது

இந்திய விமானப்படையின் (IAF) C-130J விமானத்தில் கொண்டு வரப்பட்ட இரண்டு BHISHM க்யூப்கள், 30 நவம்பர் 2025 அன்று இலங்கையை வந்தடைந்தன. விங் கமாண்டர் சஞ்சய் குமார் தலைமையிலான ஐந்து பேர் கொண்ட இந்திய விமானப்படை மருத்துவக் குழுவும் இத்துடன்  வந்தது. இவர்களை இலங்கைக்கான இந்திய உயர்ஸ்தானிகர் அலுவலகம், பாதுகாப்பு அமைச்சு மற்றும் இலங்கை விமானப்படை பிரதிநிதிகள் கட்டுநாயக்க பண்டாரநாயக்க சர்வதேச விமான நிலையத்தில் (BIA) வரவேற்றனர்.

01 டிசம்பர் 2025 அன்று, இந்திய மருத்துவ அணி SLAF மருத்துவ பணியாளர்களுக்காக SLAF தளம் கட்டுநாயக்கவில் Aarogya Maitri/BHISHM Cube என்ற மொபைல் மருத்துவமனை அமைப்பின் செயல்முறைகள் குறித்து பயிற்சி வழங்கியது. 72 குறுகிய கூறுகள் கொண்ட இந்த அமைப்பு, 200 அவசர நிலை நோயாளர்களுக்கு சிகிச்சையளிக்கவும் தேவையான மருத்துவ நடைமுறைகளை மேற்கொள்ளவும் திறன் பெற்றது. மேலும் மின்சாரம், ஆக்ஸிஜன் வழங்கல் மற்றும் RFID (Radio Frequency Identification) அடிப்படையிலான சரக்கு முகாமைத்துவ  வசதிகளும் இதில் இணைக்கப்பட்டுள்ளன.

IAF மருத்துவ அணி நடைபெற்று வரும் மனிதாபிமான நடவடிக்கைகளுக்கு தொடர்ந்து ஆதரவு வழங்கும். இரண்டு BHISHM க்யூப்களும் பின்னர் அதிகாரப்பூர்வமாக இலங்கைக்கு கையளிக்கப்பட்டு, நாட்டின் அனர்த்த மேலாண்மை திறனை மேலும் வலுப்படுத்தும்.