පසුගිය පුවත්
ආරක්‍ෂක ලේකම්වරයා ජාතික ආරක්‍ෂක විද්‍යායතනයේ ශිෂ්‍ය නිලධාරීන් අමතයි
ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික), සිය විශේෂඥ දැනුම හා පරිණත දැනුම බෙදා ගනිමින්, අද (නොවැම්බර් 6) දින කොළඹ පිහිටි ජාතික ආරක්‍ෂක විද්‍යායතනයේ ශිෂ්‍ය නිලධාරීන් අමතමින් දේශනයක් පවත්වන ලදී.
ශ්‍රී ලංකාව සහ ශුද්ධ වූ වතිකානු රාජ්‍යය අතර රාජ්‍යතාන්ත්‍රික
සබඳතාවල ස්වර්ණ ජයන්තිය සමරයි
ශ්‍රී ලංකාව සහ ශුද්ධ වූ වතිකානු රාජ්‍යය (Holy See) අතර රාජ්‍යතාන්ත්‍රික සබඳතා පිහිටුවා වසර 50ක් සපිරීම නිමිත්තෙන් ඊයේ (නොවැම්බර් 4) දින කොළඹ ගාලු මුවදොර හෝටල් පරිශ්‍රයේදී උත්සවයක් සංවිධානය කර තිබුණි.
ආරක්‍ෂක නියෝජ්‍ය අමාත්‍යවරයා මහජන දිනයේදී විශ්‍රාමික, රණක්‍ෂිතයට පත් හා රටදැය වෙනුවෙන් දිවිපිදූ රණවිරුවන්ගේ පවුල්වල සුභසාධනය පිළිබඳ සොයා බලයි
විශ්‍රාමික හා රණක්‍ෂිතයට පත් රණවිරුවන් මෙන්ම රටදැය වෙනුවෙන් දිවිපිදූ රණවිරුවන්ගේ පවුල්වල සාමාජිකයින් මුහුණ දෙන ගැටළු නිරාකරණයට හා ඔවුන්ගේ පරිපාලන කටයුතු පිළිබඳ සොයාබැලීම වෙනුවෙන් සිදු කරනු ලබන මහජන දිනය වැඩසටහන් දෙකක් නියෝජ්‍ය ආරක්‍ෂක අමාත්‍ය මේජර් ජෙනරල් අරුණ ජයසේකර(විශ්‍රාමික) ගේ ප්‍රධානත්වයෙන් පසුගියදා (නොවැම්බර් 03) දින කොළඹ සහ කෑගල්ලේ දී පැවැත්විණ.
“ලෝක සුනාමි ආපදා දැනුවත් කිරීමේ දිනය” ට සමගාමීව පැවැත්වීමට නියමිත ඉන්දියානු සාගර සුනාමි පෙරහුරු අභ්‍යාසය හෙට (නොවැ 05) දින පැවැත්වේ
ආරක්‍ෂක අමාත්‍යාංශය යටතේ ක්‍රියාත්මක ආපදා කළමනාකරණ මධ්‍යස්ථානයේ පුර්ණ සම්බන්ධීකරණය හා අධීක්‍ෂණය යටතේ ශ්‍රී ලංකාවේ මුහුදුබඩ ප්‍රදේශ ආශ්‍රිතව පැවැත්වීමට නියමිත ඉන්දියන් සාගර සුනාමි අභ්‍යාසය (IOWave 25) 2025 නොවැම්බර් 05 වන දින පැවැත්වීමට කටයුතු යොදා ඇත.
නික්ම යන “ආරක්‍ෂක පර්යේෂණ හා සංවර්ධන මධ්‍යස්ථානයේ” අධ්‍යක්‍ෂ ජනරාල් ආරක්‍ෂක ලේකම්වරයා හමුවෙයි
ආරක්‍ෂක පර්යේෂණ හා සංවර්ධන මධ්‍යස්ථානයේ (CDRD) අධ්‍යක්‍ෂ ජනරාල් ධුරයෙන් නික්ම යන කොමදෝරු ජානක ගුණසීල, ඊයේ (නොවැම්බර් 3) ශ්‍රී ජයවර්ධනපුර කෝට්ටේ ආරක්‍ෂක අමාත්‍යාංශයේදී , ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
ශ්‍රී ලංකාවේ වන සම්පත සුරැකීම සඳහා “වන සුරැකුම”
ඒකාබද්ධ මෙහෙයුම් ඒකකය දියත් කෙරේ
ශ්‍රී ලංකාවේ ස්වාභාවික වන සම්පත ආරක්‍ෂා කර ගැනීම සහ වනාන්තර ආශ්‍රිත අපරාධ මැඩලීම අරමුණු කරගනිමින් "වන සුරැකුම" ඒකාබද්ධ මෙහෙයුම් ඒකකය අද (නොවැම්බර් 3) දින පරිසර අමාත්‍යාංශ පරිශ්‍රයේදී දියත් කරන ලදි.
ආරක්‍ෂක නියෝජ්‍ය අමාත්‍යවරයා “සෙනෙහස” අධ්‍යාපන, සම්පත්, පර්යේෂණ හා තොරතුරු කේන්ද්‍රයේ සංචාරයක නිරත වෙයි
ආරක්‍ෂක අමාත්‍යාංශය සහ රණවිරු සේවා අධිකාරිය එක්ව පිහිටුවා ඇති "සෙනෙහස" අධ්‍යාපන, සම්පත්, පර්යේෂණ හා තොරතුරු කේන්ද්‍රය (‘Senehasa’ Education, Resource, Research, and Information Centre - SERRIC), විශේෂිත ළමා සුරැකුම් ආයතනයක් වන අතර, විශේෂ අවශ්‍යතා සහිත දරුවන්ට රැකවරණය සහ සහාය ලබාදීමෙන් ඔවුන්ගේ සිහින හා අභිලාෂයන් කරා යාමට උපකාර කිරීම එහි මූලික අරමුණයි. මෙම මධ්‍යස්ථානය ඔස්සේ ත්‍රිවිධ හමුදා, පොලිස් සහ සිවිල් ආරක්‍ෂක දෙපාර්තමේන්තුවේ සාමාජිකයන්ගේ මෙන්ම එම අංශවල සේවයේ නියුතු සිවිල් සේවක ප්‍රජාවගේ විශේෂ අවශ්‍යතා සහිත දරුවන් වෙනුවෙන් දිවා කාලීන වැඩසටහන් ක්‍රියාත්මක කරනු ලබයි.
“රණවිරු ව්‍යවසායක අභිමන්” වැඩසටහන හරහා නැගී එන ව්‍යවසායක
රණවිරුවන් දිරිගැන්වීම සඳහා පියවර
'ජාතික ව්‍යවසායකත්ව සංවර්ධන හා ව්‍යාපාර ඇරඹුම් වැඩසටහන් සඳහා ආරක්‍ෂක අංශයේ දායකත්වය' යන තේමාව ඔස්සේ ප්‍රගති සමාලෝචන රැස්වීමක් පසුගිය බ්‍රහස්පතින්දා (ඔක්තෝබර් 30) දින කොළඹ ආරක්‍ෂක නියෝජ්‍ය අමාත්‍ය කාර්යාලයේදී පැවැත්විණි. රජයේ මැදිහත්වීමෙන් ක්‍රියාත්මක කිරීමට යෝජිත, 'Mission Reboot' නම් ව්‍යාපෘතිය යටතේ, විශ්‍රාම ලැබීමට නියමිත සහ දැනට විශ්‍රාමික සන්නද්ධ හමුදා සාමාජිකයින් ජාතික ආර්ථික සංවර්ධනය උදෙසා ව්‍යවසායකයින් ලෙස දිරිගැන්වීම සඳහා ගනු ලබන මූලික පියවරේ තවදුරටත් පුළුල් කිරීමක් වශයෙන් පැවැත්විණ.
හෙරොයින් සහ අයිස් මත්ද්‍රව්‍ය කිලෝ ග්‍රෑම් 335ට අධික තොගයක් රැගත් බහුදින යාත්‍රාවක් සමඟ සැකකරුවන් 06ක් බටහිර දිග ගැඹුරු මුහුදේදී නාවික හමුදා භාරයට
නාවික හමුදාව, ශ්‍රී ලංකාවට බටහිර දිග ගැඹුරු මුහුදේ සිදුකල විශේෂ නාවික මෙහෙයුමකදී, විෂ මත්ද්‍රව්‍ය අඩංගු බවට සැකකෙරෙණ උර තොගයක් ප්‍රවාහනය කරමින් තිබූ දේශීය බහුදින ධීවර යාත්‍රාවක් සමඟ සැකකරුවන් හය දෙනෙකු (06) නාවික හමුදා භාරයට ගැනීමට කටයුතු කෙරිණි. එම බහුදින ධීවර යාත්‍රාව සහ සැකකරුවන් 2025 නොවැම්බර් 02 දින දික්ඕවිට ධීවර වරායට රැගෙනවිත් පොලිස් මත්ද්‍රව්‍ය නාශක කාර්යංශය සිදුකල විශේෂඥ පරීක්‍ෂාවේදී, මත්ද්‍රව්‍ය බවට සැක කෙරෙණ උර තුල අයිස් මත්ද්‍රව්‍ය කිලෝ ග්‍රෑම් 250කට අධික තොගයක් සහ හෙරොයින් මත්ද්‍රව්‍ය කිලෝ ග්‍රෑම් 85කට අධික තොගයක් ඇති බවට තහවුරු වූ අතර, එම මත්ද්‍රව්‍ය තොගය නිරීක්‍ෂණය සඳහා ගරු ආරක්‍ෂක නියෝජ්‍ය අමාත්‍ය මේජර් ජෙනරාල් අරුණ ජයසේකර මැතිතුමා සහ නාවික හමුදාධිපති වයිස් අද්මිරාල් කාන්චන බානගොඩ සහභාගී විය.
ආපදාවට පත් කෙෂාන් පුතා 1 බහු දින ධීවර යාත්‍රාවේ ධීවරයින් මුදා ගැනීමේ මෙහෙයුමට සිඳුරළ නෞකාව පිටත් වෙයි
ශ්‍රී ලංකාවට දකුණු දෙසින්, හම්බන්තොට සිට නාවික සැතපුම් 354ක් පමණ (කිමි 655ක් පමණ) දුරින් වූ ගැඹුරු මුහුදේදී, අයහපත් කාලගුණික තත්වය හේතුවෙන් පෙරලී ආපදාවට පත්ව ඇති කෙෂාන් පුතා 1 බහු දින ධීවර යාත්‍රාවේ සිටි ධීවරයින් සිව් දෙනෙකු (04), කොළඹ සමුද්‍රිය සෙවීම් හා මුදා ගැනීම් සම්බන්ධීකරණ මධ්‍යස්ථානයේ සම්බන්ධීකරණයෙන් බේරාගැනීමට සමත් වූ අතර, ආපදාතත්වයට පත් මෙම ධීවරයින් පිරිස මුදා ගැනීමේ වැඩිදුර මෙහෙයුම් සඳහා ශ්‍රී ලංකා නාවික නෞකා සිඳුරළ නෞකාව එම මුහුදු ප්‍රදේශය වෙත යොමු කිරීමට නාවික හමුදාව කටයුතු කෙරිණි.
ආරක්‍ෂක නියෝජ්‍ය අමාත්‍යවරයා සහ ආරක්‍ෂක ලේකම්වරයා තුර්කි ජනරජයේ 102 වැනි සංවත්සර සැමරුම් උත්සවයට සහභාගී වෙයි
ශ්‍රී ලංකාවේ තුර්කි ජනරජ තානාපති කාර්යාලය සංවිධානය කරනු ලැබූ තුර්කි ජනරජය ස්ථාපනය කොට වසර 102 පිරීම නිමිත්තෙන් වූ සංවත්සර සැමරුම් උත්සවය, අති උත්කර්ෂවත් අන්දමින් ඊයේ (ඔක්තෝබර් 29) දින කොළඹ, Shangri-La හෝටල් පරිශ්‍රයේදී පැවැත්විණි.
ආරක්‍ෂක අමාත්‍යාංශ මහජන දිනයේදි විශ්‍රාමික රණවිරුවන්ගේ සහ රණවිරු පවුල්වල සාමාජිකයන්ගේ සුභසාධනය කෙරෙහි අවධානය යොමු කෙරේ
විශ්‍රාමික රණවිරුවන්ගේ සහ රටදැය වෙනුවෙන් දිවි පිදූ රණවිරු පවුල්වල සාමාජිකයන්ගේ සුභසාධනය සඳහා වන ආරක්‍ෂක අමාත්‍යාංශයේ කැපවීම යළිත් තහවුරු කරමින්, ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ගේ ප්‍රධානත්වයෙන් අද (ඔක්තෝබර් 29) දින අමාත්‍යාංශ පරිශ්‍රයේ දී මහජන දින වැඩසටහන පවත්වනු ලැබීය.
ආරක්‍ෂක අමාත්‍යාංශය විසින් ප්‍රධාන කරුණු කිහිපයක් සම්බන්ධයෙන් ඉහළ මට්ටමේ සාකච්ඡා මාලාවක් පවත්වයි
ආරක්‍ෂක නියෝජ්‍ය අමාත්‍ය මේජර් ජෙනරල් (විශ්‍රාමික) අරුණ ජයසේකර සහ ආරක්‍ෂක ලේකම් එයාර් වයිස් මාර්ෂල් (විශ්‍රාමික) සම්පත් තුයියකොන්තා ගේ ප්‍රධානත්වයෙන් ඊයේ (ඔක්තෝබර් 28) දින කොළඹ ආරක්‍ෂක නියෝජ්‍ය අමාත්‍යවරයාගේ කාර්යාලයේදී ඉහළ මට්ටමේ සාකච්ඡා මාලාවක් පවත්වනු ලැබීය.
පසුගිය යුධ සමයේදී ත්‍රිවිධ හමුදාව විසින් භාවිත කරන ලද ඉඩම්
නිදහස් කිරීම පිළිබඳ විශේෂ සාකච්ඡාවක්
යාපනය-පලාලි අධි ආරක්‍ෂිත කලාපය තුළ පිහිටි පෞද්ගලික ඉඩම් ඒවායේ මුල් හිමිකරුවන් වෙත නැවත ලබාදීම සම්බන්ධ ක්‍රියාවලියේ ප්‍රගතිය සමාලෝචනය කිරීම සහ ඊට අදාලව පවතින අභියෝගයන්ට විසඳුම් සෙවීම අරමුණු කරගනිමින් ඊයේ (ඔක්තෝබර් 28) දින කොළඹ පිහිටි ආරක්‍ෂක නියෝජ්‍ය අමාත්‍යවරයාගේ කාර්යාලයේදී විශේෂ සාකච්ඡාවක් පවත්වන ලදී.
ජපාන සමුද්‍රීය ස්වයං ආරක්‍ෂක බලකායට අයත් AKEBONO නෞකාව නිල සංචාරයක් සඳහා දිවයිනට පැමිණෙයි
ජපාන සමුද්‍රීය ස්වයං ආරක්‍ෂක බලකායට අයත් ‘AKEBONO’ නෞකාව නිල සංචාරයක් සඳහා අද (2025 ඔක්තෝබර් 28) දිවයිනට පැමිණි අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීම කොළඹ වරායේදී සිදු කෙරිණි.
නව ජාතික බුද්ධි ප්‍රධානී සිය ධූරයේ රාජකාරි අරඹයි
නව ජාතික බුද්ධි ප්‍රධානී වශයෙන් පත් කරන ලද මේජර් ජෙනරල් නලින්ද නියංගොඩ ආර්ඩබ්ලිව්පී ආර්එස්පී විඑස්වී යූඑස්පී එන්ඩීයු පීඑස්සී පිඑච්ඩී එම්එස්සී (ඩීඑම්) එම්එස්සී (එන්එස්ඩබ්ලිව්එස්) පිජිඩිඑම්, ඊයේ (ඔක්තෝබර් 27) දින ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) අතින් සිය පත්වීම් ලිපිය ලබා ගත්තේය.
මැලේසියානු වෙරළාරක්‍ෂක බලකායට අයත් ‘KM BENDAHARA’ නෞකාව සැපයුම් හා සේවා අවශ්‍යතා ගැනීමේ සංචාරයක් සඳහා දිවයිනට පැමිණෙයි
මැලේසියානු වෙරළාරක්‍ෂක බලකායට අයත් ‘KM BENDAHARA’ නෞකාව සැපයුම් හා සේවා අවශ්‍යතා සපුරා ගැනීමේ සංචාරයක් සඳහා අද (2025 ඔක්තෝබර් 27) දිවයිනට පැමිණි අතර, ශ්‍රී ලංකා නාවික හමුදාව විසින් එම නෞකාව, නාවික හමුදා සම්ප්‍රදායානුකුලව පිළිගැනීම කොළඹ වරායේදී සිදුකෙරිණි.
ජාතික බුද්ධි ප්‍රධානී මේජර් ජෙනරල් රුවන් වනිගසූරිය විශ්‍රාම ලබයි
ජාතික බුද්ධි ප්‍රධානී මේජර් ජෙනරල් රුවන් වනිගසූරිය වයස අවුරුදු 60 සම්පූර්ණ වීම හේතුවෙන් අද (ඔක්තෝබර් 27) දින ආරක්‍ෂක අමාත්‍යාංශයේදී සිය ධූරයෙන් විශ්‍රාම ගන්නා ලදි.
ශ්‍රී ලංකා නාවික හමුදාව විසින් භාණ්ඩ ප්‍රවාහන නෞකාවක විපතට පත් කාර්ය මණ්ඩල සාමාජිකයන් මුදා ගනි
ආපදාවට පත් වූ MV INTEGRITY STAR නමැති භාණ්ඩ ප්‍රවාහන නෞකාවේ සිටි කාර්ය මණ්ඩලය විසින් සිදු කරන ලද හදිසි ආපදා ඇමතුමකට ක්‍ෂණිකව ප්‍රතිචාර දැක්වූ ශ්‍රී ලංකා නාවික හමුදාව, ඊයේ (ඔක්තෝබර් 25) දින ඔවුන් ඉන් මුදාගෙන, අද (ඔක්තෝබර් 26) දින උදෑසන හම්බන්තොට ජාත්‍යන්තර වරාය වෙත ආරක්‍ෂිතව ගෙන ඒමට සමත් වූහ. මෙම නෞකාව ශ්‍රී ලංකාවට දකුණින් නාවික සැතපුම් 100 ක් පමණ දුරින් යාත්‍රා කරමින් තිබූ මෙම නෞකාවේ ප්‍රධාන එන්ජින් අක්‍රිය වීම හේතුවෙන් ආපදාවට පත්ව තිබූ අතර, ඒ හේතුවෙන් එහි කාර්ය මණ්ඩල සාමාජිකයන් දැඩි අපහසු තත්ත්වයකට පත්ව සිටියහ.
කටුනායක බණ්ඩාරනායක ජාත්‍යන්තර ගුවන්තොටුපොළේ ආරක්‍ෂක විධිවිධාන සමාලෝචනයට ඉහළ පෙළේ සාකච්ඡාවක් පැවැත්වේ
ජාතික ආරක්‍ෂාවට ප්‍රමුඛත්වය ලබා දෙමින්, කටුනායක බණ්ඩාරනායක ජාත්‍යන්තර ගුවන්තොටුපොළේ ආරක්‍ෂක විධිවිධාන සම්බන්ධයෙන් වූ ඉහළ පෙළේ සමාලෝචන සාකච්ඡාවක් අද (ඔක්තෝබර් 23) දින පැවැති අතර, එය වරාය හා ගුවන් සේවා නියෝජ්‍ය අමාත්‍ය ගරු ජනිත් රුවන් කොඩිතුවක්කු මහතාගේ සහ ආරක්‍ෂක ලේකම් එයාර් වයිස් මාර්ෂල් සම්පත් තුයියාකොන්තගේ (විශ්‍රාමික) ප්‍රධානත්වයෙන් පැවැත්විණි.
ආරක්‍ෂක නියෝජ්‍ය අමාත්‍යවරයා ජාතික ශිෂ්‍යභට බලකායේ
විසිරයාමේ පෙළපාලියට සහභාගි වෙයි
2025 වසර සඳහා ජාතික ශිෂ්‍යභට බලකායේ හර්මන් ලූස් සහ ද සොයිසා අභියෝගතා කුසලාන සඳහා වූ වාර්ෂික තරඟාවලියේ විසිරයාමේ පෙළපාලිය අද (ඔක්තෝබර් 21) දින රන්ටැඹේ පිහිටි ජාතික ශිෂ්‍යභට බලකා පුහුණු මධ්‍යස්ථානයේදී සාර්ථකව පැවැත්විණි.
ඕස්ට්‍රේලියානු ජාතික ආරක්‍ෂක විද්‍යාලයේ නියෝජිත පිරිසක්
ආරක්‍ෂක ලේකම්වරයා හමුවෙයි
ඕස්ට්‍රේලියානු ජාතික ආරක්‍ෂක විද්‍යාලය නියෝජනය කරමින් කර්නල් Brandon Wood ගේ ප්‍රධානත්වයෙන් එහි ආරක්‍ෂක හා උපාය මාර්ගික අධ්‍යයන පාඨමාලාව හදාරනු ලබන නියෝජිත පිරිසක්, අද (ඔක්තෝබර් 21) ශ්‍රී ජයවර්ධනපුර කෝට්ටේ පිහිටි ආරක්‍ෂක මූලස්ථාන සංකීර්ණයේදී, ආරක්‍ෂක ලේකම් එයාර් මාර්ෂල් සම්පත් තුයියාකොන්තා (විශ්‍රාමික) හමුවිය.
ශ්‍රී ලංකා ගුවන් හමුදාවේ නව අධිකාරීලත් නිලධාරීන්ගේ සාම්ප්‍රදායික නිල රාත්‍රී භෝජන සංග්‍රහය ආරක්‍ෂක ලේකම්තුමාගේ ප්‍රධානත්වයෙන් පැවැත්වේ
ශ්‍රී ලංකා ගුවන් හමුදාවේ නව අධිකාරීලත් නිලධාරීන් සඳහා පැවැත්වෙන සාම්ප්‍රදායික නිල රාත්‍රී භෝජන සංග්‍රහය (Commissioning Ball) ආරක්‍ෂක ලේකම් එයාර් වයිස් මාර්ෂල් සම්පත් තුයියාකොන්තා (විශ්‍රාමික) ගේ ප්‍රධානත්වයෙන් ඊයේ (ඔක්තෝබර් 18) දින සන්ධ්‍යාවේ ත්‍රිකුණාමලය, චීන වරාය ශ්‍රී ලංකා ගුවන් හමුදා විද්‍යාපීඨයේ දී විචිත්‍රවත් අයුරින් පැවැත්විණි.