ජෙනරාල් ශ්රිමත් ජෝන් කොතලාවල ආරක්ෂක විශ්ව විද්යාලයේ 38 වන බඳවා ගැනීමට අයත් මධ්ය නිලධාරීන් විසි අට දෙනෙක් (28) සහ ත්රිකුණාමලය නාවික හා සාගරික විද්යාපීඨයේ පුහුණුව ලැබූ 64 වන බඳවා ගැනීමට අයත් මධ්ය නිලධාරීන් විසි එක් දෙනෙක් (21) විසිර යාමේ හා අධිකාරියට පත් කිරීමේ උත්සවය 2024 ජනවාරි මස 28 වන දින නාවික හමුදාධිපති වයිස් අද්මිරාල් ප්රියන්ත පෙරේරා ගේ ආරාධනයෙන්, ශ්රී ලංකා ප්රජාතාන්ත්රික සමාජවාදී ජනරජයේ අග්රාමාත්ය ගරු දිනේෂ් ගුණවර්ධන මැතිතුමා ගේ ප්රධානත්වයෙන් ත්රිකුණාමලය නාවික හා සාගරික විද්යාපීඨයේදී, පැවැත්විණි.
ත්රිවිධ හමුදා භටපිරිස්වල සහභාගීත්වයෙන් යාපනය අර්ධද්වීපයේ උතුරු මුහුදු ප්රදේශයේ පලතිව් දූපතේදී ජනවාරි මස 08 දින සිට 11 දින දක්වා ‘සීගල්’ යුද අභ්යාසය පැවැත්විණි.
බත්තරමුල්ල හි පිහිටි ජාතික ආරක්ෂක අධ්යයන ආයතනයේ දී අද (ජන 19) පැවැති ‘Defence Review-2023’ සඟරාව එළිදැක්වීමේ උත්සවයේ ප්රධාන ආරාධිත අමුත්තා ලෙස සහභාගි වූ ආරක්ෂක ලේකම් කමල් ගුණරත්න සිය අදහස් දක්වමින් කියා සිටියේ ජාතික ආරක්ෂාව සම්බන්ධයෙන් සලකා බලන විට, දැනුම යනු බලයේ මූලාශ්රයක් පමණක් නොව එය අපගේ ආරක්ෂාව සහතික කිරීම සහ අපගේ නිදහස ආරක්ෂා කිරීම සඳහා මූලික පදනම බවයි.
96 වැනි ජාතික බොක්සිං ශූරතාවලියේ සමාප්ති උත්සවය ඊයේ (ජනවාරි 17) කොළඹ රාජකීය විද්යාලයේ MAS Arena හිදී පැවැත්වූ අතර එහි ප්රධාන ආරාධිත අමුත්තා ලෙස ආරක්ෂක ලේකම් ජෙනරල් කමල් ගුණරත්න සහභාගි විය.
ඕස්ට්රේලියානු මහ කොමසාරිස් කාර්යාලයේ ආරක්ෂක උපදේශක කර්නල් ඇමැන්ඩා ජොන්ස්ටන් අද (ජන. 17) වැඩබලන ආරක්ෂක අමාත්ය ගරු ප්රමිත බණ්ඩාර තෙන්නකෝන් මැතිතුමා කොළඹ පිහිටි ඔහුගේ කාර්යාලයේදී හමුවිය.
ලෝක ආර්ථික සමුළුවේ 54 වැනි වාර්ෂික සමුළුවට සහභාගිවීම සඳහා අති ගරු ජනාධිපති රනිල් වික්රමසිංහ මැතිතුමා ඊයේ (ජන.13) ස්විට්සර්ලන්තය බලා පිටත්ව ගිය අතර ජනාධිපතිවරයා එරට දින 12ක නිල සංචාරයක නිරත වනු ඇත.
සෝමාලියාවට හෙලිකොප්ටරයක් කඩා වැටීමෙන් පසු අල්-ෂබාබ් ත්රස්ත කණ්ඩායම විසින් ශ්රී ලාංකිකයන් පිරිසක් ප්රාණ ඇපයට ගත් බවට එල්ල වන චෝදනා සහ අසත්ය ප්රචාර ශ්රී ලංකාවේ ආරක්ෂක අමාත්යාංශය තරයේ ප්රතික්ෂේප කරයි.
ශ්රී ලංකාවේ නිල සංචාරයක් සඳහා අද (ජනවාරි 11) උදෑසන දිවයිනට සපැමිණි ජපානයේ මුදල් අමාත්ය, මුල්ය සේවා රාජ්ය අමාත්ය සහ එරට මුල්ය අපහරණය භාර අමාත්ය ගරු සුසුකි ෂුනිචි මැතිතුමා, ආරක්ෂක රාජ්ය අමාත්ය ගරු ප්රමිත බණ්ඩාර තෙන්නකෝන් මැතිතුමා විසින් බණ්ඩාරනායක ජාත්යන්තර ගුවන් තොටුපලේදී උණුසුම් ලෙස පිළිගනු ලැබීය.
ඉන්දීය නාවික හමුදාවට අයත් INS Kabra නෞකාව පසුගිය සඳුදා (ජනවාරි 8) ශ්රී ලංකාවේ නිළ සංචාරයක් සඳහා කොළඹ වරායට සේන්දු විය.
පවතින අයහපත් කාලගුණික තත්වය හේතුවෙන් ත්රිකුණාමලය සහ පොළොන්නරුව දිස්ත්රික්කවල ඇති වී තිබෙන ගංවතුරින් විපතට පත් ප්රජාවන්ට සේවය කිරීම සඳහා අනුයුක්ත කර ඇති ශ්රී ලංකා නාවික හමුදාවේ සහන කණ්ඩායම්, එම සහන කටයුතු වලට සමගාමිව ප්රදේශයේ පදිංචි අ.පො.ස උසස් පෙළ අයදුම්කරුවන්ට විභාග මධ්යස්ථාන වෙත යාම සඳහා අවශ්ය ප්රවාහන පහසුකම් සැපයීමට ඉදිරිපත් වී ඇත.
2024 මාර්තු 2 වන දිනට යෙදෙන ශ්රී ලංකා ගුවන් හමුදා 73 වන සංවත්සරයට සමගාමීව සමාජ සුබසාධන මෙහෙවරක් ලෙස සිදු කෙරෙන පාසල් ප්රතිසංස්කරණ ව්යාපෘතිය යටතේ කන්කසන්තුරේ මයිලිඩ්ඩි උතුරු කලෙයිමගල් මහා විද්යාලයේ නව ප්රධාන ශාලා ගොඩනැගිල්ලකට මුල්ගල තැබීමේ උත්සවය පසුගියදා (ජන. 6) දින එම පාසලේදී පැවැත්විණ.
ශ්රි ලංකාවේ නවසීලන්ත මහ කොමසාරිස් අතිගරු මයිකල් ඇපල්ටන් මැතිතුමා අද (ජන 4) ශ්රි ජයවර්ධනපුර කෝට්ටේ හි පිහිටි ආරක්ෂක මූලස්ථාන සංකීර්ණයේ දී ශ්රි ලංකාවේ ආරක්ෂක ලේකම් ජෙනරල් කමල් ගුණරත්න හමුවිය.
අභිනවයෙන් පත් වූ ආරක්ෂක අමාත්යාංශයේ අතිරේක ලේකම් - ආරක්ෂක (වැඩ බලන) හර්ෂ විතානාරච්චි මහතා ජනවාරි 01 දින ආරක්ෂක අමාත්යාංශයේදී සිය රාජකාරි භාර ගත්තේය.
සිව්වන ශ්රී ලංකා - පාකිස්ථාන ද්විපාර්ශ්වික ආරක්ෂක සංවාදය අද (ජනවාරි 3) ශ්රී ජයවර්ධනපුර, කෝට්ටේ හි පිහිටි ආරක්ෂක මූලස්ථාන සංකීර්ණයේදී සාර්ථකව පැවැත්විණි. රාජ්ය තාන්ත්රික වශයෙන් අතිශය වැදගත් වූ මෙම සාකච්ඡාව සඳහා ආරක්ෂක ලේකම් ජෙනරල් කමල් ගුණරත්න විසින් මෙරට දූත පිරිසේ ප්රමුඛත්වය හෙබවූ අතර පාකිස්ථානයේ ආරක්ෂක ලේකම් ලුතිනන් ජෙනරල් හමුද් උස් සමාන් ඛාන් (විශ්රාමික) විසින් පාකිස්ථානය නියෝජිත දූත පිරිස මෙහෙයවනු ලැබිය.
17 වන ගැමුණු හේවා බලඇණියේ භට පිරිස් විසින් කොලඹුතුරේ ප්රදේශයේ දරුවන් හතර දෙනෙකුගෙන් යුත් පවුලකගේ ජීවන තත්ත්වය නංවාලම සඳහා ඉදිකරන ලද නව නිවස පසුගියදා ප්රතිලභීන් වෙත භාර දෙන ලදි.
නිවැරදි තීන්දු තීරණ සමඟ මෙම වසර තුළ ශ්රී ලංකාව සීඝ්ර ආර්ථික වර්ධනයක් කරා ගෙන යන බව ජනාධිපති රනිල් වික්රමසිංහ මහතා අවධාරණය කළේය.
පොලොන්නරුව දිස්ත්රික්කයේ දැනට ඇති වී තිබෙන ගංවතුර තත්වය හේතුවෙන් ජලයෙන් යටවී ඇති සෝමාවතිය පුදබිමෙහි වැඩ වසන ස්වාමීන් වහන්සේලාගේ සහ අනෙකුත් පිරිසගේ අවශ්යතා සහ සුවදුක් සොයා බැලීම සඳහා රාජ්ය ආරක්ෂක අමාත්ය ගරු ප්රමිත බණ්ඩාර තෙන්නකෝන් මැතිතුමා සහ සෝමාවතිය පුදබිමෙහි විහාරාධිපති හිමියන් ඊයේ (ඔක්. 31) දින ශ්රී ලංකා ගුවන් හමුදාවට අයත් හෙලිකොප්ටරයකින් සෝමාවතිය පුදබිම වෙත ලගා විය.
ආරක්ෂක අමාත්යාංශයේ චාරිත්රානුකූලව අද දින (ජනවාරි 1) පැවති නව අවුරුදු දින උත්සවයට සහභාගි වෙමින් ආරක්ෂක රාජ්ය අමාත්ය ගරු ප්රමිත බණ්ඩාර තෙන්නකෝන් මැතිතුමා ‘ආරක්ෂක අමාත්යාංශයේ කාර්ය මණ්ඩලයට වගකීම් සම්භාරයක් පැවරී ඇති අතර, උපරිම කැපවීමෙන් ජාතික අරමුණු සාක්ෂාත් කර ගැනීමට සියලු දෙනා උත්සාහ කළ යුතුයි’ යනුවෙන් ප්රකාශ කළේය.
නත්තල යනු බලාපොරොත්තුවේ මංගල්යයයි. “කඳුළින් සුසුමෙන් පීඩිතව අන්ධකාරයේ ඇවිද ගිය ජනතාව මහත් ආලෝකයක් දුටුහ.” එම බලාපොරොත්තුව අලුත් කරන්නට අප සියළු දෙනාගේ වගකීම් සහ යුතුකම් ඉටු කරමින් රට තුළ නව බලාපොරොත්තු ඇති කරවන නත්තලක් අප සැමට උදා වේවායි පළමුව ප්රාර්ථනා කරමි.
ශ්රී ලංකාවේ විධිමත් සංචාරයක් සඳහා ඉන්දුනීසියානු නාවික හමුදාවට අයත් KRI DIPONEGORO- 365 නෞකාව බ්රහස්පතින්දා (දෙසැ. 21) කොළඹ වරායට සේන්දු විය.
ජෙනරාල් ශ්රීමත් ජෝන් කොතලාවල ආරක්ෂක විශ්වවිද්යාලයේ 2022 වර්ණ රාත්රිය 2023 දෙසැම්බර් මස 12 වන දින සවස විශ්වවිද්යාලයීය පශ්චාත් උපාධි අධ්යයන පීඨ ශ්රවණාගාරයේදි පවත්වන ලදි.
ගත වූ පැය 48 තුළ ඇතිවූ අධික වර්ෂාව සහ ගංවතුර තත්ත්වය හේතුවෙන් මුලතිව් සහ ඒ අවට ප්රදේශවල අවතැන් වූ පවුල් 109 ක සිවිල් වැසියන් 228 දෙනෙකු පසුගිය සඳුදා (දෙසැම්බර් මස 18) දින ආරක්ෂක සේනා මූලස්ථානය - මුලතිව් යටතේ ස්ථාපිත 8 ශ්රී ලංකා කාලතුවක්කු හමුදාවේ භටපිරිස් විසින් ආරක්ෂිත ස්ථාන වෙත යොමු කරන ලදී.
කාලගුණ විද්යා දෙපාර්තමේන්තුව විසින් අද (දෙසැ. 18 ) නිකුත් කරන ලද නවතම කාලගුණ අනාවැකියට අනුව උතුරු, උතුරු-මැද, නැගෙනහිර සහ ඌව පළාත්වල විටින් විට වැසි ඇති වේ.
SInhala.