නවතම පුවත්
ජෙනරල් හැමිල්ටන් වනසිංහ (විශ්‍රාමික) ගේ අභාවය පිළිබඳ ශෝක පණිවිඩය
ආරක්‍ෂක අමාත්‍යාංශයේ හිටපු ලේකම්වරයකු සහ හිටපු යුද්ධ හමුදාධිපතිවරයකු වන ජෙනරල් හැමිල්ටන් වනසිංහ (විශ්‍රාමික) ගේ අභාවය පිළිබඳව ආරක්‍ෂක අමාත්‍යාංශය සිය බලවත් ශෝකය ප්‍රකාශ කරයි.
වැඩබලන ආරක්‍ෂක අමාත්‍යවරයා ‘සෙනෙහස’අධ්‍යාපන සම්පත් පර්යේෂණ සහ
තොරතුරු කේන්ද්‍රයෙහි හි සංචාරයක
වැඩබලන ආරක්‍ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) අද (ජුනි 12) දින ‘සෙනෙහස’අධ්‍යාපන සම්පත් පර්යේෂණ සහ තොරතුරු කේන්ද්‍රයෙහි සංචාරයක නිරත වූ අතර, එහි සේනාවිධායක සහ කාර්ය මණ්ඩලය විසින් එම ස්ථානයට පැමිණි අමාත්‍යවරයාව උණුසුම් ලෙස පිළිගනු ලැබීය.
'ශ්‍රී ජයවර්ධනපුර පොසොන් උදානය 2025' දෙවන දිනය වැඩබලන ආරක්‍ෂක අමාත්‍යවරයාගේ ප්‍රධානත්වයෙන් ආරම්භ කෙරේ
පලමු වරට සංවිධානය කරන ලද "ශ්‍රී ජයවර්ධනපුර පොසොන් උදානය 2025" සමාරම්භය ජුනි 10 වන දින පැවැත්වුණු අතර, එය ශ්‍රී ජයවර්ධනපුර නගරයට ආගමික හා සංස්කෘතික නව වටිනාකමක් එක් කරයි. මෙම පොසොන් කලාපය මාදිවෙල ශ්‍රී සම්බුද්ධාලෝක විහාරස්ථානය, ජනාධිපති ලේකම් කාර්යාලය, බුද්ධ ශාසන, ආගමික හා සංස්කෘතික කටයුතු අමාත්‍යාංශය සහ තවත් රාජ්‍ය ආයතන කිහිපයක් ඒකාබද්ධව සංවිධානය කරනු ලැබූ අතර, පොසොන් කලාපය බත්තරමුල්ල "කමත" පරිශ්‍රය කේන්ද්‍ර කර ගනිමින්, කිබුලාවෙල මංසන්ධියේ සිට ශ්‍රී ජයවර්ධනපුර රෝහල් මාවත දක්වා විහිදීය.
ශ්‍රී ලංකා නාවික හමුදාවෙන් රෝගී ජීවිත ආරක්‍ෂා කිරීමට
තැලසීමියා නික්‍ෂේපන යන්ත්‍ර 3,564 ක්
මහජන සුභසාධනය සහ ජාතික සෞඛ්‍ය සේවා පද්ධතිය ශක්තිමත් කිරීම සඳහා වන නාවික හමුදාවේ කැපවීම යළි තහවුරු කරමින් ශ්‍රී ලංකා නාවික හමුදාව මේවන විට අඩු වියදම් තැලසීමියා නික්‍ෂේපන යන්ත්‍ර 3,564 ක් නිෂ්පාදනය කර සෞඛ්‍ය අමාත්‍යාංශය වෙත භාරදීමට කටයුතු කර ඇත.
වැඩබලන ආරක්‍ෂක අමාත්‍යවරයා ලෙස
නියෝජ්‍ය ආරක්‍ෂක අමාත්‍යවරයා පත් කෙරේ
ජර්මානු ජනාධිපති Frank-Walter Steinmeier මැතිතුමාගේ ආරාධනයෙන් ජර්මානු ෆෙඩරල් ජනරජයේ නිල සංචාරයක් සඳහා ගරු ජනාධිපති අනුර කුමාර දිසානායක මැතිතුමා ඊයේ (ජුනි 10) දිවයිනෙන් පිටත්ව යාම හේතුවෙන් අමාත්‍යාංශ හතරක් සඳහා වැඩබලන අමාත්‍යවරුන් පත්කර තිබේ.
පොසොන් පණිවිඩය
පොසොන් පොහොය ශ්‍රී ලංකේය අපට සුවිශේෂී වු සිදුවීම් සමුදායක් සිදු වූ වැදගත් දිනයකි. ථෙරවාද බෞද්ධ දර්ශනයේ හා සම්ප්‍රදායේ කේන්ද්‍රස්ථානයක් බවට අපේ රට පත් වීමේ ආරම්භය සනිටුහන් වුයේ අනුබුදු මිහිදු හිමියන්ගේ ලංකාගමනය සිදු වු ඒ අසිරිමත් පොසොන් පොහොය දිනයේදීය.
ප්‍රීතිමත් පොසොන් පුන් පොහෝ දිනයක් වේවා
බුදුන් වහන්සේ දෙසු අමිල දහම් මග යමින් ලෝකයා සුවපත් වේවා
සුබපැතුම් පණිවිඩය
ලොව පුරා ඉස්ලාම් භක්තිකයින් මහත් බැතියෙන් සමරන හජ් උත්සවය අදට (07) යෙදී තිබේ. ඉස්ලාම් බැතිමතුන්ගේ විශ්වාසයට අනුව අල්ලාහ් දෙවියන් කෙරෙහි ඊබ්‍රාහිම් නබිතුමන්ගේ භක්තිය හා අසමසම පරිත්‍යාගය සංකේතවත් කරන හජ් උත්සවය සුවිශේෂ වන්නේ ඉස්ලාම් දහමේ පංච මහා වගකීම්වලින් පස්වැන්න ලෙස සැලකෙන මක්කම වන්දනාව හේතුවෙනි.
කොතලාවල ආරක්‍ෂක විශ්වවිද්‍යාලය 2025 ලෝක පරිසර දිනය සමරයි
2025 ලෝක පරිසර දිනයට සමගාමීව, ජෙනරාල් ශ්‍රීමත් ජෝන් කොතලාවල ආරක්‍ෂක විශ්ව විද්‍යාලය ජුනි 5 උපාධි අධ්‍යයන පීඨ ශ්‍රවණාගාරයේදී "අපගේ ග්‍රහලෝකය, අපගේ වගකීම" යන තේමාව යටතේ අනුස්මරණ උත්සවයක් සංවිධානය කළේය. එහිදි පාරිසරික ආරක්‍ෂාව සහ තිරසාර භාවිතයන් සඳහා කැපවීමේ අවශ්‍යතාවය ඉස්මතු කළේය.
08 වන ඉන්දු - ශ්‍රී ලංකා ආරක්‍ෂක සංවාදය කොළඹදී පැවැත්වේ
ඉන්දු - ශ්‍රී ලංකා ආරක්‍ෂක සංවාදය අද (ජුනි 05) දින ශ්‍රී ජයවර්ධනපුර කෝට්ටේ ආරක්‍ෂක මූලස්ථාන සංකීර්ණයේදී පැවැත්විණි. මෙම සංවාදයට සහභාගී වූ ඉන්දීය දූත පිරිස ඉන්දීය ආරක්‍ෂක ලේකම් රාජේෂ් කුමාර් සිං විසින් මෙහෙයවනු ලැබූ අතර, ශ්‍රී ලංකා දූත පිරිස ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ගේ ප්‍රධානත්වයෙන් සමන්විත විය.
යාත්‍රා වෙත ප්‍රවිශ්ඨවීම, සෝදිසි කිරීම සහ අත්පත් කරගැනීමේ ක්‍රමවේදයන් සම්බන්ධ කලාපීය පුහුණු පාඨමාලාව සහ සමුද්‍රීය බල ප්‍රදේශ දැනුවත් කිරීමේ පුහුණු පාඨමාලාව සාර්ථකව අවසන් වේ
එක්සත් ජාතීන්ගේ මත්ද්‍රව්‍ය හා අපරාධ මැඩපැවැත්වීම සම්බන්ධ කාර්යාලය මඟින් (United Nations Office on Drugs and Crime - UNODC). ත්‍රීකුණාමලය, විශේෂ යාත්‍රා බලඝණ මූලස්ථානයේදී සහ සෝබර් දූපතේදී පවත්වන ලද යාත්‍රාවන් වෙත ප්‍රවිශ්ඨවීම, සෝදිසි කිරීම සහ අත්පත් කරගැනීමේ ක්‍රමවේදයන් (Regional Visit, Board, Search, and Seizure - VBSS) සම්බන්ධ කලාපීය පුහුණු පාඨමාලාව සහ සමුද්‍රීය බල ප්‍රදේශ දැනුවත් කිරීමේ පුහුණු පාඨමාලාව සාර්ථකව අවසන් වූ අතර, එහි සහතික ප්‍රධානය 2025 මැයි මස 30 වැනි දින විශේෂ යාත්‍රා බලඝණයේ අණදෙන නිලධාරීගේ ප්‍රධානත්වයෙන් සිදුකෙරිණි.
ආරක්‍ෂක ලේකම්වරයා මඩකලපුව ප්‍රදේශයේ නිරීක්‍ෂණ චාරිකාවක
නැගෙනහිර පළාතේ විශේෂයෙන් මඩකලපුව ප්‍රදේශයේ වත්මන් ආරක්‍ෂක තත්ත්වය පිළිබඳ සොයා බැලීමේ අරමුණින් ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) අද (ජූනි 03) දින එම ප්‍රදේශයේ නිරීක්‍ෂණ චාරිකාවක නිරත විය.
ශ්‍රී ලංකා - ඔස්ට්‍රේලියා ආරක්‍ෂක සහයෝගීතාව ශක්තිමත් කෙරේ
ඔස්ට්‍රේලියාවේ නියෝජ්‍ය අග්‍රාමාත්‍ය සහ ආරක්‍ෂක අමාත්‍ය ගරු රිචඩ් මාල්ස් මැතිතුමාගේ නායකත්වයෙන් යුත් ඔස්ට්‍රේලියානු දූත පිරිස මෙරට නියෝජ්‍ය ආරක්‍ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) සමඟ ද්විපාර්ශ්වික සාකච්ඡා කොළඹ නියෝජ්‍ය අමාත්‍ය කාර්යාලයේදී අද (ජුනි 03) පැවැත්වීය.කොළඹ ඔස්ට්‍රේලියානු මහ කොමසාරිස් අතිගරු පෝල් ස්ටීවන්ස් මැතිතුමාද එක්විය.
අලි - මිනිස් ගැටුම විසඳීමට කඩිනම් පියවර
පුත්තලම් දිස්ත්‍රික්කයේ ගොවිබිම් වලට සහ ජන ජීවීතයට විශාල තර්ජනයක් වෙමින් පවතින වන අලි ගැටලුවට විසදුම් සෙවීම සදහා විශේෂ සාකච්ඡාවක්, රාජ්‍ය පරිපාලන, පළාත් පාලන සහ පළාත් සභා අමාත්‍ය ආචාර්ය ඒ එච් එම් එච් අබේරත්න සහ ආරක්‍ෂක නියෝජ්‍ය අමාත්‍ය මේජර් ජෙනරල් අරුණ ජයසේකර (විශ්‍රාමික) ගේ ප්‍රධානත්වයෙන් අද (ජුනි 2) දින නාරාහේන්පිට 'නිල මැදුර' පරිශ්‍රයේදී පැවැත්විය.
වසර හයකට පසු ජාතික දේශසීමා කළමනාකරණ කමිටුව යළි රැස්වෙයි
ශ්‍රී ලංකාවේ දේශසීමා ආරක්‍ෂණය තහවුරු කිරීම උදෙසා එක්සත් ජාතීන්ගේ සංවිධානයේ, සංක්‍රමණිකයන් සඳහා වූ ජාත්‍යන්තර සංවිධානය (International Organization for Migration - IOM) සහ ඔස්ට්‍රේලියානු හා කැනඩා රජයේ අනුග්‍රහයෙන් මීට දශකයකට පමණ ඉහතදී හඳුන්වාදෙන ලද සමෝධානික දේශසීමා ආරක්‍ෂණ මූලෝපාය (Integrated Border Management Strategy) එවකට දේශසීමා හරහා මෙරටට ඇතුළු වූ විවිධාකාරයේ තර්ජන සඳහා විසඳුම් යෝජනා කර තිබූ අතර, ඒ අතරින් නීතීවිරෝධීව වෙනත් රටවලට සංක්‍රමණය වීමේ ගැටළුව ප්‍රධාන වශයෙන් සළකා බලා ඇත. එම මූලෝපාය අනුව මෙරට දේශසීමා ආරක්‍ෂණය පිළිබඳව ප්‍රතිපත්ති සහ මූලෝපායන් සබැඳි තීරණ ක්‍රියාත්මක කිරීම සඳහා "ජාතික දේශසීමා කළමනාකරණ කමිටුව" (National Border Management Committee - NBMC) නමින් ආරක්‍ෂක ලේකම්වරයාගේ නායකත්වය යටතේ ආරම්භ කර ඇති අතර මේ වන විට සැසි වාර 8ක් ද පවත්වා ඇත. කෙසේ වුවද 2021 වසරින් පසුව එම කමිටුව නැවතත් රැස්වී නොමැත. සමෝධානික දේශසීමා ආරක්‍ෂණ මූලෝපාය යටතේ යෝජනා කොට ක්‍රියාවට නංවන ලද ප්‍රත්‍යන්ත අවධානම් ඇගයීමේ මධ්‍යස්ථානය (Border Risk Assessment Centre) පමණක් මේ වන විට ආරක්‍ෂක අමාත්‍යාංශය යටතේ ක්‍රියාකාරී මට්ටමේ පවතී.
විශ්‍රාමික රණවිරුවන්ගේ විශ්‍රාම වැටුප් හා වැන්දඹු අනත්දරු දායක මුදල් ගෙවීම් සම්බන්ධ ගැටළු ආරක්‍ෂක ලේකම්වරයාගේ අවධානයට
විශ්‍රාමික රණවිරුවන්ගේ විශ්‍රාම වැටුප් හා පසුගිය යුධ සමයේදී දිවි අහිමි වූ රණවිරුවන්ගේ පවුල වල සාමාජිකයන් වෙත වැන්දඹු අනත්දරු දායක මුදල් ගෙවීම් සම්බන්ධයෙන් පවතින ගැටළු පිලිබඳ විශේෂ සාකච්ඡාවක් ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ගේ ප්‍රධානත්වයෙන් අද (මැයි 30) දින ආරක්‍ෂක අමාත්‍යාංශයේ දී පැවැත්විණ.
මහජන දිනයේදී රණවිරුවන්ගේ සහ රණවිරු පවුල් සාමාජිකයින්ගේ සුභසාධනය වෙනුවෙන් ආරක්‍ෂක අමාත්‍යාංශ කැපවීම නැවත තහවුරු කරයි
ආරක්‍ෂක අමාත්‍යාංශය විශ්‍රාමික හා රණක්‍ෂිතයට පත් රණවිරුවන්ගේ මෙන්ම රටදැය වෙනුවෙන් දිවි පුදකල රණවිරුවන්ගේ පවුල්වල සුභසාධනය සඳහා වූ සිය නොසැලෙන කැපවීම නැවත වරක්‌ ප්‍රදර්ශණය කරමින් ආරක්‍ෂක ලේකම් එයාර් වයිස් මාෂල් සම්පත් තුයියකොන්තා (විශ්‍රාමික) ගේ මඟපෙන්වීම සහ සහභාගීත්වයෙන් මහජන දින වැඩසටහන් පසුගියදා (මැයි 28) සහ අද (මැයි 30) යන දෙදින තුල ආරක්‍ෂක අමාත්‍යාංශ පරිශ්‍රයේ දී පැවැත්විණි.
ශ්‍රී ලංකා නාවික හමුදාවේ විශේෂ මෙහෙයුමක් මගින් අත්අඩංගුවට ගනු ලැබූ
මත්ද්‍රව්‍ය තොගයක් දික්ඕවිට ධීවර වරායේ දී නියෝජ්‍ය ආරක්‍ෂක අමාත්‍යවරයාගේ පරීක්‍ෂාවට
ශ්‍රී ලංකා නාවික හමුදාව විසින් ගැඹුරු මුහුදේ සාර්ථකව සිදුකරන ලද විශේෂ මෙහෙයුමක් මගින් අත්අඩංගුවට ගනු ලැබූ අති විශාල නීති විරෝධී මත්ද්‍රව්‍ය තොගයක් පරීක්‍ෂා කිරීම සඳහා නියෝජ්‍ය ආරක්‍ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) අද (මැයි 28) දින දික්ඕවිට ධීවර වරාය වෙත පැමිණියේය.
ඊජිප්තු තානාපතිවරයා ආරක්‍ෂක ලේකම් හමුවෙයි
ශ්‍රී ලංකාවේ ඊජිප්තු අරාබි ජනරජයේ තානාපති අතිගරු Adel Ibrahim මැතිතුමා අද (මැයි 27) දින ශ්‍රී ජයවර්ධනපුර කෝට්ටේ පිහිටි ආරක්‍ෂක අමාත්‍යාංශයේදී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
ඉන්දුනීසියානු මහ කොමසාරිස්වරිය ආරක්‍ෂක නියෝජ්‍ය අමාත්‍යවරයා හමුවෙයි
කොළඹ ඉන්දුනීසියානු මහ කොමසාරිස් අතිගරු Dewi Gustina Tobing මැතිනිය සහ ශ්‍රී ලංකාවේ නියෝජ්‍ය ආරක්‍ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) අතර හමුවක් අද (මැයි 27) දින කොළඹ දී සිදු විය.
ජාතික ජල ශාස්ත්‍රඥ නිලධාරී ආරක්‍ෂක ලේකම් හමුවෙයි
ශ්‍රී ලංකාවේ ජාතික ජල ශාස්ත්‍රඥ රියර් අද්මිරාල් කෝසල වර්ණකුලසූරිය සඳුදා (මැයි 26) දින, ශ්‍රී ජයවර්ධනපුර කෝට්ටේ පිහිටි ආරක්‍ෂක අමාත්‍යාංශයේදී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
ජාත්‍යන්තර හමුදා ක්‍රීඩා කවුන්සිලයේ සාමාජිකයින් ජාතික රණවිරු ස්මාරකය වෙත පුෂ්පෝපහාර පුද කරයි
ජාත්‍යන්තර හමුදා ක්‍රීඩා කවුන්සිලයේ 80 වැනි මහා සභා රැස්වීම සහ සම්මේලනය 2025 මැයි මස 19 වැනි දින සිට 25 වැනි දින දක්වා ශ්‍රී ලංකා ආරක්‍ෂක සේවා ක්‍රීඩා මණ්ඩලයේ සංවිධායකත්වයෙන්, කොළඹදි පැවැත්වෙන අතර, ඊට සමඟාමීව එම සම්මේලනනය සඳහා සහභාගී වන අප්‍රිකා, ඇමෙරිකා, ආසියා සහ යුරෝපා මහාද්වීප නියෝජනය කරමින් පැමිණි හමුදා සාමාජිකයින්, බත්තරමුල්ල රණවිරු ස්මාරකය වෙත පුෂ්පෝපහාර පුදකිරීම 2025 මැයි මස 20 වැනි දින සිදුකෙරිණි.
''ලෝක සාගර කාන්තා දිනය'' ට සමගාමිව පවත්වනු ලබන කථිකාවත සදහා
සහභාගි වන මහා සාගර ක්ෂේත්‍රයේ කාන්තා පාර්ශ්විකයන්
ශ්‍රී ලංකා වෙරළ ආරක්‍ෂක දෙපාර්තමේන්තු මුලස්ථානයේ නිළ සංචාරයක
මත්ද්‍රව්‍ය හා අපරාධ පිලිබඳ එක්සත් ජාතීන්ගේ කාර්යාලය (UNODC) , ගෝලීය සාගර අපරාධ වැඩසටහන (GMCP), සාගර සුරක්‍ෂිතතා සහ ආරක්‍ෂාව පිළිබඳ කණ්ඩායමේ (WGMSS) සහයෝගයෙන් ඉන්දියානු සාගර කලාපීය රටවල සංගමය (IORA) මැයි මස 18 වන දිනට යෙදෙන "ලෝක සාගර කාන්තා දිනය" ට සමගාමීව සංවිධානය කරන ලද මහා සාගර ක්ෂේත්‍රයේ කාන්තා පාර්ශ්විකයන් පිළිබද කථිකාවත සදහා සහභාගිවී සිටින Australia, Bangladesh, French, India, Kenya, Malagasy Republic, Maldives, Mauritania, Seychelles, Sri Lanka, Tanzania, United States යන රටවලට අයත් නියෝජිතයන් දහසයදෙනෙකු (16) ගෙන් සමන්විත කණ්ඩායම අද 2025 මැයි 22 දින ශ්‍රී ලංකා වෙරළ ආරක්‍ෂක දෙපාර්තමේන්තු මුලස්ථානයේ නිළ සංචාරයක නිරත විය.