නවතම පුවත්
ජාතික ජල ශාස්ත්‍රඥ නිලධාරී ආරක්ෂක ලේකම් හමුවෙයි
ශ්‍රී ලංකාවේ ජාතික ජල ශාස්ත්‍රඥ රියර් අද්මිරාල් කෝසල වර්ණකුලසූරිය සඳුදා (මැයි 26) දින, ශ්‍රී ජයවර්ධනපුර කෝට්ටේ පිහිටි ආරක්ෂක අමාත්‍යාංශයේදී ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
ජාත්‍යන්තර හමුදා ක්‍රීඩා කවුන්සිලයේ සාමාජිකයින් ජාතික රණවිරු ස්මාරකය වෙත පුෂ්පෝපහාර පුද කරයි
ජාත්‍යන්තර හමුදා ක්‍රීඩා කවුන්සිලයේ 80 වැනි මහා සභා රැස්වීම සහ සම්මේලනය 2025 මැයි මස 19 වැනි දින සිට 25 වැනි දින දක්වා ශ්‍රී ලංකා ආරක්ෂක සේවා ක්‍රීඩා මණ්ඩලයේ සංවිධායකත්වයෙන්, කොළඹදි පැවැත්වෙන අතර, ඊට සමඟාමීව එම සම්මේලනනය සඳහා සහභාගී වන අප්‍රිකා, ඇමෙරිකා, ආසියා සහ යුරෝපා මහාද්වීප නියෝජනය කරමින් පැමිණි හමුදා සාමාජිකයින්, බත්තරමුල්ල රණවිරු ස්මාරකය වෙත පුෂ්පෝපහාර පුදකිරීම 2025 මැයි මස 20 වැනි දින සිදුකෙරිණි.
''ලෝක සාගර කාන්තා දිනය'' ට සමගාමිව පවත්වනු ලබන කථිකාවත සදහා
සහභාගි වන මහා සාගර ක්ෂේත්‍රයේ කාන්තා පාර්ශ්විකයන්
ශ්‍රී ලංකා වෙරළ ආරක්ෂක දෙපාර්තමේන්තු මුලස්ථානයේ නිළ සංචාරයක
මත්ද්‍රව්‍ය හා අපරාධ පිලිබඳ එක්සත් ජාතීන්ගේ කාර්යාලය (UNODC) , ගෝලීය සාගර අපරාධ වැඩසටහන (GMCP), සාගර සුරක්‍ෂිතතා සහ ආරක්‍ෂාව පිළිබඳ කණ්ඩායමේ (WGMSS) සහයෝගයෙන් ඉන්දියානු සාගර කලාපීය රටවල සංගමය (IORA) මැයි මස 18 වන දිනට යෙදෙන "ලෝක සාගර කාන්තා දිනය" ට සමගාමීව සංවිධානය කරන ලද මහා සාගර ක්ෂේත්‍රයේ කාන්තා පාර්ශ්විකයන් පිළිබද කථිකාවත සදහා සහභාගිවී සිටින Australia, Bangladesh, French, India, Kenya, Malagasy Republic, Maldives, Mauritania, Seychelles, Sri Lanka, Tanzania, United States යන රටවලට අයත් නියෝජිතයන් දහසයදෙනෙකු (16) ගෙන් සමන්විත කණ්ඩායම අද 2025 මැයි 22 දින ශ්‍රී ලංකා වෙරළ ආරක්ෂක දෙපාර්තමේන්තු මුලස්ථානයේ නිළ සංචාරයක නිරත විය.
ජාත්‍යන්තර හමුදා ක්‍රීඩා කවුන්සිලයේ 80 වන මහා සභා රැස්වීම සහ සම්මේලනය උත්කර්ෂවත් ලෙස අවසන් වේ
ජාත්‍යන්තර හමුදා ක්‍රීඩා කවුන්සිලයේ 80 වන මහා සභා රැස්වීම සහ සම්මේලනයේ සමාප්ති උත්සවය ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ගේ ප්‍රධානත්වයෙන් අද (මැයි 23) කොළඹ ග්‍රෑන්ඩ් මේට්ලන්ඩ් උත්සව ශාලා පරිශ්‍රයේදී පැවත්විය.
7 වන ජාත්‍යන්තර ආරක්ෂක උපදේශක පාඨමාලාව සාර්ථකව අවසන් වේ
7 වන ජාත්‍යන්තර ආරක්ෂක උපදේශක පාඨමාලාව ඊයේ (මැයි 21) ජෙනරල් ශ්‍රීමත් ජෝන් කොතලාවල ආරක්ෂක විශ්ව විද්‍යාල ශ්‍රවණාගාරයේදී පැවති උත්කර්ෂවත් සමාප්ති උත්සවයකින් අවසන් වූ අතර, මෙම උත්සවයේ ප්‍රධාන ආරාධිත අමුත්තා ලෙස ශ්‍රී ලංකාවේ ස්විට්සර්ලන්ත තානාපති ආචාර්ය Siri Walt මැතිනිය සහභාගී විය.
ආරක්ෂක නියෝජ්‍ය අමාත්‍යවරයා 1 වන ශ්‍රී ලංකා පාබල හමුදා
ඉතිහාස ග්‍රන්ථය එළිදක්වයි
ශ්‍රී ලංකා පාබල හමුදාවේ 1 වන බලඇණියේ නිල ඉතිහාස පොත ආරක්ෂක නියෝජ්‍ය අමාත්‍ය මේජර් ජෙනරල් අරුණ ජයසේකර (විශ්‍රාමික)ගේ ප්‍රධානත්වයෙන් ඊයේ (මැයි 21) දින පනාගොඩ පිහිටි ශ්‍රී ලංකා පාබල හමුදා ශ්‍රවණාගාරයේදී උත්සවාකාරයෙන් එළිදක්වන ලදි. මෙම එළිදැක්වීම එම බලඇණියේ 75 වන සංවත්සරය සැමරීමට සමගාමිව සිදුකරන ලදි.
නියෝජ්‍ය ආරක්ෂක අමාත්‍යවරයා රාජකීය ආරක්ෂක අධ්‍යයන විද්‍යාලයේ දූත පිරිසක්
සමඟ උපායමාර්ගික සංවාදයක් පවත්වයි
එක්සත් රාජධානියේ රාජකීය ආරක්ෂක අධ්‍යයන විද්‍යාලයේ නියෝජිත පිරිසක් සහ නියෝජ්‍ය ආරක්ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) අතර උපායමාර්ගික වශයෙන් වැදගත් විශේෂ සංවාදයක් අද (මැයි 21) දින ශ්‍රී ජයවර්ධනපුර කෝට්ටේ ආරක්ෂක අමාත්‍යාංශයේදී පවත්වනු ලැබීය.
ජාතික ගගන නාවික සෙවීම් සහ මුදවා ගැනීම් කමිටු රැස්වීමට
ආරක්ෂක ලේකම්වරයා සහභාගී වේ
ජාතික ගගන නාවික සෙවීම් සහ මුදවා ගැනීම් කමිටු රැස්වීම අද (මැයි 21) දින බත්තරමුල්ල පිහිටි මඟනැගුම - මහ මැදුර සංකීර්ණයේදී පැවති අතර, එම කමිටුවේ සම සභාපතිත්වය දරණ ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ද ඊට සහාභාගී විය.
රාජකීය ආරක්ෂක අධ්‍යයන විද්‍යාලයේ දූත පිරිසක් ආරක්ෂක අමාත්‍යාංශයේ
ජාතික ආරක්ෂක අධ්‍යයන ආයතනයේ සංචාරයක
එක්සත් රාජධානියේ කීර්තිමත් රාජකීය ආරක්ෂක අධ්‍යයන විද්‍යාලයේ දුත පිරිසක් ඔවුන්ගේ අධ්‍යයන චාරිකාවට සමගාමිව ශ්‍රී ලංකාවට පැමිණි අතර, ඒ අනුව ආරක්ෂක අමාත්‍යාංශය යටතේ ස්ථාපිත කර ක්‍රියාත්මක කෙරෙන ආරක්ෂක අධ්‍යයන ක්‍ෂ්ත්‍රයේ ප්‍රමුඛතම ආයතනයක් වන ජාතික ආරක්ෂක අධ්‍යයන ආයතනයේ සංචාරයක නිරත විය. එක්සත් රාජධානියේ කීර්තිමත් අධ්‍යයන ආයතනයක් ලෙස සැලකෙන රාජකීය ආරක්ෂක අධ්‍යයන විද්‍යාලය, සන්නද්ධ හමුදා සහ සිවිල් සේවය තුළ රාජ්‍ය මට්ටමින් හා ජාත්‍යන්තර උපායමාර්ගික මට්ටමින් වඩාත් ඵලදායී අයුරින් ක්‍රියාත්මක වීමට හැකියාව ඇති උපායමාර්ගික චින්තකයින් සහ නායකයින් සංවර්ධනය කිරීම සඳහා මෙන්ම, රාජ්‍යතාන්ත්‍රික ක්‍රියාවලිය තුළ අවශ්‍ය කෙරෙන ජ්‍යෙෂ්ඨ නිලධාරීන් බිහිකිරීම සඳහා කැප වූ ලෝක ප්‍රකට ආයතනයකි.
ඊශ්‍රායල තානාපති ආරක්ෂක ලේකම් හමුවෙයි
ශ්‍රී ලංකාවේ ඊශ්‍රායල තානාපති අතිගරු Reuven Javier Azar මැතිතුමා අද (මැයි 20) දින ශ්‍රී ජයවර්ධනපුර කෝට්ටේ පිහිටි ආරක්ෂක අමාත්‍යාංශයේදී ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
ආරක්ෂක අමාත්‍යංශ අභ්‍යන්තර කටයුතු ඒකකයක් පිහිටුවයි
ගරු ජනාධිපති අනුර කුමාර දිසානායක මැතිතුමාගේ උපදෙස් පරිදි නිකුත් කර ඇති ජනාධිපති ලේකම් කාර්යාල චක්‍රලේඛණයේ උපදෙස් ප්‍රකාරව ක්‍රියාත්මක වන 2025 -2029 දුෂණ විරෝධී ජාතික සැලැස්ම අනුව රාජ්‍ය ආයතනවල සිදුවන සේවා සැපයීම සම්බන්ධයෙන් වන විමසීම් හා පැමිණිලි ඉදිරිපත් කිරීම සඳහා සියලු රාජ්‍ය ආයතනවල අභ්‍යන්තර කටයුතු ඒකක පිහිටුවීම මේවන විට ආරම්භ කර ඇත. ඒ අනුව, ආරක්ෂක අමාත්‍යාංශය යටතේ අභ්‍යන්තර කටයුතු ඒකකයක් පිහිටුවීම ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ගේ ප්‍රධානත්වයෙන් අද (මැයි 20) දින ආරක්ෂක අමාත්‍යාංශය පරිශ්‍රයේදී සිදු විය.
16 වන ජාතික රණවිරු සැමරුම් උත්සවය ජනාධිපතිතුමාගේ ප්‍රධානත්වයෙන්
16 වන ජාතික රණවිරු සැමරුම් උත්සවය ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති සහ සන්නද්ධ හමුදා සේනාධිනායක ගරු අනුර කුමාර දිසානායක මැතිතුමාගේ ප්‍රධානත්වයෙන් අද (මැයි 19) දින, ශ්‍රී ජයවර්ධනපුර කෝට්ටේ පිහිටි ජාතික රණවිරු ස්මාරකය අභියසදී පැවැත්විණි. පසුගිය යුද සමයේ දී රට ජාතිය වෙනුවෙන් දිවි පිදූ හා රණක්‍ෂිතයට පත් සියලු ත්රිවිධ හමුදා, පොලිස් සහ සිවිල් ආරක්ෂක දෙපාර්තමේන්තු සාමාජිකයන් විසින් සිදුකල වීරෝදාර කැපකිරීම් හා අමිල සේවය ස්මරණය කිරීමේ අරමුණින් මෙම සැමරුම් උත්සවය පැවැත්විණි.
නියෝජ්‍ය ආරක්ෂක අමාත්‍යවරයා රණවිරු සෙවණේ
රණවිරුවන්ගේ සුවදුක් සොයා බලයි
රණවිරු සැමරුම් උත්සවයට සමගාමීව නියෝජ්‍ය ආරක්ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) අද (මැයි 19) දින රාගම රණවිරු සෙවණේ නිරීක්‍ෂණ චාරිකාවක නිරත විය.
නියෝජ්‍ය ආරක්ෂක අමාත්‍යවරයා ජාත්‍යන්තර හමුදා ක්‍රීඩා කවුන්සිලයේ 80 වන මහා සභා රැස්වීම සහ සම්මේලනයේ සමාරම්භය සනිටුහන් කරයි
ජාත්‍යන්තර හමුදා ක්‍රීඩා කවුන්සිලයේ 80 වන මහා සභා රැස්වීම සහ සම්මේලනය කොළඹ නගරය කේන්ද්‍ර කොට ගනිමින් පැවැත්වෙන අතර, ඒ අනුව අද (මැයි 19) දින ග්‍රෑන්ඩ් මේට්ලන්ඩ් උත්සව ශාලා පරිශ්‍රයේ පැවති එහි සමාරම්භක අවස්ථාවේදී නියෝජ්‍ය ආරක්ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) විසින් මෙවර සමුළුවේ සමාරම්භය නිල වශයෙන් සනිටුහන් කළේය.
ජාතික රණවිරු සැමරුම් දිනය
අනාගත පරපුර වෙනුවෙන් යහපත් රටක් ගොඩනැගීම උදෙසා අප සැවොම එක්ව කැපවෙමු...
16 වන ජාතික රණවිරු සැමරුම් උත්සවය
ගරු ජනාධිපතිතුමාගේ ප්‍රධානත්වයෙන් පැවැත්වේ
16 වන ජාතික රණවිරු සැමරුම් උත්සවය ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති සහ සන්නද්ධ හමුදා සේනාධිනායක ගරු අනුර කුමාර දිසානායක මැතිතුමාගේ ප්‍රධානත්වයෙන් 2025 මැයි 19 වන දින ශ්‍රී ජයවර්ධනපුර කෝට්ටේ පිහිටි ජාතික රණවිරු අනුස්මරණ ස්මාරකය අභියසදී පැවැත්වීමට නියමිතය.
ආරක්ෂක අමාත්‍යාංශයේ ‘බක්මහ උලෙළ’ නියෝජ්‍ය ආරක්ෂක
අමාත්‍යවරයාගේ ප්‍රධානත්වයෙන් පැවැත්වේ
සිංහල සහ හින්දු අලුත් අවුරුදු උත්සවය නිමිත්තෙන් ආරක්ෂක අමාත්‍යාංශය විසින් සංවිධානය කරන ලද බක්මහ උලෙළ, නියෝජ්‍ය ආරක්ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) ගේ ප්‍රධානත්වයෙන් ඊයේ (මැයි 16) දින ආරක්ෂක මූලස්ථාන සංකීර්ණයේ ආරක්ෂක අමාත්‍යාංශ පරිශ්‍රයේදී පවත්වනු ලැබිය. සාම්ප්‍රදායික ජන ක්‍රීඩා, සිරිත් විරිත් සහ සංස්කෘතික සංදර්ශනවලින් වර්ණවත් වූ මෙම උත්සවය, ආරක්ෂක අමාත්‍යාංශයේ සේවය කරන හමුදා සහ සිවිල් කාර්ය මණ්ඩල සාමාජිකයන් සියලු දෙනාගේ සහභාගිත්වයෙන් පැවැත්විණ.
‘කුඩා, මධ්‍යම සහ දූපත් රාජ්‍යයන් අතර සමුද්‍රීය ආරක්‍ෂාව: අන්තර් තරඟකාරිත්වය, සහයෝගීතාවය සහ සහජීවනය’ පිළිබඳ COSATT-INSS-KAS සමුළුව පැවැත්වේ
'කුඩා, මධ්‍යම සහ දූපත් රාජ්‍යයන් අතර සමුද්‍රීය ආරක්‍ෂාව: අන්තර් තරඟකාරිත්වය, සහයෝගීතාවය සහ සහජීවනය' යන තේමාව යටතේ පවත්වනු ලැබූ COSATT-INSS-KAS අන්තර්ජාතික සමුළුව, 2025 මැයි මස 15 සහ 16 දිනවල දී කොළඹ ටාජ් සමුද්‍රා හෝටල් පරිශ්‍රයේදී සාර්ථකව පැවැත්විණි. Consortium of South Asian Think Tanks (COSATT), ශ්‍රී ලංකාවේ ජාතික ආරක්ෂක අධ්‍යයන ආයතනය සහ Konrad-Adenauer-Stiftung (KAS) යන ආයතන වල සම සංවිධායකත්වයෙන් මෙවර සමුළුව පවත්වනු ලැබීය.
16 වන ජාතික රණවිරු දින සැමරුම් උත්සවය වෙනුවෙන් වන සුදානම පිලිබඳ දැනුවත් කිරීමේ මාධ්‍ය හමුවක් පැවැත්වේ
16 වන ජාතික රණවිරු අනුස්මරණ උත්සවයට සමගාමිව එළඹෙන 2025 මැයි 19 වන දින ශ්‍රී ජයවර්ධනපුර කෝට්ටේ පිහිටි ජාතික රණවිරු අනුස්මරණ ස්මාරකය අසලදී පැවැත්වීමට නියමිත සැමරුම් උත්සවය සඳහා වන පෙර සූදානම පිලිබඳ දැනුවත් කිරීමේ මාධ්‍ය හමුවක් අද (මැයි 16) දින ආරක්ෂක අමාත්‍යාංශ පරිශ්‍රයේදී පවත්වනු ලැබීය.
සමුද්‍රීය ආරක්‍ෂාව පිළිබඳ ජාත්‍යන්තර සමුළුවක් කොළඹදී පැවැත්වේ
Consortium of South Asian Think Tanks, ජාතික ආරක්ෂක අධ්‍යයන ආයතනය සහ Konrad-Adenauer-Stiftung (KAS) යන ආයතන එක්ව "කුඩා, මධ්‍යම සහ දූපත් රාජ්‍යයන් අතර සමුද්‍රීය ආරක්‍ෂාව අන්තර් තරඟකාරිත්වය, සහයෝගීතාවය සහ සහජීවනය" යන තේමාව යටතේ සංවිධානය කරන ලද දෙදින ජාත්‍යන්තර සමුළුව අද (මැයි 15) කොළඹ ටාජ් සමුද්‍රා හෝටලයේදී ආරම්භ කරන ලදී.
‘බුද්ධ රශ්මි 2025' ජාතික වෙසක් කලාපය තුන්වන දිනයේ සමාරම්භක උත්සවය
නියෝජ්‍ය ආරක්ෂක අමාත්‍යවරයාගේ සහභාගීත්වයෙන්
කොළඹ හුණුපිටිය ගංගාරාම විහාරස්ථානය, ජනාධිපති ලේකම් කාර්යාලය සහ අග්‍රාමාත්‍ය කාර්යාලය එක්ව සංවිධානය කරන 'බුද්ධ රශ්මි 2025' ජාතික වෙසක් කලාපය තුන්වන දිනයේ සමාරම්භක අවස්ථාව ඊයේ (මැයි 14) සන්ධ්‍යාවේ සිදු කෙරුණු අතර, නියෝජ්‍ය ආරක්ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) මේ සඳහා සහභාගී විය.
ජිනීවා ආරක්ෂක ප්‍රතිපත්ති මධ්‍යස්ථානයේ සම්බන්ධිකරණයෙන් 7 වන
ජාත්‍යන්තර ආරක්ෂක උපදේශක පාඨමාලාව ශ්‍රී ලංකාවේදී පැවැත්වේ
ජිනීවා ආරක්ෂක ප්‍රතිපත්ති මධ්‍යස්ථානය හා ශ්‍රී ලංකාවේ ආරක්ෂක අමාත්‍යාංශයේ සම්බන්ධීකරණයෙන් පැවැත්වෙන, 7 වන ජාත්‍යන්තර ආරක්ෂක උපදේශක පාඨමාලාව මැයි 14 දින ජෙනරල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ දී ආරම්භ කරන ලදී. රටවල් 35 කට අධික සංඛ්‍යාවක සහභාගිත්වයෙන් පැවැත්වෙන මෙම පුහුණු වැඩසටහන මැයි 21 දක්වා සතියක කාලයක් පුරා පැවැත්වේ.
‘සිරසා නමාමි වෙසක් කලාපය 2025’ ආරක්ෂක ලේකම්වරයාගේ
සුරතින් කොළඹදී විවෘත කෙරේ
සිරස ටීවී මාධ්‍ය ජාලය සහ කැපිටල් මහරාජා සමූහ ව්‍යාපාරය මගින් වාර්ෂිකව සංවිධානය කරනු ලබන 'සිරසා නමාමි වෙසක් කලාපය 2025' හි සමාරම්භය සනිටුහන් කරමින් ඊයේ (මැයි 12) දින සන්ධ්‍යාවේ ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) සංකේතාත්මකව විවෘත කරන ලදී. බෞද්ධාගමික උත්සව අතුරින් වඩාත් පූජනීය අවස්ථාවක් ලෙස සැලකෙන වෙසක් උත්සවය, සුවහසක් බෞද්ධ ජනතාවගේ අධ්‍යාත්මික පුනරුදය, සංස්කෘතික ඇගයීම සහ සහජීවනය පෝෂණය කිරීම අරමුණු කරයි.
වෙසක් දින පණිවිඩය
තිලෝගුරු සම්මා සම්බුදුරජාණන් වහන්සේගේ උත්පත්තිය, බුද්ධත්වය හා පරිනිර්වාණය යන ත්රිවිධ මංගල්‍යය සිදුවූ වෙසක් පුන් පොහෝ දිනය සමස්ත ලෝකවාසී බෞද්ධ ජනතාවටම ඉතා සුවිශේෂී දිනයකි. සියලූ බුද්ධ කාරක ධර්මයන් සපුරා, මාර සේනාව පරාජය කොට, මධ්‍යම ප‍්‍රතිපදාවෙන් ඥානය දියුණු කර, චතුරාර්ය සත්‍යය අවබෝධ කොට, සියලූ කෙලෙසුන් නසා සම්‍යක් සම්බුද්ධත්වයට පත්වූයේ මෙවන් අසිරිමත් වෙසක් දිනයකදීය. උන්වහන්සේ සියලූ දුක් ඉවසා, සසරින් සසරට ජීවිත ගණනාවකදී පෙරුම් පුරා පරාර්ථචර්යාවෙන් අවබෝධ කරගත් ධර්මය සියලූ ලෝකවාසීන්ගේ ආධ්‍යාත්මික හිත සුව පිණිසම හේතු සාධක විය.
පින්බර වෙසක් මංගල්‍යයක් වේවා...
"භජේත මිත්තේ කල්‍යාණේ-භජේත පුරිසුත්තමේ"
උතුම් ගුණාංගයන්ගෙන් පිරිපුන් කල්‍යාණ මිතුරන් ඇසුරු කරමු