පුවත් කෙටියෙන්
ඉන්දියානු යුධ නෞකාවක් කොළඹ වරායට පැමිණේ
ඉන්දියානු නාවික හමුදාවට අයත් “ RANVIJAY ” නෞකාව තෙදින නිල සංචාරයක් සඳහා 2021 අප්‍රේල් මස 14 වන දින කොළඹ වරායට සේන්දු විය.
යාපනයේ දිළිඳු පවුලක් සඳහා යුද හමුදාවෙන් නව නිවසක්
ශ්‍රී ලංකා යුද හමුදාව ඊයේ (අපේ‍්‍රල් 12) දින හින්දු චාරිත්‍රානුකූලව පැවති උත්සවයකදී යාපනය, ග්‍රෑන්ඩ් බසාර් ප්‍රදේශයේ දිළිඳු පවුලක් සඳහා ඉදිකරනු ලැබූ නව නිවසක් පිරිනමන ලදී.
යුද හමුදාවේ ‘කුකුලේගඟ ස්පීඩ් ක්ලයිම්බ් 2021’ තරඟාවලිය සාර්ථකව අවසන් වේ
ශ්‍රී ලංකා යුද හමුදා මෝටර් රථ ක්‍රීඩා සංගමය සහ ශ්‍රී ලංකා මෝටර් රථ ධාවන සංගමය විසින් සංවිධානය කරන ලද දෙදිනක් පුරා පැවැත්වෙන ‘කුකුලේගඟ ස්පීඩ් ක්ලයිම්බ් 2021' තරඟාවලිය ඊයේ (අප්‍රේල් 11) සවස කුකුලේගඟ දී අවසන් විය.
ගුවන් භටයා නව වාර්තාවක් පිහිටුවයි
ශ්‍රී ලංකා ගුවන් හමුදාවේ නායක ගුවන් භට රොෂාන් අබේසුන්දර අද (අප්‍රේල් 11) දින නව ආසියානු පිහිනුම් වාර්ථාවක් සහ නව ශ්‍රී ලංකා වාර්ථාවක් පිහිටුවන ලදි. ගුවන් හමුදාධිපති එයාර් මාර්ෂල් සුදර්ශන පතිරණ මැතිතුමාගේ පූර්ණ සහයෝගය හා මගපෙන්වීම යටතේ සිදු කල මෙම කර්තව්‍ය අප්‍රේල් මස 10 වන දින අළුයම 0200 පැයට තලෙයිමන්නාරම් මුහුදු තීරයෙන් ආරම්භ කල අතර ඉන්දියාවේ ධනුෂ්කොඩි දක්වා පිහිනා ගොස් නැවත තලෙයිමන්නාරම දක්වා කිලෝමීටර 59.3 ක දුරක් පිහිනා අද (අප්‍රේල් 11) දින පෙරවරු 0700 පැයට තලෙයිමන්නාරම් මුහුදු තීරයෙන් අවසන් කරන ලදි.
දියයට කලාගාරය ජනතා අයිතියට
ශ්‍රී ලංකා නාවික හමුදාව විසින් දකුණු වෙරළ තීරයේ නිල්වැල්ල වෙරළේ ඉදිකරන ලද ‘දිය යට කලාගාරය’ ඊයේ (10) දින ජනතා අයිතියට පත් කෙරිණි.
හිටපු එල්.ටී.ටී.ඊ සාමාජිකයින්ට යුද හමුදාවෙන් කෘතිම අත් පා
ශ්‍රී ලංකා යුද හමුදාවේ තවත් මානුෂීය මෙහෙවරක් ලෙස වර්තමානයේ සිවිල් ආරක්ෂක දෙපාර්තමේන්තුවේ සේවය කරන එල්ටීටීඊයේ හිටපු සාමාජිකයන් 64 දෙනෙකුට නව කෘතිම අත් පා නොමිලේ ලබා දීමේ වැඩසටහනක් අනුරාධපුර ‘අභිමන්සල -1’ හි දී ආරම්භ කරන ලදි.
ප්‍රාණ ඇපකරුවන් බේරා ගැනීම සඳහා යුද හමුදාවේ තවත් භටපිරිසකට පුහුණුව
ප්‍රාණ ඇපකරුවන් මුදවාගැනීමේ හා ප්‍රථිත්‍රස්ත පාඨමාලාව සහ උසස් සටන් සුනඛ පාඨමාලාව හැදැරූ ශ්‍රී ලංකා යුද හමුදා කමාන්ඩෝ රෙජිමේන්තුවේ නිලධාරීන් ඇතුළු සෙසු නිලයන් පිරිසක් විසිරයාමේ පෙළපාලිය ඊයේ (අප්‍රේල් 7) දින ගණේමුල්ල කමාන්ඩෝ රෙජිමේන්තු මධ්‍යස්ථානයේදී පැවැත්විණි.
නීති විරෝධී ලෙස මෙරටින් සංක්‍රමණය වීමට ගත් උත්සාහයක් නාවික හමුදාව විසින් ව්‍යර්ථ කෙරේ
ශ්‍රී ලංකා නාවික හමුදාව අප්‍රේල් මස 06 වන දින සිලාවතුර කොන්ඩච්චිකුඩා හි සිදුකල විශේෂ මෙහෙයුමකදී නීති විරෝධී ලෙස මෙරටින් සංක්‍රමණය වීමට උත්සහ කල පුද්ගලයින් 20 දෙනෙකු අත්අඩංගුවට ගන්නා ලදී.
සිසුන් සඳහා ජල ක්‍රීඩා තරගාවලියක්
ශ්‍රී ලංකා නාවික හමුදාව ත්‍රිකුණාමලය තිස්ස විද්‍යාලයේ සිසුන් හා ගුරුවරුන් සඳහා ජල ක්‍රීඩා තරගාවලියක් පසුගියදා සංවිධානය කර තිබුණි.
මුලතිව් පාසල් දරුවන්ට යුද හමුදාවෙන් පාසල් උපකරණ
මුලතිව් ප්‍රදේශයේ පාසල් සිසුන්ගේ අධ්‍යාපන අභිවෘද්ධිය වෙනුවෙන් පාසල් උපකරණ තොගයක් ශ්‍රී ලංකා යුද හමුදා 59 වන සේනාංකය විසින් සිසුන් විශාල පිරිසකට බෙදා දෙන ලදි.
කතරගම ප්‍රදේශයේ පවත්වාගෙන ගිය ගංජා වගාවක් යුද හමුදාව වටලයි
ශ්‍රී ලංකා යුද හමුදාවේ 20 වන ශ්‍රී ලංකා සිංහ රෙජිමේන්තු භට පිරිස් විසින් පසුගියදා කතරගම ගෝනගන්ආර වෙහෙරගල රක්ෂිතයේ පවත්වාගෙන ගිය අක්කරයක පමණ ගංජා වගාවක් වටලන ලදී.
ශ්‍රී ලංකා යුද්ධ හමුදා ස්වේච්ඡා බලසේනාවට වසර 140 ක් සපිරේ
ශ්‍රී ලංකා යුද්ධ හමුදා ස්වේච්ඡා බලසේනාවේ 140 වන සංවත්සර දිනය ස්වේච්ඡා බලසේනාවේ සේනාවිධායක මේජර් ජෙනරල් සම්පත් කොටුවේගොඩගේ ප්‍රධානත්වයෙන් හමුදා සම්ප්‍රදායානුකූලව අභිමානවත් අයුරින් සාලාව, කොස්ගම පිහිටි බලසේනා මූලස්ථානයේ දී සමරන ලදි.
ආරක්ෂක අමාත්‍යාංශය ශුද්ධ වූ සතිය තුළ ආරක්ෂක විධිවිධාන තර කරයි
මෙම වසරේ පාස්කු ඉරිදා දිනය 2021 අප්‍රේල් 04 වන දිනට යෙදී ඇති අතර 2019 දී පාස්කු ඉරිදා ත්‍රස්ත බෝම්බ ප්‍රහාරයට ලක්වුවන් සිහිකරමින් එය සමරනු ලැබේ. ඒ අනුව ශුද්ධ වූ සතිය තුල සහ පාස්කු ඉරිදා දිනයේ රට තුළ ආරක්‍ෂාව තවදුරටත් තර කිරීමට ආරක්ෂක අමාත්‍යාංශය පියවර ගෙන ඇත.
පුපුරණ ද්‍රව්‍ය හඳුනාගැනීමේ සුනඛයන් සඳහා රෝහලක්
ශ්‍රී ලංකා යුද හමුදාවේ පුපුරණ ද්‍රව්‍ය හඳුනා ගැනීමේ සුනඛයන් සඳහා පශු වෛද්‍ය රෝහලක් බූඔය ක්ෂේත්‍ර ඉංජිනේරු බලසේනා මුලස්ථානයේදී ප්‍රධාන ක්ෂේත්‍ර ඉංජිනේරු මේජර් ජෙනරල් නිහාල් අමරසේකර විසින් විවෘත කරන ලදී.
කොතලාවල ආරක්ෂක විශ්ව විද්‍යාලය 2021 වර්ෂය සඳහා පශ්චාත් උපාධි අධ්‍යයන පාඨමාලා අරඹයි
ශ්‍රීමත් ජෝන් කොතලාවල ආරක්ෂක විශ්ව විද්‍යාලයේ 2021 වර්ෂයේ පශ්චාත් උපාධි අධ්‍යයන පාඨමාලාවන්හි සමාරම්භක උත්සවය මාර්තු 30 වන දින උපාධි අධ්‍යයන පීඨ ශ්‍රවණාගාරයේදී පැවැත්විණි.
රුපියල් මිලියන 13.8 ක් වටිනා ගංජා තොගයක් යුද හමුදා භාරයට
මන්නාරම් දූපතේ පේසාලේ වෙරළ ආසන්නයේ සඟවා තිබූ කිලෝග්‍රෑම් 46 ක පමණ ගංජා තොගයක් මෑතකදී යුද හමුදාව විසින් අත්අඩංගුවට ගෙන තිබේ.
යාපනයේ දිළිඳු පවුල් සඳහා සහන
විවිධ දුෂ්කරතා මධ්‍යයේ ජීවත්වන යාපනය ප්‍රදේශයේ තෝරාගත් පවුල් සඳහා වියළි ආහාර සලාක මලු, පාසල් ළමුන් සඳහා පාසල් උපකරණ සහ ළදරුවන් සඳහා අවශ්‍ය උපකරණ බෙදාදීමේ වැඩසටහනක් පසුගිය දිනක කන්කසන්තුරේ තිස්ස රජමහා විහාරයේ දී පැවැත්විය.
නීති විරෝධී ලෙස අල්ලන ලද මුහුදු කූඩැල්ලන් 10219 ක ප්‍රමාණයක් නාවික හමුදා භාරයට
ශ්‍රී ලංකා නාවික හමුදාව විසින් පසුගිය දෙසතියක කාලසීමාව තුළ නැගෙනහිර, උතුර, වයඹ සහ උතුරු මැද නාවික විධානයන්හි සිදුකළ සෝදිසි මෙහෙයුම් මගින් නීති විරෝධී ලෙස රාත්‍රී කාලයේ කිමිදුම් කටයුතු සිදු කරමින් අල්ලන ලද මුහුදු කූඩැල්ලන් 10219 ක පමණ ප්‍රමාණයක් පුද්ගලයින් හා කිමිදුම් උපකරණ සමඟින් නාවික හමුදා භාරයට ගැනීමට කටයුතු කෙරිණි.
ගුවන් හමුදාවේ ‘ගුවන් මිතුදම්’ ප්‍රජා සත්කාරක වැඩසටහනක් දිවුල්වැවදී
‘ගුවන් මිතුදම්’ ව්‍යාපෘතියේ 5 වන අදියර මාර්තු මස 29 වන දින මොරවැව ගුවන් හමුදා කඳවුරේදී පවත්වන ලදි.
දික්ඕවිට ධීවර යාත්‍රාවක ඇතිවූ ගින්න නාවික හමුදා මැදිහත්වීමෙන් මැඩපැවැත්වේ
දික්ඕවිට, ධීවර වරාය තුළ නවතා තිබූ බහුදින ධීවර යාත්‍රාවක ඊයේ (29) දින ඇති වූ හදිසි ගින්නක් නාවික හමුදා ගිනි නිවීමේ ඒකකය විසින් මැඩපවත්වන ලදි.
ඕමන්තේ මාරායිඉලුප්පායිකුලම් වැව් බැම්මේ ඇතිවූ කාන්දුව යුද හමුදාව විසින් වළක්වයි
ජනතාවගේ යහපත උදෙසා හමුදාව සෑම විටම සූදානම් බව පෙන්නුම් කරමින් යුද හමුදා භට පිරිස් විසින් ඕමන්තේ ඉලෙයිමරදන්කුලම් හි මාරායිඉලුප්පායිකුලම් වැව් බැම්මෙහි පසුගිය දිනක ඇතිවූ ජල කාන්දුවක් නැවැත්වීමට කඩිනමින් පියවර ගන්නා ලදි.
ශ්‍රී ලංකා යුද හමුදා පැරෂුට් භටයන්ගේ කුසලතා පාකිස්තානු ජාතික දිනයේදී ප්‍රදර්ශනය කෙරේ
පාකිස්තානයේ ඉස්ලාමාබාද් හි පැවති පාකිස්තානු ජාතික දින සැමරුම් උත්සවයේ පැරිෂුට් සංදර්ශණයේදී ශ්‍රී ලංකා යුද හමුදා පැරෂුට් භටයින් පාකිස්තානු සන්නද්ධ හමුදාවන් සමඟ ඔවුන්ගේ දක්ෂතා ප්‍රදර්ශනය කරන ලදි.
යුද හමුදාවෙන් සිසුන් සඳහා පාසල් උපකරණ
යුද හමුදාව සහ සිවිල් ජනතාව අතර සහයෝගීතාවය වර්ධනය කරමින් මුලතිව් මන්නකන්ඩාල් දෙමළ ප්‍රාථමික පාසලේ සිසුන් 50 දෙනෙකු සඳහා පාසල් උපකරණ පරිත්‍යාග කිරීමේ වැඩසටහනක් යුද හමුදාව විසින් පසුගිය දිනක පවත්වන ලදී.
1.JPG)
නාවික හමුදා සේවා වනිතා ඒකකයෙන් රුක් රෝපණ වැඩසටහනක්
ශ්‍රී ලංකා නාවික හමුදා සේවා වනිතා ඒකකය විසින් ලෝක වනාන්තර දිනය නිමිත්තෙන් සියලු නාවික විධානයන් ආවරණය වන පරිදි රුක් රෝපණ වැඩසටහනක් දියත් කරන ලදි.