පුවත් කෙටියෙන්
යුද හමුදා රණවිරුවන් සඳහා ස්කූබා-කිමිදුම් පුහුණුව
ශ්‍රී ලංකා යුද හමුදාවේ විවිධ හැකියාවන්ගෙන් යුත් රණවිරුවන් පිරිසක් මෑතකදී හික්කඩුව ජාත්‍යන්තර කිමිදුම් පුහුණු පාසලේදී විශේෂ කිමිදුම් පුහුණුවක් සිදුකරන ලදී.
හුදෙකලා කල ප්‍රදේශ සහ වසාදැමුණු පාසල්
කොවිඩ්-19 පැතිරීම වැළැක්වීමේ ජාතික මෙහෙයුම් මධ්‍යස්ථානයේ ප්‍රධානී, ආරක්ෂක මාණ්ඩලික ප්‍රධානී සහ යුද හමුදාපති ජෙනරල් ශවේන්ද්‍ර සිල්වා විසින් වෛරසය පැතිරීම පාලනය කිරීම සඳහා අද (අප්‍රියෙල් 26) දින රාත්‍රී 8.00 සිට බලපැවැත්වෙන පරිදි දිස්ත්‍රික්ක තුනක ග්‍රාම නිලධාරි වසම් කිහිපයක් හුදකලා කිරීමට තීරණය කර ඇති බව ප්‍රකාශ කරන ලදී.
මාලි රාජ්‍යයේ එක්සත් ජාතින්ගේ සාම සාධක රාජකාරි නිම කල ශ්‍රී ලංකා යුද හමුදා භට කණ්ඩය වෙත සුභ පැතුම්
මාලි රාජ්‍යයේ එක්සත් ජාතින්ගේ සාම සාධක බලකායේ නැගෙනහිර ආඥාපති ජ්‍යෙෂ්ඨ කර්නල් ෂූ ජින්සෝ විසින් මාලි රාජ්‍යයේ ස්ථාපිත ශ්‍රී ලංකා සාම සාධක භටයින් සිදුකල කාර්යභාරය, ඔවුන්ගේ ඉහළ වෘත්තීයභාවය සහ විනය පිළිබඳව ප්‍රශංසා කරන ලදී.
යුද හමුදා භටපිරිස් යාපනයේ පොදු ස්ථාන විෂබීජහරණය කරයි
කොවිඩ් - 19 වසංගත තත්වය යළි මතුවීමත් සමඟ ඊට පූර්වාරක්ෂාවක් ලෙස යාපනයේ යුද හමුදා භට පිරිස් විසින් යාපනය නගරයේ පිහිටි ශික්ෂණ රෝහල් පරිශ්‍රය, බසාර් වීදිය සහ නගරයට යාබද ප්‍රදේශ විෂබීජහරණ වැඩසටහනක් දියත් කරන ලදී.
ඊයේ (23) තවත් PCR පරීක්ෂණ 12,439 ක්
අද (අප්‍රේල් 24) දින පෙරවරු 06.00 න් අවසන් වූ පැය 24 තුළ හඳුනාගත් සමස්ත කොරෝනා ආසාදිතයින් ගණන 969 ක් වන අතර රටේ මුළුරෝගීන් සංඛ්‍යාව 99,690 දක්වා ඉහළ ගොස් ඇති බව කොවිඩ්-19 පැතිරීම වැළැක්වීමේ ජාතික මෙහෙයුම් මධ්‍යස්ථානය ප්‍රකාශ කරන ලදි.
දකුණු සුඩානයේ ශ්‍රී ලාංකීක භටපිරිස් පුහුණු අභ්‍යාසයක
එක්සත් ජාතින්ගේ සාමසාධක මෙහෙයුම් යටතේ දකුණු සුඩානයේ ක්‍රියාත්මක දෙවන මට්ටමේ රෝහලේ රාජකාරි කරනු ලබන ශ්‍රී ලාංකීක භටපිරිස් වෙනුවෙන් බරපතල ලෙස රෝගාතුර වූ රෝගීන්ට ප්‍රතිකාර සිදුකිරීම පිළිබඳ පුහුණු අභ්‍යාසයක් පැවැත්විණ.
නීති විරෝධී ලෙස මෙරටට රැගෙන ඒමට උත්සාහ කළ වියලි කහ කිලෝග්‍රෑම් 1263 කට අධික තොගයක් නාවික හමුදා භාරයට
ශ්‍රී ලංකා නාවික හමුදාව විසින් අප්‍රේල් 17 සිට 20 දක්වා දිනයන් තුළ වයඹ සහ බටහිර මුහුද හරහා නීති විරෝධී ලෙස මෙරටට රැගෙන ඒමට උත්සාහ කළ කහ කිලෝ 1263 කට අධික තොගයක් සැකකරුවන් 05 දෙනෙකු සමඟ අත්අඩංගුවට ගෙන තිබේ.
නාවික හමුදාව තැලසීමියා නික්ෂේපණ යන්ත්‍ර 350ක් සෞඛ්‍ය අමාත්‍යාංශයට ලබාදේ
ශ්‍රී ලංකා නාවික හමුදාව සිය සමාජ මෙහෙවර ව්‍යාපෘතිය යටතේ තැලසීමියා නික්ෂේපණ යන්ත්‍ර 350ක් සෞඛ්‍ය අමාත්‍යංශය වෙත ලබා දීම ඊයේ (අප්‍රේල් 21) දින නාවික හමුදාපති වයිස් අද්මිරාල් නිශාන්ත උළුගේතැන්නගේ ප්‍රධානත්වයෙන් නාවික හමුදා මූලස්ථානයේදී සිදු කෙරිණි.
රුපියල් මිලියන 55.7 ක් වටිනා ගංජා තොගයක් යුද හමුදා භාරයට
යුද හමුදාවේ 54 වන සේනාංකයට අයත් භටපිරිස් විසින් ඊයේ (අප්‍රේල් 20) දින පූනරින් පල්ලිකුඩා හි මුහුදට ආසන්නව වෙරළබඩ ප්‍රදේශයක තිබී කේරළ ගංජා කිලෝග්‍රෑම් 185.575 ක් පමණ අත්අඩංගුවට ගෙන තිබේ.
දිවයිනේ අඩු පහසුකම් සහිත පාසල් 8 ක් ශ්‍රී ලංකා නාවික හමුදාවේ සමාජ මෙහෙවර ව්‍යාපෘතිය යටතේ සංවර්ධනය කෙරේ
ශ්‍රී ලංකා නාවික හමුදාවේ 70 වන සංවත්සරයට සමගාමීව දිවයිනේ අඩු පහසුකම් සහිත තෝරාගත් පාසල් 2021 වර්ෂය තුළ සංවර්ධනය කර දේශයේ ජීවනාලිය වන් වූ දුවා දරුවන්ගේ අධ්‍යාපනයට වඩාත් හිතකර පරිසරයක් නිර්මාණය කිරීමේ නාවික හමුදා සමාජ මෙහෙවර ව්‍යාපෘතිය, නාවික හමුදාධිපති වයිස් අද්මිරාල් නිශාන්ත උළුගේතැන්නගේ උපදෙස් හා මග පෙන්වීම යටතේ බටහිර, නැගෙනහිර, උතුරු මැද, වයඹ, ගිණිකොණ, දකුණ සහ උතුර යන නාවික විධානයන් තුළදී 2021 අප්‍රේල් මස 19 වන දින ආරම්භ කෙරිණි. සියළුම නිලධාරීන් හා නාවිකයින් ස්ව කැමැත්තෙන් සිය මාසික වේතනයෙන් පරිත්‍යාග කරන ලද මුදල් මෙම මහඟු සමාජ සත්කාරක ව්‍යාපෘතිය සඳහා මූල්‍ය දායකත්වය ලෙස යොදා ගනු ලබන අතර, නාවික හමුදා පූර්ණ ශ්‍රම දායකත්වය මෙම ව්‍යාපෘතිය සඳහා ලබා දෙනු ඇත.
එක්සත් ජාතීන්ගේ සාම සාධක රාජකාරි සඳහා පිටත්ව යන යුද හමුදා සාමාජිකයින්ට සුසුභාශිංෂණ
මාලි රාජ්‍යයේ බහුවිධ ඒකාබද්ධ ස්ථායිභාවය ඇති කිරීමේ මෙහෙයුම් මූලස්ථානයේ (MINUSMA) එක්සත් ජාතීන්ගේ සාමසාධක රාජකාරීන් සඳහා දිවයිනෙන් පිටත්වීමට නියමිත යුද්ධ හමුදා සාමාජිකයින් 243 දෙනෙකුගෙන් සමන්විත නව සංග්‍රාමික රථ ආරක්ෂක කණ්ඩායම වෙත බණ්ඩාරනායක ජාත්‍යන්තර ගුවන්තොටුපොළේදී අද (21) දින ඔවුන් පිටවයාමට පෙර උණුසුම් සුබ පැතුම් ලබාදෙන ලදී.
රුපියල් මිලියන 26 කට අධික ගංජා තොගයක් නීතියේ රැහැනට
ශ්‍රී ලංකා නාවික හමුදාව සහ මන්නාරම් පොලිසිය විසින් ඊයේ (අප්‍රේල් 18) දින මුලන්කාවිල් මුද්දලම්පිඩ්ඩි ප්‍රදේශයේදී සිදුකරන ලද ඒකාබද්ධ විශේෂ මෙහෙයුමකදී කිලෝග්‍රෑම් 89 කට අධික කේරළ ගංජා තොගයක් සමඟ සැකකරුවන් තිදෙනෙකු අත්අඩංගුවට ගෙන තිබේ.
වේලු ඔයේ අතුරුදන් වූ දෙදෙනාගේ දේහයන් යුද හමුදා භට පිරිස් විසින් සොයා ගැනේ
හල්දුම්මුල්ල වේලු ඔයේ දියනෑමට ගොස් ඊයේ සවස අතුරුදන් වූ පිය පුතු දෙපලගේ දේහයන් යුද හමුදාව විසින් අද (අප්‍රේල් 16) උදෑසන සොයා ගෙන තිබේ.
රොෂාන් අබේසුන්දර ඊළඟ නිලයට උසස් වේ
ශ්‍රී ලංකා ගුවන් හමුදාපති එයාර් මාෂල් සුදර්ශන පතිරණ විසින් ඊයේ (අප්‍රේල් 15) දින නායක ගුවන් භට රොෂාන් අබේසුන්දර කෝප්‍රල් නිලයට උසස් කරන ලදි.
ඉන්දියානු යුධ නෞකාවක් කොළඹ වරායට පැමිණේ
ඉන්දියානු නාවික හමුදාවට අයත් “ RANVIJAY ” නෞකාව තෙදින නිල සංචාරයක් සඳහා 2021 අප්‍රේල් මස 14 වන දින කොළඹ වරායට සේන්දු විය.
යාපනයේ දිළිඳු පවුලක් සඳහා යුද හමුදාවෙන් නව නිවසක්
ශ්‍රී ලංකා යුද හමුදාව ඊයේ (අපේ‍්‍රල් 12) දින හින්දු චාරිත්‍රානුකූලව පැවති උත්සවයකදී යාපනය, ග්‍රෑන්ඩ් බසාර් ප්‍රදේශයේ දිළිඳු පවුලක් සඳහා ඉදිකරනු ලැබූ නව නිවසක් පිරිනමන ලදී.
යුද හමුදාවේ ‘කුකුලේගඟ ස්පීඩ් ක්ලයිම්බ් 2021’ තරඟාවලිය සාර්ථකව අවසන් වේ
ශ්‍රී ලංකා යුද හමුදා මෝටර් රථ ක්‍රීඩා සංගමය සහ ශ්‍රී ලංකා මෝටර් රථ ධාවන සංගමය විසින් සංවිධානය කරන ලද දෙදිනක් පුරා පැවැත්වෙන ‘කුකුලේගඟ ස්පීඩ් ක්ලයිම්බ් 2021' තරඟාවලිය ඊයේ (අප්‍රේල් 11) සවස කුකුලේගඟ දී අවසන් විය.
ගුවන් භටයා නව වාර්තාවක් පිහිටුවයි
ශ්‍රී ලංකා ගුවන් හමුදාවේ නායක ගුවන් භට රොෂාන් අබේසුන්දර අද (අප්‍රේල් 11) දින නව ආසියානු පිහිනුම් වාර්ථාවක් සහ නව ශ්‍රී ලංකා වාර්ථාවක් පිහිටුවන ලදි. ගුවන් හමුදාධිපති එයාර් මාර්ෂල් සුදර්ශන පතිරණ මැතිතුමාගේ පූර්ණ සහයෝගය හා මගපෙන්වීම යටතේ සිදු කල මෙම කර්තව්‍ය අප්‍රේල් මස 10 වන දින අළුයම 0200 පැයට තලෙයිමන්නාරම් මුහුදු තීරයෙන් ආරම්භ කල අතර ඉන්දියාවේ ධනුෂ්කොඩි දක්වා පිහිනා ගොස් නැවත තලෙයිමන්නාරම දක්වා කිලෝමීටර 59.3 ක දුරක් පිහිනා අද (අප්‍රේල් 11) දින පෙරවරු 0700 පැයට තලෙයිමන්නාරම් මුහුදු තීරයෙන් අවසන් කරන ලදි.
දියයට කලාගාරය ජනතා අයිතියට
ශ්‍රී ලංකා නාවික හමුදාව විසින් දකුණු වෙරළ තීරයේ නිල්වැල්ල වෙරළේ ඉදිකරන ලද ‘දිය යට කලාගාරය’ ඊයේ (10) දින ජනතා අයිතියට පත් කෙරිණි.
හිටපු එල්.ටී.ටී.ඊ සාමාජිකයින්ට යුද හමුදාවෙන් කෘතිම අත් පා
ශ්‍රී ලංකා යුද හමුදාවේ තවත් මානුෂීය මෙහෙවරක් ලෙස වර්තමානයේ සිවිල් ආරක්ෂක දෙපාර්තමේන්තුවේ සේවය කරන එල්ටීටීඊයේ හිටපු සාමාජිකයන් 64 දෙනෙකුට නව කෘතිම අත් පා නොමිලේ ලබා දීමේ වැඩසටහනක් අනුරාධපුර ‘අභිමන්සල -1’ හි දී ආරම්භ කරන ලදි.
ප්‍රාණ ඇපකරුවන් බේරා ගැනීම සඳහා යුද හමුදාවේ තවත් භටපිරිසකට පුහුණුව
ප්‍රාණ ඇපකරුවන් මුදවාගැනීමේ හා ප්‍රථිත්‍රස්ත පාඨමාලාව සහ උසස් සටන් සුනඛ පාඨමාලාව හැදැරූ ශ්‍රී ලංකා යුද හමුදා කමාන්ඩෝ රෙජිමේන්තුවේ නිලධාරීන් ඇතුළු සෙසු නිලයන් පිරිසක් විසිරයාමේ පෙළපාලිය ඊයේ (අප්‍රේල් 7) දින ගණේමුල්ල කමාන්ඩෝ රෙජිමේන්තු මධ්‍යස්ථානයේදී පැවැත්විණි.
නීති විරෝධී ලෙස මෙරටින් සංක්‍රමණය වීමට ගත් උත්සාහයක් නාවික හමුදාව විසින් ව්‍යර්ථ කෙරේ
ශ්‍රී ලංකා නාවික හමුදාව අප්‍රේල් මස 06 වන දින සිලාවතුර කොන්ඩච්චිකුඩා හි සිදුකල විශේෂ මෙහෙයුමකදී නීති විරෝධී ලෙස මෙරටින් සංක්‍රමණය වීමට උත්සහ කල පුද්ගලයින් 20 දෙනෙකු අත්අඩංගුවට ගන්නා ලදී.
සිසුන් සඳහා ජල ක්‍රීඩා තරගාවලියක්
ශ්‍රී ලංකා නාවික හමුදාව ත්‍රිකුණාමලය තිස්ස විද්‍යාලයේ සිසුන් හා ගුරුවරුන් සඳහා ජල ක්‍රීඩා තරගාවලියක් පසුගියදා සංවිධානය කර තිබුණි.
මුලතිව් පාසල් දරුවන්ට යුද හමුදාවෙන් පාසල් උපකරණ
මුලතිව් ප්‍රදේශයේ පාසල් සිසුන්ගේ අධ්‍යාපන අභිවෘද්ධිය වෙනුවෙන් පාසල් උපකරණ තොගයක් ශ්‍රී ලංකා යුද හමුදා 59 වන සේනාංකය විසින් සිසුන් විශාල පිරිසකට බෙදා දෙන ලදි.