නවතම පුවත්
පුත්තලම් දිස්ත්‍රික්කයේ ගංවතුරින් විපතට පත්වූවන් නාවික හමුදාවෙන් බේරා ගැනේ
ශ්‍රී ලංකා නාවික හමුදා සහන කණ්ඩායම් විසින් ගං වතුරට කොටු වී අවධානම් තත්ත්වයේ සිටි පුද්ගලයින් 29 දෙනෙකු බේරාගැනීමට කටයුතු කර ඇත.
මහ ඔය ද්‍රෝණියටත් ගංවතුර අනතුරු ඇඟවීම්
මහ ඔය ද්‍රෝණියේ ඉහල ජල පෝෂක ප්‍රදේශවලට අද (ජූනි 5) දින පෙ.ව. 9.00 වන විට මිලිමීටර් 100 ට අධික සැලකිය යුතු වර්ෂාපතනයක් සිදුවී ඇති බව වාරිමාර්ග දෙපාර්තමේන්තුව පවසයි.
සපුගස්කන්ද තෙල් පිරිපහදුවෙන් වැසි ජලයට එකතු වු දැවි තෙල් ඉවත් කිරීමට ක්‍රියාමාර්ග
සපුගස්කන්ද තෙල් පිරිපහදුවේ ඉවත් වන ඉන්ධන නැවත පිරිසිදු කිරිමේ මධ්‍යස්ථානයේ ඇති දැවි තෙල් මිශ්‍රණ අඩංගු ඉන්ධන ගබඩා ටැංකි තුලට වැසි ජලය ඇතුළු වී පිටාර ගැලීම හේතුවෙන්, බාහිර පරිසරයට වැසි ජලය සමග එක් වූ එම ඉන්ධන පැතිරයාම වැළැක්වීම සහ ඉවත් කිරීම සඳහා නාවික හමුදාව හා වෙරළාරක්‍ෂක දෙපාර්තමේන්තුව ඊයේ (ජුනි 04) සවස විශේෂ මෙහෙයුමක් ආරම්භ කරන ලදි.
බස්නාහිරට සහ සබරගමුවට මි.මී 100 ක පමණ වර්ෂාපතනයක් අපේක්ෂා කෙරේ
කාලගුණ විද්‍යා දෙපාර්තමේන්තුව ඊයේ (4)දින කාලගුණ අනාවැකියක් නිකුත් කරමින් කියා සිටියේ බස්නාහිර, සබරගමුව, වයඹ සහ මධ්‍යම පළාත්වල සහ ගාල්ල, මාතර, මන්නාරම සහ යාපනය යන දිස්ත්‍රික්කවල වැසි හෝ ගිගුරුම් සහිත වැසි ඇතිවිය හැකි බවයි.
පස් කන්දකට යටවූ කාන්තාවක් යුද හමුදාවෙන් මුදාගැනේ
ශ්‍රී ලංකා යුද හමුදාව ඊයේ (ජූනි 4) දින රත්නපුර දුම්බර ඉහලපොල ප්‍රදේශයේදී නාය යෑමක් හේතුවෙන් පස් කන්දකට යටවූ පවුලක් බේරාගැනීමේ මෙහෙයුමක් සිදුකරන ලදි.
ගිනිගත් නෞකාව පිළිබඳව විමර්ශනයට රජයේ විශේෂඥ කණ්ඩායමක්
අපරාධ විමර්ශන දෙපාර්තමේන්තුව කළ ඉල්ලීමකට අනුව, ඉදිරි විමර්ෂන කටයුතු සඳහා රජයේ විමර්ශන කණ්ඩායමක් 'X PRESS PEARL" නෞකාව ආසන්න මුහුදු ප්‍රදේශය වෙත රැගෙන යාමට ශ්‍රී ලංකා නාවික හමුදාව විසින් අද (4) කටයුතු කරන ලදී.
නික්මයන රුසියානු ආරක්ෂක උපදේශක ආරක්ෂක ලේකම් හමුවෙයි
රුසියානු සමූහ ආණ්ඩුවේ ශ්‍රී ලංකා තානාපති කාර්යාලයේ ආරක්ෂක උපදේශක කර්නල් ඩෙනිස් අයි. ශ්කොඩා සිය ධූර කාලය අවසන් කිරීමෙන් පසු නික්ම යාමට ප්‍රථම ආරක්ෂක ලේකම් ජෙනරල් කමල් ගුණරත්න (විශ්‍රාමික) අද (ජූනි 04) දින ආරක්ෂක අමාත්‍යංශයේදී හමුවිය.
ජල මට්ටම ඉහළ යාමත් සමඟ ගංවතුර ඇතිවිය හැකි බවට අනතුරු ඇඟවීම්
පවතින ධාරානිපාත වර්ෂාව හේතුවෙන් කළු සහ කැලණි ගංගාවල ජල මට්ටම ඉහළ යමින් පවතින බව ආපදා කළමනාකරණ මධ්‍යස්ථානයේ සහකාර අධ්‍යක්ෂ ප්‍රදීප් කොඩිපිලි මහතා අද (ජුනි 4) නිවේදනයක් නිකුත් කරමින් පවසා සිටී.
කළුතර සහ රත්නපුර යන ප්‍රදේශ සඳහා නායයෑම් රතු නිවේදන
ජාතික ගොඩනැඟිලි පර්යේෂණ සංවිධානය විසින් කළුතර දිස්ත්‍රික්කයේ බුලත්සිංහල, ඉංගිරිය, පාලින්දනුවර, අගලවත්ත සහ රත්නපුර දිස්ත්‍රික්කයේ ඇහැලියගොඩ හා කලවාන යන ප්‍රදේශ වෙත නායයෑම් සඳහා තුන්වන මට්ටමේ රතු අනතුරු ඇඟවීමේ නිවේදන අද (ජූනි 4) නිකුත් කර තිබේ.
ගංවතුර අවදානම් ප්‍රදේශ සදහා නාවික හමුදා සහන කණ්ඩායම්
දකුණු හා බස්නාහිර පළාත් වල ගංවතුරින් පීඩාවට පත් ජනතාවට උපකාර කිරීම සඳහා ශ්‍රී ලංකා නාවික හමුදා සහන කණ්ඩායම් යොදවා තිබේ.
පවතින වැසි තත්වය තවදුරටත්
දිවයිනේ නිරිතදිග ප්‍රදේශයේ පවතින වැසි තත්වය තවදුරටත් අඛණ්ඩව පවතිනු ඇති බව කාලගුණ විද්‍යා දෙපාර්තමේන්තුව අද (4) දින කාලගුණ අනාවැකියක් නිකුත් කරමින් ප්‍රකශ කරන ලදි.
.jpg)
ගිනිගත් නෞකාවෙන් ඇති වූ හානිය පිළිබඳ සමීක්‍ෂණ
ශ්‍රි ලංකා නාවික හමුදා ජල ශාස්ත්‍රීය ඒකකය මගින් මෙහෙයුම් කටයුතු සිදු කරනු ලබන ජාතික ජලජ සම්පත් පර්යේෂණ හා සංවර්ධන නියෝජිතායතනයට (NARA) අයත් නෞකාවක් මගින් ගිනිගත් 'X PRESS PEARL' නෞකාව ආසන්නයේ ජල සාම්පල ලබාගත් බව නාවික හමුදාව පවසයි.
දිස්ත්‍රික්ක හයක් සඳහා නායයෑම් අනතුරු ඇඟවීම්
ජාතික ගොඩනැගිලි පර්යේෂණ සංවිධානය අද (ජුනි 3) දින දිස්ත්‍රික්ක හයක් සඳහා නායයෑම් අනතුරු ඇඟවීම් නිකුත් කර තිබේ.
සංචරණ සීමා ජුනි 14 තෙක් දීර්ඝ කෙරේ
රට පුරා සංචරණ සීමා පැනවීම ජුනි 14 දින උදෑසන 4.00 දක්වා දීර්ඝ කිරීමට තීරණය කර ඇති බව යුද හමුදාපති ජෙනරාල් ශවේන්ද්‍ර සිල්වා නිවේදනයක් නිකුත් කරමින් පැවසීය.
රුසියානු තානාපති ආරක්ෂක ලේකම් හමුවෙයි
ශ්‍රී ලංකාවේ රුසියානු සමූහාණ්ඩුවේ තානාපති අතිගරු යූරි මැටේරි මහතා අද (ජුනි 2) දින අමාත්‍යාංශයේ දී ආරක්ෂක ලේකම් ජෙනරල් කමල් ගුණරත්න (විශ්‍රාමික) මහතා හමුවිය.
නාවික හමුදාවේ ටෙහානි එගොඩවෙල ටෝකියෝ ඔලිම්පික් උළෙල සඳහා සුදුසුකම් ලබයි
ශ්‍රී ලංකා නාවික හමුදාවේ සේවයෙහි නියුතු නායක කාන්තා සංඥා ටෙහානි එගොඩවෙල, කාන්තා මීටර් 10 වායු රයිෆල් 0.177 ඉසව්වෙන් 2020 ටෝකියෝ ඔලිම්පික් උළෙල සඳහා සුදුසුකම් ලබා ගෙන ඇත.
රාජ්‍ය එන්නත්කරණ වැඩසටහන සඳහා යුද හමුදා සහය
දිවයින පුරා ක්‍රියාත්මක රාජ්‍ය එන්නත්කරණ වැඩසටහනට සමගාමීව ශ්‍රී ලංකා යුද හමුදාව, සෞඛ්‍ය වෛද්‍ය නිලධාරීන් සහ සෞඛ්‍ය සේවකයන් සමග එක්ව දකුණු පළාතේ නම් කරන ලද ප්‍රදේශ වල ඊයේ දින (29) එන්නත්කරණ වැඩසටහන ක්‍රියාත්මක කරන ලදි.
සමුද්‍රීය පරිසරය රැකගැනීමට වෙරළාරක්‍ෂකයින් ක්‍රියාත්මක වේ
ශ්‍රී ලංකා වෙරළාරක්‍ෂක දෙපාර්තමේන්තු භටපිරිස් විසින් ආපදාවට පත් නෞකාව හේතුවෙන් බලපෑමට ලක් වූ මුහුදු ප්‍රදේශවලින් එම නෞකාවේ සුන්බුන් කිලෝග්‍රෑම් 5,000 කට අධික ප්‍රමාණයක් මෑතකදී (මැයි 26 සහ 27) ඉවත් කර ඇත.
වසංගතය පාලනයට පොලීසිය වෙත යුද හමුදා යතුරුපැදිකරුවන්ගේ සහාය
කොවිඩ් -19 පැතිරීම පාලනය සදහා පනවා ඇති සංචරණ සීමාවන් පවත්වාගැනීම සඳහා ශ්‍රී ලංකා යුද හමුදා කාන්තා සහ පිරිමි ක්‍ෂණික විහිදුම් යතුරු පැදි කණ්ඩායම් දැන් ක්‍රියාත්මක වේ.
සංචරණ සීමා ජුනි 7 වෙනිදා දක්වා අඛණ්ඩව ක්‍රියාත්මකයි
දැනට පවතින සංචරණ සීමා එළඹෙන ජුනි 7 වෙනිදා අළුයම 4.00 වන තෙක් අඛණ්ඩව ක්‍රියාත්මක වන බව මිට සුළු මොහොතකට පෙර යුද හමුදාපති ජෙනරල් ශවේන්ද්‍ර සිල්වා ප්‍රකාශ කරන ලදි.
පරිසර හානිය අවම කිරීම සදහා හමුදාවන් අත්වැල් බැඳ ගනි.
ආපදාවට පත් නෞකාව හේතුවෙන් සිදුවන පරිසර දුෂණය සහ උපද්‍රව අවම කිරීම සඳහා වන උත්සාහයන් ශක්තිමත් කිරීම සඳහා අද (මැයි 27) දින ශ්‍රි ලංකා සන්නද්ධ හමුදා භට පිරිස් හානියට පත් වෙරළ තීරය දිගේ යොදවන ලදි.
X-PRESS PEARL නෞකාවේ සුන්බුන් පිළිබඳ ජනතාව දැනුවත් කෙරේ
ගින්නෙන් විනාශ වු නෞකාවෙන් වෙරළට ගසාගෙන එන සුන්බුන් පිළිබඳව අවධානය යොමු කරමින් නාවික හමුදාව, සමුද්‍රීය පරිසර ආරක්‍ෂණ සහ අධිකාරිය ශ්‍රි ලංකා වෙරළාක්‍ෂක දෙපාර්තමේන්තුව එක්ව විශේෂ ආරක්‍ෂණ වැඩපිළිවෙලක් ක්‍රියාත්මක කර ඇත.
ගිනිගත් නෞකාවෙන් ඇතිවන සමුද්‍රීය හානි අවම කිරීමට පියවර
ආපදාවට පත් X-PRESS PEARL නෞකාව මඟින් සාගර පරිසරයට සහ වෙරළ තීරයට සිදුවන හානිය අවම කර ගැනීම සඳහා ජනාධිපතිතුමන් උපදෙස් පරිදි ආරක්ෂක හමුදා, සමුද්‍රීය පරිසර ආරක්‍ෂණ අධිකාරිය සහ අනෙකුත් වගකිව යුතු රාජ්‍ය ආයතන කටයුතු කරන බව ජනාධිපති මාධ්‍ය අංශය පවසයි.
උඩු ගුවනේ සිට නැවට වියළි රසායනික ද්‍රව්‍ය මළු හෙලයි
'X-PRESS PEARL' නෞකාවේ ඇති වූ ගින්න මැඩලීම සඳහා අද උදෑසන ශ්‍රී ලංකා ගුවන් හමුදාවේ බෙල් 212 හෙලිකොප්ටර් යානා විසින් වියළි රසායනික කුඩු ගෝනි කිලෝග්‍රෑම් 425 ක් නැව වෙත හෙලූ බව ගුවන් හමුදා මාධ්‍ය ප්‍රකාශක ගෘප් කැප්ටන් දුෂාන් විජේසිංහ මහතා අද (26) පැවසීය .
අතිගරු ජනාධිපතිතුමාගේ වෙසක් පුන් පොහෝ දින පණිවිඩය
අසිරිමත් බෝසත් උපත, ශ්‍රී සම්බුද්ධත්වය සහ සම්බුද්ධ පරිනිර්වාණය යන උතුම් ත්‍රිවිධ මංගල්‍යයන් සිහිපත් කෙරෙන වෙසක් පුන් පොහොය දිනය බෞද්ධ අපගේ වටිනාම පුණ්‍ය මහෝත්සවයයි. සමස්ත බෞද්ධ ජනතාවම මේ උතුම් දිනයේ සම්මා සම්බුදුරජාණන් වහන්සේට ආමිසයෙන් හා ප්‍රතිපත්තියෙන් පූජෝපහාර පවත්වන්නේ බුද්ධාලම්භන ප්‍රීතියෙන් යුතුවය.