පුවත් කෙටියෙන්
යුද හමුදා භට පිරිස් වඩිඩුවග් සිට කෝකිලායි දක්වා වෙරළ තීරය පිරිසිදු කරයි
පිරිසිදු සහ ආරක්‍ෂිත වෙරළ පරිසරයක් නිර්මාණය කිරීමේ අරමුණින් ශ්‍රී ලංකා යුද හමුදා භට පිරිස් විසින් වඩිඩුවග් සිට කෝකිලායි දක්වා වෙරළ තීරය පිරිසිදු කිරීමේ වැඩසටහනක් පසුගියදා සිදු කරන ලදි.
මුලතිව්හි පවුල් හතරකට යුද හමුදාවෙන් නව නිවාස
ශ්‍රී ලංකා යුද හමුදා මුලතිව් ආරක්ෂක සේනාවට අයත් භට පිරිස් විසින් නව නිවාස 4 ක් ඉදිකර ප්‍රදේශයේ දිළිඳු පවුල් වෙත ලබා දෙන ලදී.
වෙරළාරක්ෂක දෙපාර්තමේන්තුවේ අධ්‍යක්ෂ ජෙනරාල් ඕස්ට්‍රේලියානු නියෝජිත කණ්ඩායමක් සමඟ සාකච්ඡාවක
ඕස්ට්‍රේලියානු දේශසීමා බලකා පළමු ලේකම්, පරීක්‍ෂක බ්‍රෙට් ෂෙන්ඩර් සහ එහි සම්බන්ධීකාරක ශෂිකා පෙරේරා මහත්මිය ප්‍රමුඛ ශ්‍රී ලංකාවේ ඕස්ට්‍රේලියානු මහ කොමසාරිස් කාර්යාලයේ නියෝජිතයින් පිරිසක් පසුගියදා ශ්‍රී ලංකා වෙරළාරක්ෂක දෙපාර්තමේන්තුවේ අධ්‍යක්ෂ ජෙනරාල් රියර් අද්මිරාල් අනුර ඒකනායක මහතා හමුවිය.
යුද හමුදා භට පිරිස් නැගෙනහිර පළාතේ කුඹුක් පැල රෝපණය කරයි
ශ්‍රී ලංකා යුද හමුදා භට පිරිස් විසින් මෑතකදී පසෙහි ජල මට්ටම සුරැකීම සඳහා විකල්ප විසඳුමක් ලෙස කුඹුක් පැල 1,600 ක් නැගෙනහිර ආරක්ෂක සේනා මූලස්ථාන පරිශය තුල රෝපණය කරන ලදී.
උඩුපිඩ්ඩියේ දිළිඳු පවුලක් සඳහා යුද හමුදාවෙන් නව නිවසක්
ශ්‍රී ලංකා යුද හමුදා යාපනය ආරක්ෂක සේනා මූලස්ථානයට අයත් භට පිරිස්ගේ තාක්‍ෂණික සහ ශ්‍රම දායකත්වයෙන් ඉදිකරන ලද නව නිවසක් උඩුපිඩ්ඩි ඉමායනන් ප්‍රදේශයේ පවුලක් වෙත භාර දෙනු ලැබීය.
යාපනයේ කලපු ආශ්‍රිත නාවික හමුදාව කඩොලාන පැළ 5000ක් රෝපණය කරයි
ශ්‍රී ලංකා නාවික හමුදා උතුරු නාවික විධානය මඟින් විසින් දියත් කල යාපනය අර්ධද්වීපයේ කඩොලාන පැල 5,000 ක් රෝපණය කිරීමේ වැඩසටහන පසුගියදා (ඔක්තොම්බර් 17) පොන්නාලේ කළපුවේදී සාර්ථකව අවසන් විය.
දිළිඳු පවුල් සඳහා යුද හමුදාවෙන් නව නිවාස
ශ්‍රී ලංකා යුද හමුදාව සිය ප්‍රජා සුභසාධන ව්‍යාපෘති පුළුල් කරමින් දානපතියන්ගේ සහයෝගය ඇතිව දිළිඳු පවුල් වෙත තවත් නිවාස දෙකක් ඉදිකර මෑතකදී භාර දෙනු ලැබීය.
ගුවන් හමුදාව නිෂ්පාදනය කරන ලද ඔක්සිජන් චිකිත්සා ඒකක රජයේ රෝහල් වෙත
කොවිඩ්-19 රෝගීන්ට ප්‍රතිකාර කිරීම සඳහා ශ්‍රී ලංකා ගුවන් හමුදාව විසින් නිෂ්පාදනය කරන ලද තාප හියුම්කරණ ඔක්සිජන් චිකිත්සා ඒකක ගුවන් හමුදාපති එයාර් මාෂල් සුදර්ශන පතිරණගේ උපදෙස් පරිදි අම්පාර, බදුල්ල, කළුතර සහ පොල්ගස්ඕවිට යන රජයේ රෝහල් වෙත පසුගියදා බාර දෙන ලදී.
‘මිත්‍ර ශක්ති’ යුද අභ්‍යාසය තුළින් ශක්තිය හා මිත්‍රත්වය ඉහළ නංවන බව ඉන්දීය යුද්ධ හමුදා ප්‍රධානි පවසයි
ඉන්දීය යුද්ධ හමුදාව සහ ශ්‍රී ලංකා යුද්ධ හමුදාව අතර පවත්නා සුහදත්වය සහ සහයෝගය තවදුරටත් ශක්තිමත් කිරීමේ අරමුණින් පැවැත්වු 8 වන මිත්‍ර ශක්ති ඒකාබද්ධ යුද පුහුණු අභ්‍යාසයේ අවසන් ප්‍රහාරය සිකුරාදා (15) දින උදෑසන මාදුරුඔය යුද්ධ හමුදා පුහුණු පාසලේ නගරබද සටන් පුහුණු පෙදෙසේ දී පැවැත්විණි.
ඉන්දීය යුද්ධ හමුදා ප්‍රධානි අනුරාධපුර යුද්ධ හමුදා සේවා බලකා පුහුණු පාසලට රියදුරු සමාකෘති ඒකක පරිත්‍යාග කරයි
අනුරාධපුර, තිසාවැව ප්‍රදේශයේ පිහිටි යුද්ධ හමුදා සේවා බලකා පුහුණු පාසලේ පසුගිය බ්‍රහස්පතින්දා (14) දින සංචාරයක නිරත වූ ඉන්දීය යුද්ධ හමුදා ප්‍රධානි ජෙනරල් මනෝජ් මුකුන්ද් නාරාවන සහ ආරක්ෂක මාණ්ඩලික ප්‍රධානි හා යුද්ධ හමුදාධිපති ජෙනරල් ශවේන්ද්‍ර සිල්වා එම පුහුණු පාසලේදී මහත් හරසරින් යුතුව පිළිගනු ලැබීය.
වව්නියාව රෝහල සඳහා යුද හමුදාවෙන් ලේ දන්දීමක්
වව්නියාව රෝහලේ ලේ බැංකුව වෙත ලබාදීම සඳහා ලේ දන් දීමේ ව්‍යාපාරයක් ශ්‍රී ලංකා යුද හමුදා වන්නි ආරක්ෂක සේනා මුලස්ථානය යටතේ සිටින භට පිරිස් විසින් පසුගියදා සංවිධානය කරන ලදී.
ඉන්දීය යුද හමුදා ප්‍රධානී කොළඹට පැමිණේ
ඉන්දීය යුද හමුදා ප්‍රධානී ජෙනරල් මනෝජ් මුකුන්ද් නාරාවන දින පහක නිල සංචාරයක් සඳහා අද (12) දින දිවයිනට පැමිණෙන ලදී.
සඳහිරු සෑයේ කොත්වහන්සේ අඟහරුවාදා දින මහනුවර ගැටඹේ ශ්‍රී රාජෝපවනාරාමය වෙත වැඩම කෙරේ
සඳහිරු සෑයේ කොත්වහන්සේ සහ චූඩා මාණික්‍ය හෙට (ඔක්තෝම්බර් 12) දින ගැටඹේ ශ්‍රී රාජෝපවනාරාමය වෙත වැඩමකිරීමට නියමිතයි.
යුද හමුදා දිනයේ දී නිලධාරින් 567 ක් සහ සෙසු නිලයන් 10368 ක් සඳහා උසස්වීම්
අද (ඔක්තෝබර් 10) දිනට යෙදෙන ශ්‍රී ලංකා යුද්ධ හමුදාවේ 72 වන සංවත්සරයට සමගාමීව ශ්‍රී ලංකා යුද්ධ හමුදා නිලධාරීන් 567 ක් සහ සෙසු නිලයින් 10368 ක් සඳහා උසස්වීම් ලබා දෙන ලදි.
යුද හමුදාව මගින් තවත් වාරිමාර්ග වැව් ප්‍රතිසංස්කරණයට
රජයේ "වාරි සෞභාග්‍ය" වැඩසටහන යටතේ මහවැලි "එල්" කලාපයේ වැව් ප්‍රතිසංස්කරණ ව්‍යාපෘති මෑතකදී ශ්‍රී ලංකා යුද්ධ හමුදාව විසින් ආරම්භ කරන ලදී.
ශ්‍රී ලංකා ගුවන් හමුදාව රක්ෂිතයට ඉහළින් “බීජ බෝම්බ” හෙළයි
සියඹලාණ්ඩුව වත්තේගම කැබිලිත්ත රජයේ වන රක්ෂිතය වෙත මෙම සතිය තුළ බීජ බෝම්බ තොගයක් හෙළනු ලැබීය
ඉන්දීය හා ශ්‍රී ලංකා යුද්ධ හමුදා ක්‍රීඩකයින් ශ්‍රී ලංකාවේදී ක්‍රීඩා තරඟවලට සහභාගී වෙති
ඉන්දියානු යුද්ධ හමුදාවේ සහ ශ්‍රී ලංකා යුද්ධ හමුදාවේ ක්‍රීඩකයින් අතර ක්‍රීඩා කෞෂල්‍යයන්, ද්වීපාර්ශ්විය සබඳතා සහ සහයෝගීතාවයේ නව පරිච්ඡේදයක් ආරම්භ කරමින් ‘Army to Army Sports Exchange’ (යුද්ධ හමුදා ක්‍රීඩා හුවමාරු වැඩසටහන) යටතේ ඉන්දියානු යුද්ධ හමුදාවේ ක්‍රීඩකයින් 61 දෙනෙකුගෙන් සමන්විත කණ්ඩායමක් එළඹෙන සතියේ දිවයිනට පැමිණීමට නියමිතය. එසේ මෙරටට පැමිණෙන ඉන්දියානු යුද්ධ හමුදා ක්‍රීඩකයින් ශ්‍රී ලංකා යුද්ධ හමුදා සහෝදර ක්‍රීඩකයින් සමඟ හොකී, පැසිපන්දු, වොලිබෝල් සහ ක්‍රිකට් යන ක්‍රීඩා ඉසව් ඔස්සේ තරඟාවලියන්ට සහභාගී වෙති.
යාපනය ශික්ෂණ රෝහල සඳහා යුද හමුදාවෙන් ලේ දන්දීමක්
යාපනය ශික්ෂණ රෝහලේ රුධිර සංචිතයට අවශ්‍ය රුධිරය ලබාදීම සඳහා ලේ දන් දීමේ ව්‍යාපාරයක් ශ්‍රී ලංකා යුද හමුදා භට පිරිස් විසින් පසුගියදා අයියකච්චිහි ස්ථාපිත 552 වන බලසේනා මූලස්ථානයේදී සංවිධානය කරන ලදී.
නාවික හමුදාව යාපනය අර්ධද්වීපයේ කඩොලාන පැළ රෝපණය කරයි
යාපනය අර්ධද්වීපයේ කලපු ආශ්‍රිතව කඩොලාන සංරක්‍ෂණය සහ වෙරළ ඛාදනය වැළැක්වීම අරමුණු කරගනිමින් ශ්‍රී ලංකා නාවික හමුදාව පසුගියදා කිලාලි කලපුවේ කඩොලාන පැළ රෝපණය කරන ලදී.
නීති විරෝධි ලෙස රැගෙන ආ වියලි කහ කිලෝ 1064 ක් සමඟ සැකකරුවකු නොරොච්චෝලේදී නාවික හමුදා භාරයට
නාවික හමුදාව විසින් අද (2021 ඔක්තෝබර් 04) නොරොච්චෝලේ වෙරළ ප්‍රදේශයේ සිදු කළ විශේෂ සෝදිසි මෙහෙයුමක් මඟින් නීති විරෝධී ලෙස මෙරටට රැගෙනවිත් වෙරළ තීරයේ ධීවර වාඩියක සඟවා තිබූ වියලි කහ කිලෝග්‍රෑම් 1064 ක පමණ තොගයක් සමඟ සැකකරුවකු නාවික හමුදා භාරයට ගැනීමට කටයුතු කෙරිණි.
ශ්‍රී ලංකා සහ ඉන්දියානු යුද හමුදා ‘මිත්‍ර ශක්ති’ යුද අභ්‍යාසයෙහි නිරත වේ
ශ්‍රී ලංකාව සහ ඉන්දියාව අතර අඛණ්ඩව 8 වන වරටත් පැවැත්වෙන ‘මිත්‍ර ශක්ති’ ඒකාබද්ධ යුද අභ්‍යාසය ඔක්තෝම්බර් මස 03 සිට 17 දක්වා පැවැත්වෙන අතර එයට සහභාගී වීම සඳහා ඉන්දීය හමුදා භටයින් 120 දෙනෙකුගෙන් යුත් කණ්ඩායමක් පසුගිය දා මත්තල ජාත්‍යන්තර ගුවන් තොටුපළෙන් මෙරටට පැමිණියහ.
සඳහිරු සෑයේ කොත්වහන්සේ වැඳපුදා ගැනීමට දැන් අවස්ථාව
සඳහිරු සෑයේ කොත්වහන්සේ සහ චූඩා මාණික්‍ය හෙට (ඔක්තෝම්බර් 05) දින කතරගම ඓතිහාසික කිරිවෙහෙර පුදබිම වෙත වැඩමකිරීමට නියමිතයි.
ජපාන ස්වයං ආරක්ෂක සාගරික බලකායට අයත් නෞකා කොළඹට පැමිණේ
ජපාන ස්වයං ආරක්ෂක සාගරික බලකායට අයත් ඩිස්ට්‍රෝයර් නෞකා තුනක් අද (ඔක්තෝබර් 02) දින දිවයිනට පැමිණ තිබේ. ‘KAGA’, ‘MURASAME’ හා ‘FUYUZUKI’ යන මෙම නෞකා ත්‍රිත්වය නිල සංචාරයක් සඳහා කොළඹ වරායට පැමිණ ඇති බව නාවික හමුදා මාධ්‍ය පවසයි.
නාවික හමුදාවේ ‘ජයසාගර’ නෞකාව නාවික හමුදා සේවය අවසන් කරයි
නාවික හමුදාවේ ‘ජයසාගර’ නෞකාව නාවික හමුදා සම්ප්‍රදායානුකූලව උත්තමාචාර පුදකර නාවික සේවයෙන් ඉවත් කිරීම, පසුගිය බ්‍රහස්පතින්දා (සැප්තැම්බර් 30) දින ත්‍රිකුණාමලය නාවික තඨාකාංගනයේදී පැවැත්විණි.
සන්නාහ සන්නද්ධ බලකා භටපිරිස් 12 වසරකට පසු වෙඩි තැබීමේ පුහුණුවකට එක්වෙයි
වසර 12 කටත් අධික කාලයකට පසුව සන්නාහ සන්නද්ධ රථ යොදාගෙන වෙඩි තැබීමේ පුහුණුවක් සැප්තැම්බර් මස 21 සහ 22 දෙදින පුරා කල්පිටිය ශ්‍රී ලංකා ගුවන් හමුදා ක්ෂේත්‍ර වෙඩි පිටියේදී පැවැත්විණි.