සිදුවීම්
ගුවන් හමුදා විසිරයාමේ පෙළපාලියක් දියතලාව දී
ශ්‍රී ලංකා ගුවන් හමුදා විසිරයාමේ පෙළපාලියක් පසුගියදා දියතලාව ගුවන් හමුදා සටන් පුහුණු පාසලේ දී ගුවන් හමුදා නියෝජ්‍ය මාණ්ඩලික ප්‍රධානී එයාර් වයිස් මාර්ෂල් එම්.ඩී රත්නායකගේ ප්‍රධානත්වයෙන් පැවැත්විණි.
උතුරු පළාතේ ජල ක්‍රීඩා ප්‍රචලිත කිරීමට නාවික හමුදාවෙන් ව්‍යාපෘතියක්
ශ්‍රී ලංකා නාවික හමුදාව පසුගියදා (ජූලි 04) යාපනය කරෛයිනගර් ආශ්‍රිත මුහුදේදී ඩ්‍රැගන් බෝට්ටු (Dragon Boats) තරඟාවලියක් පවත්වන ලදී. ප්‍රදේශය තුල ජල ක්‍රීඩා ප්‍රචලිත කිරීම, ජීවිතාරක්ෂක ක්‍රම පිලිබඳ දැනුවත් කිරීම සහ නාවික හමුදාව හා උතුරු ප්‍රදේශයේ ජනතාව අතර සුහදත්වය වර්ධනය කිරීමේ අරමුණින් මෙම තරගාවලිය පවත්වන ලදී.
යුද හමුදා මැදිහත්වීමෙන් යාපනය සිසුන්ට පාපැදි
යාපනය අර්ධද්වීපයේ අඩු ආදායම්ලාභී පාසල් ළමුන් පිරිසකට පාපැදි 22ක් සහ අඩු ආදායම්ලාභී ජනතාව වෙත වියළි සලාක ඇසුරුම් 50ක තොගයක් කැනඩාවේ වෙසෙන දානපතියෙකු වන රජිකරන් ෂන්මුගරත්නම් මහතාගේ අනුග්‍රහයෙන් යුද හමුදාවේ මැදිහත්වීමෙන් පසුගියදා චාවකච්චේරිය සංස්කෘතික මධ්‍යස්ථානයේදී බෙදා දෙන ලදී.
ගුවන් හමුදාව රණවිරුවන් සමරයි
ගුවන් හමුදාපති එයාර් මාර්ෂල් සුදර්ශන පතිරණ ගේ ප්‍රධානත්වයෙන් ගුවන් හමුදාව විසින් සංවිධානය කරන ලද ‘රණවිරු සැමරුම් උත්සවය 2022’ පසුගියදා ඒකල වෘත්තීය පුහුණු පාසලේ පිහිටි ගුවන් හමුදා රණවිරු ස්මාරකය අභියසදී පවත්වන ලදී.
යුද හමුදාවෙන් කිලිනොච්චි රෝහලට ලේ පරිත්‍යාගයක්
මුලතිව් ආරක්ෂක සේනා මුලස්ථානය යටතේ ස්ථාපිත 57 වන සේනාංකයේ භට පිරිස් විසින් රෝගීන් සඳහා හදිසි රුධිර අවශ්‍යතාවයට ප්‍රතිචාර වශයෙන් කිලිනොච්චි රෝහල වෙත ලේ පරිත්‍යාග කරන ලදී.
නාවික හමුදාව දැදුරු ඔයේ සිරවී ඇති සුන්බුන් ඉවත් කරයි
පුත්තලම වාරිමාර්ග දෙපාර්තමේන්තුවේ ඉල්ලීමකට ප්‍රතිචාර දක්වමින් නාවික හමුදාව විසින් පුත්තලම ආනවිළුන්දාව ප්‍රදේශයට නුදුරින් දැදුරු ඔයේ සිරවී තිබූ සුන්බුන් ඉවත් කිරීම පසුගියදා සිදු කරන ලදී.
වෙරළාරක්ෂක දෙපාර්තමේන්තුවට ඔස්ට්‍රේලියානු දේශසීමා බලකායෙන් තොරතුරු තාක්ෂණ උපකරණ
අනාගත වෙරළාරක්ෂක පුහුණු වැඩසටහන් සඳහා ප්‍රයෝජනවත් වන තොරතුරු තාක්ෂණ උපකරණ කට්ටලයක් ඔස්ට්‍රේලියානු දේශසීමා බලකාය විසින් ශ්‍රී ලංකා වෙරළාරක්ෂක දෙපාර්තමේන්තුවට පරිත්‍යාග කරන ලදී.
පවුන්ඩර් 25 වර්ගයේ කාලතුවක්කු හතක් යුද හමුදාව අලුත්වැඩියා කරයි
ශ්‍රී ලංකා යුද හමුදා විදුලි හා යාන්ත්‍රික ඉංජිනේරු බලකාය විසින් අලුත්වැඩියා කරන ලද පවුන්ඩර් 25 වර්ගයේ කාලතුවක්කු හතක් ශ්‍රී ලංකා කාලතුවක්කු හමුදාව වෙත නිල වශයෙන් භාරදීම පසුගියදා පනාගොඩ පිහිටි කාලතුවක්කු හමුදා රෙජිමේන්තු මධ්‍යස්ථානයේදී සිදුවිය.
මන්නාරම් ප්‍රදේශයේ ජනතාවට වියළි සලාක මළු ලබාදේ
මන්නාරම දිස්ත්‍රික්කයේ මඩු සහ වෙංගල, සෙට්ටිකුලම ප්‍රදේශවල දුප්පත් ජනතාව සඳහා යුද හමුදාවේ සම්බන්ධීකරණයෙන් වියළි සලාක මළු බෙදා දීමේ වැඩසටහනක් පසුගියදා සිදු කරන ලදී.
නාවික හමුදාවෙන් ලේ දන්දීමේ වැඩසටහන්
නාවික හමුදාපති වයිස් අද්මිරාල් නිශාන්ත උළුගේතැන්නගේ උපදෙස් පරිදි නාවික හමුදාව විසින් සියලුම නාවික විධානයන් ආවරණය වන පරිදි ලේ දන්දීමේ වැඩසටහන් මාලාවක් ජුනි මස 16 වන දින සංවිධානය කරන ලදි.
ගුවන් හමුදාවෙන් නාගරික කෘෂිකර්මය ප්‍රචලිත කිරීමේ වැඩසටහනක්
ශ්‍රී ලංකා ගුවන් හමුදාව විසින් සියලුම ගුවන් හමුදා කඳවුරු ආවරණය වන පරිදි නාගරික කෘෂිකර්මය ප්‍රචලිත කිරීමේ වැඩසටහනක් ගුවන් හමුදා සේවා වනිතා ඒකකයේ සභාපතිනී චාමිණි පතිරණ මහත්මියගේ ප්‍රධානත්වයෙන් ජුනි මස 16 වන දින ආරම්භ කරන ලදි.
රට වෙනුවෙන් දිවිපිදු රණවිරුවකුගේ මවකට රණවිරු සේවා අධිකාරියෙන් නව නිවසක්
ක්‍රියාන්විත රාජකාරියේ නිරතව සිටියදී මියගිය රණවිරුවෙකුගේ මවක් සඳහා රණවිරු සේවා අධිකාරියේ මැදිහත්වීමෙන් හොරණ දොඹගොඩ ප්‍රදේශයේ නව නිවසක් ඉදිකර භාරදීම ජූනි මස 13 දින සිදුකරන ලදි.
කැබිතිගොල්ලෑව බස්රථ බෝම්බ ප්‍රහාරයට වසර 16ක් සපිරේ
අදින් වසර 16කට පෙර 2006 ජූනි 15 දින ලංගම බස් රථයක් ඉලක්ක කර සඟවා තැබූ ක්ලේමෝ බෝම්බ දෙකක් පිපිරීමෙන් ළමයින් 15 දෙනෙකු ඇතුලු අහිංසක ශ්‍රී ලාංකීය සිවිල් වැසියන් 64 දෙනෙක් මියගිය අතර, සිවිල් වැසියන් 70 කට වැඩි පිරිසක් තුවාල ලැබූහ.
ඉන්දීය ආරක්ෂක උපදේශක ශ්‍රී ලංකා ආරක්ෂක ලේකම් හමුවෙයි
ශ්‍රී ලංකාවේ ඉන්දීය ආරක්ෂක උපදේශක කපිතාන් විකාස් සූද් 2022 ජුනි 09 වැනි දින ආරක්ෂක අමාත්‍යාංශයේදී ආරක්ෂක ලේකම් ජෙනරල් කමල් ගුණරත්න හමුවිය.
ජාතික වයස් කාණ්ඩ පිහිනුම් ශූරතාවලියේ පදක්කම් රැසක් යුද හමුදාවට
46 වැනි ජාතික වයස් කාණ්ඩ පිහිනුම් ශූරතාවලිය - 2022 තරඟාවලියේදී ශ්‍රී ලංකා යුද හමුදා පිහිනුම් ක්‍රීඩක ක්‍රීඩිකාවන් පදක්කම් රාශියක් දිනාගෙන ඇති අතර, එක් පිහිනුම් ක්‍රීඩකයෙක් නව ජාතික වාර්තාවක් ද පිහිටුවීය.
යුද හමුදා බොක්සිං ක්‍රීඩකයෙක් නෙදර්ලන්තයේදී
රිදී පදක්කමක් දිනා ගනී
ශ්‍රී ලංකා යුද හමුදා බොක්සිං ක්‍රීඩක මාණ්ඩලික සැරයන් එම්.වී.අයි.ආර්.එස් බණ්ඩාර ජුනි 3 සිට ජුනි 6 දක්වා නෙදර්ලන්තයේ පැවති ‘Eindhoven Box Cup - Netherlands 2022’ බොක්සිං ශූරතාවලියේදී රිදී පදක්කමක් දිනා ගත්තේය.
අම්පාර රණවිරු සංසදයේ දායකත්වයෙන් පාසල් දරුවන්ට සහ
අඩු ආදායම් ලාභී පවුල් වෙත සහන ලබාදේ
අම්පාර සහ දමන රණවිරු සංසද සාමාජිකයන්ගේ දායකත්වයෙන් අඩු ආදායම් ලාභී පවුල් සහ පාසල් දරුවන්ට වියලි සලාක මලු සහ රු.5000.00 ක වටිනාකමින් යුතු පාසල් උපකරණ වවුචර් පත් ලබා දීම පසුගියදා සිදුවිය.
ශ්‍රී ලංකා ත්‍රිවිධ හමුදාව බ්‍රිතාන්‍ය මහ රැජිනගේ
ප්ලැටිනම් ජුබිලි සංදර්ශනයට සහභාගී වේ
එක්සත් රාජධානියේ ආරාධනයෙන්, ශ්‍රී ලංකා ත්‍රිවිධ හමුදා කණ්ඩායමක් 2022 ජුනි 05 වන ඉරිදා පැවැත්වුණු දෙවන එලිසබෙත් රැජිනගේ ප්ලැටිනම් ජුබිලි සංදර්ශනයට සහභාගී විය.
පාකිස්තාන ජාතික ආරක්ෂක විශ්වවිද්‍යාලයේ නියෝජිත පිරිසක්
ආරක්ෂක ලේකම් හමුවෙයි
එයාර් කොමඩෝර් අක්තාර් ඉම්රාන් සද්දෝසායිගේ නායකත්වයෙන් යුත් පාකිස්තාන ජාතික ආරක්ෂක විශ්වවිද්‍යාලයේ නියෝජිත පිරිසක් අද (ජුනි 6) ශ්‍රී ජයවර්ධනපුර, කෝට්ටේ ආරක්ෂක මූලස්ථාන සංකීර්ණයේදී ආරක්ෂක ලේකම් ජෙනරල් කමල් ගුණරත්න හමුවිය.
ආපදා කළමනාකරණ අංශය ආරක්ෂක ලේකම්ගේ නිරීක්ෂණයට
ආරක්ෂක ලේකම් ජෙනරල් කමල් ගුණරත්න, ආරක්ෂක අමාත්‍යාංශය යටතේ පවතින ආපදා කළමනාකරණ අංශයෙහි වත්මන් පරිපාලනය, ක්‍රියාකාරීත්වයන් සහ ඉදිරි සැලසුම් අද දින (ජූනි 6) උදෑසන අධීක්ෂණයට ලක් කලේය.
ජාතික රණවිරු සැමරුම ජනාධිපතිතුමාගේ ප්‍රධානත්වයෙන්
13 වන ජාතික රණවිරු අනුස්මරණ සැමරුම සන්නද්ධ හමුදා සේනාධිනායක හා අතිගරු ජනාධිපති ගෝඨාභය රාජපක්‍ෂ මැතිඳුන්ගේ ප්‍රධානත්වයෙන් ශ්‍රී ජයවර්ධනපුර කෝට්ටේ පිහිටි රණවිරු ස්මාරකය අභියසදී අද (මැයි 19) දින උදෑසන අභිමානවත්ව හා ඉතා චාම් අයුරින් පැවැත්විය.
හමුදා සාමාජිකයන්ගෙන් රෝගීන් සඳහා ලේ දන්දීමක්
ශ්‍රී ලංකා යුද හමුදා සහ ශ්‍රී ලංකා නාවික හමුදා භට පිරිස් ඔවුන්ගේ ප්‍රජා සේවා ව්‍යාපෘතිවල කොටසක් ලෙස ලේ දන්දීමේ ව්‍යාපාර මාලාවක් සංවිධානය කරන ලදි.
යාපනයේ වැන්දඹුවකට නව නිවසක් ඉදිකරීමට යුද හමුදා සහය
යාපනයේ වැන්දඹුවක් සඳහා නව නිවසකට මුල්ගල තැබීම පසුගියදා සිදුකෙරුණි. යුද හමුදා මාධ්‍යවලට අනුව, යාපනය ආරක්ෂක සේනා මූලස්ථානයේ 55 වන සේනාංකය විසින් යුද හමුදා සමාජ සත්කාර වැඩසටහන්වල කොටසක් ලෙස, වැන්දඹුවකට සහ ඇගේ පවුලට යාපනයේ උඩුතුරෙයි ප්‍රදේශයේ නව නිවසක් ඉදිකර දීම සඳහා කටයුතු ආරම්භ කර ඇත.
යුද හමුදාව විසින් යාපනයේ ඉදිකළ ‘CIMIC’ උද්‍යානය ජනතා අයිතියට
ශ්‍රී ලංකා යුද හමුදාව විසින් සිවිල් වැසියන්ට ක්‍රීඩා, විනෝදාස්වාදය සහ අධ්‍යාපනික සහාය ලබාදීම සඳහා යාපනය කෝපායි ප්‍රදේශයේ ඉදිකරන ලද සිවිල්-හමුදා සහයෝගීතා (CIMIC) උද්‍යානයක් ඊයේ (මැයි 8) ආරක්ෂක මාණ්ඩලික ප්‍රධානී සහ යුද හමුදාපති ජෙනරල් ශවේන්ද්‍ර සිල්වාගේ ප්‍රධානත්වයෙන් පැවති උත්සවයකදී ජනතාව වෙත පරිත්‍යාග කරන ලදී.