පුදුකුඩිඉරිප්පු සහ සුදන්දිපුරම් ප්රදේශවල ගොවීන් විසින් අත්හැර දමන ලද කුඹුරු යළි අස්වැද්දීම සඳහා ශ්රී ලංකා යුද්ධ හමුදා 68 වන පාබල සේනාංකයේ භට පිරිස් සහය පසුගියදා ගොවීන් වෙත ලබා දෙන ලදි.
විදෙස් රටවලින් මෙරටට රැගෙන එනු ලබන මත්ද්රව්ය අත්අඩංගුවට ගැනීම සඳහා ‘මත්ද්රව්ය විරෝධී’ බලඅධිකාරියක් ( Anti-Narcotic Command) ස්ථාපිත කරන බව ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානී සාගල රත්නායක මහතා පැවසීය.
පාකිස්ථාන යුද්ධ හමුදා විද්යාපීඨයේ සේනාවිධායක මේජර් ජෙනරල් ඉෆ්තිකාර් හසාන් චවුද්රි (Major General lftikhar Hassan Chaudhary) ගේ ආරාධනයෙන් යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පී එන්ඩීයූ, පකිස්ථානයේ කාකුල් (Kakul) හි යුද්ධ හමුදා විද්යාපීඨයේ පැවති කෙඩෙට් නිලධාරී විසිරයාමේ පෙළපාලියෙහි ගෞරවණීය ආරාධිතයෙකු ලෙස පසුගිය සෙනසුරාදා (ඔක්තෝබර් මස 21) දින සහභාගී විය.
ඉන්දිය නාවික හමුදාවට අයත් අධි තාක්ෂණික සැහැල්ලු හෙලිකොප්ටරයක් පසුගියදා (ඔක්. 19) ශ්රී ලංකාවට ළඟා විය. ශ්රී ලංකා ගුවන් හමුදා නියමුවන් සහ ශ්රී ලංකා නාවික හමුදා සාමාජිකයින් සඳහා නැව් මත හෙලිකොප්ටර් ගොඩ බෑමේ මෙහෙයුම් සඳහා පුහුණුවක් ලබාදීම මෙහි අරමුණ බව ගුවන් හමුදා මාධ්ය අංශය පවසයි.
ශ්රී ලංකා නාවික හමුදාව, පොලිස් මත්ද්රව්ය නාශක කාර්යංශය හා එක්ව සිදුකල ඒකාබද්ධ බුද්ධි මෙහෙයුමකින් ලද තොරතුරකට අනුව, ශ්රී ලංකා වෙරළාරක්ෂක සමුද්රාරක්ෂා නෞකාව යොදවා ගාල්ලට බටහිර දෙසින් නාවික සැතපුම් 91 ක් පමණ (කිලෝමීටර් 168 ක් පමණ) දුරින් වූ ගැඹුරු මුහුදේ සිදුකල විශේෂ මෙහෙයුමක් මඟින්, මත්ද්රව්ය ප්රවාහනය කරමින් තිබූ මෙරට බහුදින ධීවර යාත්රාවක් අත්අඩංගුවට ගෙන, අද දින (2023 ඔක්තෝබර් 22) උදෑසන දෙවුන්දර ධීවර වරාය වෙත රැගෙනවිත් ශ්රී ලංකා වෙරළාරක්ෂක දෙපාර්තමේන්තුව හා එක්ව සිදුකල සූක්ෂම පරීක්ෂාවේදී , එම බහුදින ධීවර යාත්රාවේ සූක්ෂම ලෙස සඟවා මෙරටට රැගෙන ඒමට උත්සාහ කල රුපියල් මිලියන 4000 කට අධික දළ වීථි වටිනාකමකින් යුත් හෙරොයින් සහ අයිස් (Crystal Methamphetamine) මත්ද්රව්ය කිලෝග්රෑම් 212 කට අධික තොගයක් (ඇසුරුම් බර සහිත) සමඟ එම බහුදින යාත්රාවේ සිටි සැකකරුවන් අත්අඩංගුවට ගැනීමට කටයුතු කෙරිණි. නාවික හමුදාධිපති වයිස් අද්මිරාල් ප්රියන්ත පෙරේරා විසින් අත්අඩංගුවට ගත් එම මත්ද්රව්ය තොගය අද දින (2023 ඔක්තෝබර් 22) දෙවුන්දර ධීවර වරායේදී නිරීක්ෂණය කිරීම සිදුකෙරිණි.
අද (ඔක් 19) උදෑසන කාලගුණ විද්යා දෙපාර්තමේන්තුව නිකුත් කරන ලද නවතම කාලගුණ අනාවැකියට අනුව පවතින අයහපත් කාලගුණ තත්ත්වය තවදුරටත් පවතිනු ඇතැයි අපේක්ෂා කෙරේ.
ශ්රී ලංකා යුද්ධ හමුදා 74 වන සංවත්සරය නිමිත්තෙන් පසුගියදා (ඔක් 15) මුලතිව් ආරක්ෂක සේනා මූලස්ථානය යටතේ සේවයේ නියුතු ශ්රී ලංකා යුද්ධ හමුදා සාමාජිකයින් විසින් ලේ දන්දීමේ ව්යාපාරයක් සිදුකරන ලදි.
ශ්රී ලංකා නාවික හමුදාව විසින් අනුරාධපුර ථූපාරාමයේ ස්ථාපිත කරන ලද නව ප්රතිආශ්රැති ජලපිරිපහදු මධ්යස්ථානය බදාදා (ඔක් 18) විවෘත කරන ලදි.
පසුගිය දිනවල ඇති වූ ධාරානිපාත වර්ෂාව හේතුවෙන් තලකිරියාගම රජමහා වැවෙහි දකුණු ඉවුරු බැම්ම ගිලා බැසීම නිසා එම ස්ථානයෙන් වැව් බැම්ම කැඩී යාමේ අවධානමකට ලක් විය. ආරක්ෂක සේනා මූලස්ථානය - මධ්යම යටතේ ස්ථාපිත 4 ශ්රී ලංකා පාබල හමුදාවේ භටපිරිස් පසුගිය ඉරිදා (ඔක්තෝබර් මස 15) දින කඩිනමින් ක්රියාත්මක වී වැලි කොට්ට යොදා ගනිමින් වැව් බැම්ම ආරක්ෂා කිරීමට කටයුතු කළහ.
ඉන්දීය නාවික හමුදාවට අයත් INS Iravat නෞකාව නිල සංචාරයක් සඳහා ඊයෙ (ඔක් 18) කොළඹට ළඟා විය. ශ්රී ලංකා නාවික හමුදාව විසින් එම නෞකාව නාවික හමුදා සම්ප්රදායානුකුලව පිළිගනු ලැබූ බව නාවික හමුදා මාධ්ය අංශය පවසයි.
ශ්රී ලංකා නාවික හමුදාව සහ ඉන්දීය නාවික හමුදාව අතර එකළොස් වන වරට පැවැත්වෙන ඉන්දු - ශ්රී ලංකා නාවික හමුදා මාණ්ඩලික සාකච්ඡා වාරය ඊයේ (ඔක් 17) කොළඹදී ආරම්භ විය.
ශ්රී ලංකාවේ ඉන්දීය මහ කොමසාරිස් කාර්යාලයේ ආරක්ෂක උපදේශක කපිතාන් විකාස් සූද් සිය ධූර කාලය අවසන් කිරීම සනිටුහන් කරමින් අද (ඔක් 16) ශ්රී ජයවර්ධනපුර කෝට්ටේ හි පිහිටි ආරක්ෂක අමාත්යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
ගංවතුරින් විපතට පත් ප්රදේශවල සිසුන් 22 දෙනෙකු සඳහා 5 ශ්රේණියේ විභාගයට පෙනී සිටීමට පාසල් 6 වෙත ශ්රී ලංකා යුද්ධ හමුදා භට පිරිස් විසින් ප්රවාහන පහසුකම් ඊයේ (ඔක් 15) සලසා දී ඇත.
ජාත්යන්තර සහයෝගීතාව සඳහා වන 03 වන “එක් තීරයක් - එක් මාවතක්” සමුළුව සඳහා සහභාගී වීමට ජනාධිපති රනිල් වික්රමසිංහ මැතිතුමා ඊයේ (15) රාත්රියේ චීනය බලා පිටත්ව ගිය අතර ජනාධිපතිවරයා ඔක්තෝබර් 16 සිට 20 දක්වා චීනයේ සිව්දින නිල සංචාරයක නිරත වනු ඇත.
නුදුරේදී චීනයේ පැවැත්වීමට නියමිත ආසියානු පැරා ක්රීඩා උළෙලට ශ්රී ලංකාව නියෝජනය කරමින් සහභාගී වන ක්රීඩා කණ්ඩායම අද (ඔක්. 13) දින ආරක්ෂක රාජ්ය අමාත්ය කාර්යාලයට පැමිණි මොහොතේදී ගරු ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මැතිතුමා ඔවුන් සමඟ සාකච්ඡාවක නිරත වූ අතර, මෙම තරඟාවලියට සහභාගි වීම සඳහා ක්රීඩක ක්රීඩිකාවන් හට අවශ්ය කරන පහසුකම් පිළිබඳව සොයා බැලීමක් ද සිදු කරන ලදි.
අතීතයේ සිට සුවිශේෂ කේන්ද්රස්ථානයක් වූ ඉන්දියන් සාගර කලාපයේ රටවලට නැඟී එන ලෝක ආර්ථිකය තුළ පුළුල් භූමිකාවක් පැවරී ඇති බවත්, ගෝලීය භූ දේශපාලනය තුළ ගනු ලබන ස්ථාවරත්වය සමඟ එහි ඉදිරි ගමන් මඟ තීරණය වනු ඇති බවත් ජනාධිපති රනිල් වික්රමසිංහ මහතා පෙන්වා දුන්නේය.
ආරක්ෂක රාජ්ය අමාත්ය ගරු. ප්රමිත බණ්ඩාර තෙන්නකෝන් මැතිතුමා අද (ඔක්. 12) පෙරවරුවේ ඉමදූව නාය ගිය ස්ථානය නිරීක්ෂණය කිරීම සඳහා එහි සංචාරයක නිරත විය. යුද හමුදාපති ලුතිනන් ජෙනරල් විකුම් ලියනගේ සහ ජ්යෙෂ්ඨ හමුදා නිලධාරීන් කිහිප දෙනෙකු ද මෙම සංචාරයට එක්ව සිටියහ.
කාලගුණ විද්යා දෙපාර්තුමේන්තුව අද (ඔක් 12) නිකුත් කරන ලද නවතම කාලගුණ අනාවැකියේ පරිදි දිවයිනේ බොහෝ ප්රදේශවල අපරභාගයේදී හෝ රාත්රී කාලයේදී වැසි හෝ ගිගුරුම් සහිත වැසි ඇති විය හැක . ඌව, මධ්යම සහ නැගෙනහිර පළාත්වල ඇතැම් ස්ථානවලට මිලිමීටර් 75 ට වැඩි තරමක් තද වැසි අපේක්ෂා කළ හැක.
ශ්රී ලංකාවේ නිල සංචාරයක් සඳහා ඇමරිකා එක්සත් ජනපද නාවික හමුදාවට අයත් ‘USNS Brunswick’ නෞකාව ඊයේ (ඔක්. 11) දින කොළඹ වරායට සේන්දු විය.
ඉන්දියන් සාගර කලාපයේ කාර්ය බහුලම නාවික මාර්ගය ශ්රී ලංකාව ආශ්රිතව පිහිටා තිබීම හේතුවෙන් තෙල් කාන්දුවීම් නිසා ශ්රී ලංකාව සමුද්රීය විපත්වලට ගොදුරු වීමේ දැඩි අවදානමක් පවතින බවත්, මේ හේතුවෙන් විශේෂයෙන්ම සමුද්රීය පරිසරයට වන අවදානම් කළමනාකරණයට නාවික හමුදාවන් සහ වෙරළාරක්ෂක භටයන් අතර සහයෝගීතාවය අත්යවශ්ය සාධකයක් වන බවත්, ආරක්ෂක රාජ්ය අමාත්ය ගරු ප්රමිත බණ්ඩාර තෙන්නකෝන් මැතිතුමා ඊයේ (ඔක්තෝබර් 10) සවස කොළඹ ලක්ෂ්මන් කදිර්ගාමර් ජාත්යන්තර සබඳතා සහ උපායමාර්ගික අධ්යයන ආයතනයේ පැවති ආපදා අවදානම් කළමනාකරණය සහ ඉන්දියානු සාගර වටද්දර සංගමයෙහි ජපානයේ කාර්යභාරය පිළිබඳ සම්මන්ත්රණයේ ආරම්භක දේශනය පවත්වමින් ප්රකාශ කළේය.
ශ්රී ලංකා නාවික හමුදාව විසින් ආරක්ෂක අමාත්යාංශය සහ Geopolitical Cartographer (GC) සමඟ එක්ව සංවිධානය කරන 11 වැනි ‘ගාලු කථිකාව’ ජාත්යන්තර සමුද්ර සමුළුව හෙට (ඔක්. 12) ගාල්ල Jetwing Lighthouse හෝටලයේදී ආරම්භ වේ.
පසුගිය කාලය පුරා පැවති අධික වර්ෂාව හේතුවෙන් හටගත් ගංවතුරින් පීඩාවට පත් ගාල්ල, මාතර දිස්ත්රික්කවල ජනතාවට බෙදාදීම සඳහා පානීය ජල බෝතල් ලීටර් පහළොස් දාහක් (15,000) ශ්රී ලංකා රතු කුරුස සමාජය විසින් ආපදා කළමනාකරණ අමාත්යංශයේ දී ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මැතිතුමා හට අද (ඔක් 10) භාරදෙනු ලැබීය.
ශ්රී ලංකාවේ නිල සංචාරයක් සඳහා අද (ඔක්. 10) අලුයම මෙරටට පැමිණි එක්සත් රාජධානියේ ඉන්දු පැසිෆික් රාජ්ය අමාත්ය ගරු. ඈන්-මේරි ට්රේවෙල්යන් මැතිණිය, ආරක්ෂක රාජ්ය අමාත්ය ගරු. ප්රමිත බණ්ඩාර තෙන්නකෝන් මැතිතුමා විසින් බණ්ඩාරනායක ජාත්යන්තර ගුවන් තොටුපලේදී උණුසුම් ලෙස පිළිගනු ලැබීය.
පවතින අයහපත් කාලගුණ තත්ත්වය හේතුවෙන් මාතර දිස්ත්රික්කයේ ආපදාවට පත් ප්රදේශවල නිරීක්ෂණ චාරිකාවක ආරක්ෂක රාජ්යය අමාත්ය ගරු ප්රමිත බණ්ඩාර තෙන්නකෝන් මැතිතුමා ඊයේ (ඔක්. 08) දින නිරත විය.
දිවයිනේ දිස්ත්රික්ක කිහිපයකට ජාතික ගොඩනැගිලි පර්යේෂණ සංවිධානය විසින් නායයාමේ 3 වන මට්ටමේ (රතු) අනතුරු ඇඟවීමක් නිකුත් කර තිබේ.