නවතම පුවත්
වැසි සහිත කාලගුණය තවදුරටත්
දිවයිනේ ප්‍රදේශ කිහිපයකට තද වැසි ඇති විය හැකි අතර, ඉදිරි දින කිහිපයේදී දිවයිනේ නිරිතදිග ප්‍රදේශවලට දැනට පවතින වැසි තත්ත්වය යම් ප්‍රමාණයකට වර්ධනය විය හැකි බවටත් කාලගුණ විද්‍යා දෙපාර්තමේන්තුව අද (සැප් 27) උදෑසන නිකුත් කළ නවතම කාලගුණ වාර්තාවේ සදහන් වේ.
වෙරළ පිරිසිදු කිරීමේ දිනය වෙනුවෙන් ශ්‍රී ලංකා වෙරළාරක්‍ෂක භටයින්
සිය ගණනක් අත්වැල් බැඳගනී
ආසියානු වෙරළාරක්‍ෂක නියෝජිතායතන ප්‍රධානීන්ගේ සමුළුව වෙරළ පිරිසිදු කිරීමේ දිනයට සමගාමීව ශ්‍රී ලංකා වෙරළාරක්‍ෂක බලකාය විසින් වෙරළාරක්‍ෂක කලාප හතරක් පුරා වෙරළ පිරිසිදු කිරීමේ වැඩසටහනක් පසුගියදා (සැප් 23) පවත්වන ලදි.
ආරක්ෂක රාජ්‍ය අමාත්‍යවරයාට පොපි මලක් පළඳවයි
ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා හට සංකේතාත්මකව පොපි මලක් පැළඳවීම ශ්‍රී ලංකා සේවාමුක්ත භට සංගමයේ සභාපති මේජර් ජෙනරල් උපුල් පෙරේරා (විශ්‍රාමික) විසින් අද (සැප් 25) සිදුකරන ලදි.
ශ්‍රී ලංකාවේ බංග්ලාදේශ මහ කොමසාරිස් කාර්යාලයේ ආරක්ෂක උපදේශක
ආරක්ෂක ලේකම් හමුවෙයි
ශ්‍රී ලංකාවේ බංග්ලාදේශ මහ කොමසාරිස් කාර්යාලයේ ආරක්ෂක උපදේශක කොමදෝරු එම්.ඩී. ෂෆියුල් බාරි සිය ධූරකාලය නිම කිරීමෙන් අනතුරුව අද (සැප් 25) ශ්‍රී ජයවර්ධනපුර කෝට්ටේ හි පිහිටි ආරක්ෂක අමාත්‍යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
රටේ සියලු ජන කොටස්වලට ප්‍රතිලාභ සැලසෙන තිරසර සහ ස්ථාවර
වර්ධනයක් කරා රට මෙහෙයවීම අරමුණයි
වත්මන් මෙන්ම අනාගත පරම්පරාවන්ට ද සාමයෙන් හා සංහිදියාවෙන් යුත් සෞභාග්‍යයමත් අනාගතයක් සහතික කරමින්, රටේ සියලු ජන කොටස්වලට ප්‍රතිලාභ සැලසෙන තිරසර සහ ස්ථාවර වර්ධනයක් කරා රට මෙහෙයවීම තම අභිප්‍රාය බව ජනාධිපති රනිල් වික්‍රමසිංහ මහතා ලෝක නායකයන් ඉදිරියේ අවධාරණය කළේය.
Slim Pharmaceuticals පුද්ගලික සමාගමෙන්
මුහුණු ආවරණ 500ක පරිත්‍යාගයක්
Slim Pharmaceuticals පුද්ගලික සමාගම ආරක්ෂක ලේකම් ජෙනරල් කමල් ගුණරත්න වෙත ප්‍රතිමීදුම් මුහුණු ආවරණ (Anti-Fog Face Shields) තොගයක් සංකේතාත්මකව ඊයේ (සැප් 21) ආරක්ෂක අමාත්‍යාංශයේදී පැවති උත්සවයකදී පරිත්‍යාග කරන ලදි.
දිවයිනට බල පා ඇති අයහපත් කාලගුණය තවදුරටත් අපේක්ෂා කෙරේ
කාලගුණ විද්‍යා දෙපාර්තමේන්තුව අද දින (සැප් 20) උදෑසන නිකුත් කළ නවතම කාලගුණ අනාවැකියට අනුව බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි ඇති වන අතර ඇතැම් ස්ථානවලට මිලිමීටර් 50 ට වැඩි තරමක තද වැසි අපේක්ෂා කළ හැක.
ආරක්ෂක ලේකම්තුමන් වෙත සංකේතාත්මක පොපි මල් පැළඳවීම
ආරක්ෂක අමාත්‍යංශයේදී සිදුකෙරේ
ශ්‍රී ලංකා සේවාමුක්ත භට සංගමයේ සභාපති මේජර් ජෙනරල් උපුල් පෙරේරා (විශ්‍රාමික) විසින් අද (සැප් 19) ආරක්ෂක ලේකම් ජෙනරල් කමල් ගුණරත්න වෙත සංකේතාත්මක පොපි මල් පැළඳවීම සිදුකරන ලදි.
කාර්මික දෝෂයක් හේතුවෙන් ඉන්දීය මුහුදු සීමාවට ගසාගෙන ගොස්
ආපදාවට පත් මෙරට ධීවර යාත්‍රාවක සිටි ධීවරයින් 03 ක්
නාවික හමුදාව විසින් ගොඩබිමට රැගෙන එයි
ශ්‍රී ලංකාවට උතුරු දෙසින් ඉන්දීය මුහුදු සීමාවට ගසාගෙන ගොස් ආපදාවට පත් මෙරට ධීවර යාත්‍රාවක සිටි ධීවරයින් තිදෙනෙක් (03) විදෙස් නෞකාවක් මඟින් බේරාගැනීමෙන් අනතුරුව, එම ධීවරයින් තිදෙනා කොළඹ සමුද්‍රීය සෙවීම් හා මුදවාගැනීම් සම්බන්ධීකරණ මධ්‍යස්ථානයේ සම්බන්ධීකරණයෙන්, අද දින (2023 සැප්තැම්බර් 17) පී 421 වේග ප්‍රහාරක මුර යාත්‍රාව මඟින් ගොඩබිමට රැගෙනවිත් ප්‍රතිකාර සඳහා හම්බන්තො‍‍ට මූලික රෝහල වෙත යොමු කිරීමට නාවික හමුදාව විසින් කටයුතු කෙරිණි.
ජාත්‍යන්තර වෙරළ පිරිසිදු කිරීමේ දිනයට සමගාමීව නාවික හමුදාව වෙරළ පිරිසිදු කිරීමේ වැඩසටහනක්
ජනාධිපති කාර්ය මණ්ඩල ප්‍රධානී හා ජාතික ආරක්‍ෂාව පිළිබඳ ජනාධිපති ජ්‍යේෂ්ඨ උපදේශක සාගල රත්නායක මහතාගේ සහ නාවික හමුදාපති වයිස් අද්මිරාල් ප්‍රියන්ත පෙරේරාගේ මඟපෙන්වීමෙන් ශ්‍රී ලංකා නාවික හමුදාව විසින් සැප්තැම්බර් 16 දින කොළඹ වරාය නගරයේ වෙරළ තීරය පිරිසිදු කිරීමේ වැඩසටහනක් දියත් කරන ලදි.
වැඩබලන ආරක්ෂක අමාත්‍යවරයා ශ්‍රී ලංකා රතු කුරුස සංවිධානයේ පාර්ශවකරුවන්ගේ හමුව - 2023 සඳහා සහභාගී වෙයි
වැඩබලන ආරක්ෂක අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා ඊයේ (සැප් 14) කොළඹ හිල්ටන් හෝටලයේ පැවති ශ්‍රී ලංකා රතු කුරුස සංගමයේ පාර්ශවකරුවන්ගේ හමුව - 2023 සඳහා සහභාගී විය.
යුද්ධ හමුදාව මගින් මත්ද්‍රව්‍ය නිවාරණය පිළිබඳ දැනුවත් කිරීමේ වැඩසටහනක් කාත්තන්කුඩි විද්‍යාලයේ දී
ශ්‍රී ලංකා යුද්ධ හමුදා නැගෙනහිර ආරක්ෂක සේනා මූලස්ථානය මගින් මත්ද්‍රව්‍යවල අන්තරායන් සහ එහි භාවිතයේ අතුරු ප්‍රථිපල පිළිබඳව දැනුවත් කිරීමේ අරමුණින්, මත්ද්‍රව්‍ය නිවාරණ දැනුවත් කිරීමේ වැඩසටහනක් පසුගියදා කාත්තන්කුඩි මධ්‍ය මහා විද්‍යාලයේ දී පැවැත් වු අතර ඒ සඳහා පාසල් සිසුන් සහ සිවිල් වැසියන් යන දෙඅංශයෙන්ම සහභාගී විය.
දිවයිනට බල පා ඇති අයහපත් කාලගුණය තවදුරටත්
දිවයිනේ පවතින වැසි සහිත කාලගුණ තත්ත්වය තවදුරටත් පවතිනු ඇතැයි අපේක්ෂා කෙරේ. මේ හේතුවෙන් දිවයිනේ ප්‍රදේශ රැසකට තවදුරටත් වැසි අපේක්ෂා කරන බව කාලගුණ විද්‍යා දෙපාර්තමේන්තුව පවසයි.
සිවිල් ආරක්ෂක දෙපාර්තමේන්තුවට වසර 17ක් සපිරේ
සිවිල් ආරක්ෂක දෙපාර්තමේන්තුව එම දෙපාර්තමේන්තුවේ අධ්‍යක්ෂ ජනරාල් එයාර් වයිස් මාර්ෂල් රොෂාන් සේනක බියන්විල ගේ ප්‍රධානත්වයෙන් සැප්තැම්බර් 13 වන දින සිය 17 වන සංවත්සරය සිවිල් ආරක්ෂක දෙපාර්තමේන්තු මූලස්ථාන පරිශ්‍රයේදී අභිමානවත් ලෙස සමරන ලදී.
රාජ්‍ය අමාත්‍ය ප්‍රමිත බණ්ඩාර තෙන්නකෝන් මැතිතුමා
වැඩබලන ආරක්ෂක අමාත්‍යවරයා ලෙස පත් කෙරේ
අද (13) සිට ක්‍රියාත්මක වන පරිදි වැඩබලන අමාත්‍යවරුන් ලෙස රාජ්‍ය අමාත්‍යවරුන් සිව් දෙනෙකු පත් කර ඇති අතර වැඩබලන ආරක්ෂක අමාත්‍ය ධුරයද ඊට ඇතුලත් වේ.
ලෙබනනයේ එක්සත් ජාතීන්ගේ අතුරු බලකා මූලස්ථානය යටතේ සේවයේ නියුතු ශ්‍රී ලංකා භටපිරිස්හි සේවය ඇගයේ
ලෙබනනයේ එක්සත් ජාතීන්ගේ අතුරු බලකා මූලස්ථානය (UNIFIL) යටතේ සේවයේ නියුතු 14 වන ශ්‍රී ලංකා මූලස්ථාන ආරක්ෂක භට කණ්ඩායමේ (SLFPC) හමුදා සම්ප්‍රදායානුකූල පදක්කම් ප්‍රධානෝත්සවය පසුගිය බදාදා (සැප්තැම්බර් මස 06) දින ලෙබනනයේ, නකෝරා හි පිහිටි ලෙබනනයේ එක්සත් ජාතීන්ගේ අතුරු බලකා මූලස්ථානයේ ග්‍රීන්හිල් ‘Soedirman’ කඳවුරු පරිශ්‍රයේදී පැවැත්විණි.
කොතලාවල ආරක්ෂක විශ්වවිද්‍යාලයේ නව උපකුලපතිවරයාට
ආරක්ෂක රාජ්‍ය අමාත්‍යවරයාගෙන් සුභ පැතුම්
ජෙනරල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයට අභිනවයෙන් පත්වූ උපකුලපති රියර් අද්මිරාල් ධම්මික කුමාර ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මැතිතුමාව අද (සැප්තැම්බර් 11) කොළඹ ආරක්ෂක රාජ්‍ය අමාත්‍යාංශයේ දී හමුවිය.
පවතින වැසි සහිත කාලගුණික තත්වය තවදුරටත් අපේක්ෂා කෙරේ
දිවයිනට බල පා ඇති වැසි සහිත කාලගුණය තවදුරටත් පැවතිය හැකි බව කාලගුණ විද්‍යා දෙපාර්තමේන්තුව ප්‍රකාශ කරයි. කාලගුණ විද්‍යා දෙපාර්තමේන්තුව නිකුත් කළ නවතම කාලගුණ අනාවැකියට අනුව අද දින (සැප් 11) බස්නාහිර, සබරගමුව, දකුණු සහ වයඹ පළාත්වලත් මහනුවර සහ නුවරඑළිය දිස්ත්‍රික්කවලත් විටින් විට වැසි ඇති වේ.
ආරක්ෂක අමාත්‍යාංශය: පාස්කු ඉරිදා ප්‍රහාරය සම්බන්ධයෙන් Channel 4 හි
අසත්‍ය චෝදනා නිල වශයෙන් ප්‍රතික්ෂේප කිරීම
ළමුන් සහ විදේශිකයන් ඇතුළු අහිංසක ජීවිත 270 කට ආසන්න පිරිසකගේ ජීවිත බිලිගත් ලොවම කම්පා කළ 2019 පාස්කු ඉරිදා ප්‍රහාරය, ශ්‍රී ලංකාව සහ ජාත්‍යන්තර ප්‍රජාව භීතියෙන් බලා සිටියහ. මෙම ව්‍යසනයෙන් පසුව, ශ්‍රී ලංකා රජය, නීතිය ක්‍රියාත්මක කරන ආයතන, ආරක්ෂක අංශ සහ ජාත්‍යන්තර විමර්ශන ආයතන පුළුල් පරීක්ෂණ දියත් කළේය. වසර ගණනාවක් දේශීය හා ජාත්‍යන්තර වශයෙන් කරන ලද මෙම පරික්‍ෂණ තුලින් නිරන්තරයෙන් පෙන්වා දී ඇත්තේ මෙම භයංකර ඛේදවාචකයේ නිර්මාපකයින් සහරාන් හෂීම්ගේ නායකත්වයෙන් යුත් අයිඑස්අයිඑස් හා සම්බන්ධ කණ්ඩායම්වල සාමාජිකයින් බවයි.
පාකිස්ථානයේ සහයෝගය ආරක්ෂක ලේකම්ගේ පැසසුමට
58 වැනි පාකිස්ථාන ආරක්ෂක සහ දිවිපිදුවන් සැමරුම් දින උත්සවය ශ්‍රී ලංකාවේ පාකිස්ථාන මහකොමසාරිස් මේජර් ජෙනරල් (විශ්‍රාමික) උමාර් ෆාරුක් බුර්කි මැතිතුමාගේ ප්‍රධානත්වයෙන් ඊයේ (සැප් 07) කොළඹ ෂැංග්‍රිලා හෝටලයේදී පැවැත්විණි. මෙම උත්සවයේ ප්‍රධාන ආරාධිත අමුත්තා ලෙස ආරක්ෂක ලේකම් ජෙනරල් කමල් ගුණරත්න සහභාගි විය.
කොතලාවල ආරක්ෂක විශ්වවිද්‍යාලයේ 16 වැනි ජාත්‍යන්තර පර්යේෂණ සමුළුව ඇරඹේ
කොතලාවල ආරක්ෂක විශ්වවිද්‍යාලයේ 16 වැනි ජාත්‍යන්තර පර්යේෂණ සමුළුව අද (සැප්තැම්බර් 07) විශ්වවිද්‍යාලිය ශ්‍රවණාගාරයේ දී ආරම්භ විය. ජාතික ආරක්‍ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක මැතිතුමා ප්‍රධාන ආරාධිතයා ලෙස මෙම අවස්ථාවට සහභාගි විය.
ශ්‍රී ලංකා ගුවන් හමුදාවේ අංක 2 ප්‍රවාහන ගුවන් යානා බලඝනය
66 වැනි සංවත්සරය සමරයි
ශ්‍රී ලංකා ගුවන් හමුදාව වෙනුවෙන් අද්විතීය මෙහෙවරක් ඉටු කරන අංක 2 බර ප්‍රවාහන බලඝනයේ අභිමානවත් 66 වන සංවත්සරය 2023 සැප්තැම්බර් 01 වන දිනට යෙදී තිබිණ. මෙම බලඝනය 1957 සැප්තැම්බර් 01 වන දින ශ්‍රී ලංකා ගුවන් හමුදා කටුනායක කඳවුරේදී ස්ථාපිත කර ඇත.
ආරක්ෂක රාජ්‍ය අමාත්‍යවරයාගේ අනුග්‍රහය යටතේ
ජාතික ශිෂ්‍යභට බළකාය පුළුල් වේ
ජාතික ශිෂ්‍යභට බළකායේ පුහුණු මධ්‍යස්ථානයක් පිහිටුවීම සදහා මුලතිව් හි ශ්‍රී ලංකා යුද හමුදාව අයත්ව තිබු පුහුණු මධ්‍යස්ථානයක් ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා විසින් සැප්තැම්බර් 04 වැනි දින නිළ වශයෙන් භාරගන්නා ලදි.
2023 වසරේදී රණවිරුවන් වෙත ලක්‍ෂ 600ක සහනදායි නිවාස ණය
රණවිරු සේවා අධිකාරිය මගින් ක්‍රියාත්මක විශේෂ සහන නිවාස ණය යෝජනා ක්‍රමය යටතේ දිවයින පුරා දිස්ත්‍රික්ක 20 ක විසිරී සිටින රණවිරු පවුල් 85 ක් සඳහා රුපියල් ලක්‍ෂ 600 ක් වටිනා නිවාස ණය 2023 වසර තුළදී ප්‍රදානය කිරීමට නියමිතව ඇත.
ඇහැලියගොඩට නායයෑමේ රතු අනතුරු ඇඟවීමක් නිකුත් කරයි
රත්නපුර හා ඇහැලියගොඩ ප්‍රාදේශීය ලේකම් කොට්ඨාශයේ ප්‍රදේශවලට 3 වන මට්ටමේ (රතු) නායයෑමේ පූර්ව අනතුරු ඇඟවීමක් නිකුත් කර ඇත.